 |
|
İstanbul üçün qar xəbərdarlığı edilib.
Türkiyədə hava anidən dəyişəcək.
Meteoroloqlar bildiriblər ki, Bazar ertəsindən Cümə gününə qədər havada ciddi temperatur enişi olacaq. Xəbərdarlığa görə bəzi ərazilərdə qar, sulu qar yağacaq.
Bəzi bölgələrdə temperatur ötən həftəyə nisbətən təxminən 10 dərəcə enəcək.
Qeyd edək ki, Bakıda da temperatur yaxın günlərdə xeyli düşəcək.Milli.Az.
Mənzildə qeydiyyatda olan şəxslərin qeydiyyatdan çıxarılması müəyyən hüquqi və administrativ səbəblərə əsaslanır. Bu proses müxtəlif hallarda və qaydalara uyğun olaraq həyata keçirilə bilər. Qeydiyyatdan çıxarılma şəxsin həmin mənzildə artıq yaşamadığı, ya da başqa bir səbəbə görə bu vəziyyətin dəyişdiyi hallarda mümkündür.
Mənzildə qeydiyyatda olan şəxsləri qeydiyyatdan hansı hallarda çıxarmaq olar ?
Məsələ ilə bağlı Milli.Az-a vəkil Nurlan Səfərov açıqlama verib.
O bildirib ki, bu məsələ ilə bağlı praktika da iki hal mövcuddur ki, vətəndaşlar bir çox hallarda məhkəmə aiddiyyatının düzgün seçimində və ya işin mahiyyəti üzrə səhvə yol verə bilirlər.
"Birinci hal ondan ibarətdir ki, əgər mənzildə qeydiyyatda olan şəxslər mənzil mülkiyyətçisinin yaxın qohumlarıdırsa, məsələn ər-arvad, valideynlər və uşaqlardırsa bu kimi hallarda mənzildən istifadə hüququna bazar qiymətinə uyğun kopensasiyanin ödənilməsi şərti ilə xitam verilə bilər. İkinci hal isə vətəndaşların ev alqı satqısı və ya mənzilin bağışlanması zamanı daha çox rastlaşdığı problemlərdən biridir".
Vəkil onu da qeyd edib ki, ev alqı satqısı zamanı aydın olur ki mənzildə mülkiyyətçinin tanımadığı və heçbir əlaqəsi olamayan şəxslər qeydiyyatdadırlar. Belə olan halda qeydiyyatda olan şəxslərin razılığı olmadan ev alqı-satqısı prosesini həyata keçirmək. Bu kimi hallarda vətəndaşlar qeydiyyatda olan şəxslərin qeydiyyatdan çıxarılması ilə bağlı rayon polis idarəsinə və inzibati məhkəməyə müraciət edərək qeydiyyatda olan şəxslərin mənzildən qeydiyyatdan çıxarılmasını tələb edə bilər.
“Dəmir yollarında təhlükəsizlik millimetrlə ölçülür”.
Yol-xeber.az" xəbər verir ki, Risklərin idarə edilməsi və daxili nəzarət departamentinin müdiri vəzifəsi həvalə olunmuş Ə.Məmmədov ADY-də son illərdə görülən işlər, dəmir yollarında hərəkətin təhlükəsizliyinin vacibliyi, hərəkətə nəzarət sisteminin rəqəmsallaşdırılması və digər məsələlərdən bəhs edir.
Ağdərə rayonunun Suqovuşan kəndinə növbəti köç karvanı yola salınıb.
Ağdərə rayonunun yenidən qurulan Suqovuşan kəndinə köç edənlər respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.
Bu mərhələdə kəndə 53 ailə - 185 nəfər köçürülür.
Qeyd edək ki, hazırda Qarabağda və Şərqi Zəngəzurda, ora köçürülən keçmiş məcburi köçkünlərlə yanaşı, bu bölgədə aparılan layihələrin icrasında çalışan, həmçinin ayrı-ayrı dövlət qurumlarının yerli bölmələrində xidməti vəzifələrini yerinə yetirən, yenidən fəaliyyətə başlamış səhiyyə, təhsil, mədəniyyət, turizm, sənaye, energetika müəssisələrində işləyən, ümumilikdə, 40 minə yaxın insan yaşayır.
Bakı metropoliteninin "28 May" stansiyasında kəsişərək birləşən Qırmızı və Yaşıl xətlərin ayrılması layihəsi Bakının nəqliyyat sisteminin infrastruktur və mobillik layihələrinin icrası və inkişafı baxımından mühüm əhəmiyyət kəsb edir.
Yol-xeber.az xəbər verir ki, layihənin əsas tərkib hissələrindən biri kimi, "Dərnəgül" elektrik deposunun inşası bərpa olunur.
Elektrik depolarının ən əsas vəzifəsi müstəqil fəaliyyət göstərməli olan xətlərin etibarlı və təhlükəsiz fəaliyyətini təmin etməkdir. Depo hərəkətin təşkili, vaqon parkına xidmət göstərilməsi, qatar tərkiblərinin saz vəziyətdə saxlanması, texniki xidmət və təmirin vaxtında keyfiyyəti icrasını və digər funksiyaları özündə birləşdirir.
Hazırda Qırmızı və Yaşıl xətlərin hər ikisinə "Nərimanov" elektrik deposu xidmət göstərir. Depo bir xətt üçün nəzərdə tutulduğundan iki xəttin əsas tələbatını ödəmir.
"Dərnəgül" elektrik deposunun ərazisi Binəqədi rayonu, M.Əliyev küçəsinin 3126-27-ci məhəlləsində ayrılmış 16,5 hektara yaxın torpaq sahəsində yerləşir. Deponun ərazisi dəmir yolu xəttinə çıxış sahəsi də daxil olmaqla hasarlanıb. Ərazinin fərqli və bəzi yerlərdə mürəkkəb relyefi nəzərə alınmaqla istinad divarlarının dəmir beton konstruksiyalarının tikintisi tamamlanıb. 3 nəzarət-buraxılış məntəqəsindən 2-si tam hazırdır. Depoların ən mühüm tələbi olan səthin hamarlanması işləri yerinə yetirilib. Ərazidə 7-mərtəbəli inzibati bina və 2-mərtəbəli istehsalat emalatxanalarının tikinti-quraşdırma işləri başa çatdırılıb.
Ərazidə 500 kubmetrlik 2 yanğın və 100 kubmetrlik içməli su anbarları, həmçinin xidməti və texniki otaqların tikintisi tamamlanıb. Dartı-alçaldıcı elektrik yarımstansiyasının və iki qazanxana binasından birinin inşa işləri qismən tamamlanıb.
Təməl qazıntı və konstruktiv elementləri əvvəlki dövrdən hazır olan qatarların dayanma-təmir sahəsində hərəkətinin təşkili və idarə edilməsi mərkəzi, vaqonların əsaslı təmiri, təkəryonma, təkər cütlərinin diaqnostikası, vaqonyuma və üfürmə sahələri, həmçinin dönmə dairəsi inşa ediləcək.
Depoda rels-qaynaq sexi, qazanxanalar, nasosxanalar, müxtəlif növ yağıntılar, işlənmiş mayelər üçün axar və çənlərin, habelə təmizləyici qurğuların və digər mühüm obyektlərin inşası da nəzərdə tutulub. Burada işçilərin əmək şəraitinin və asudə vaxtlarının səmərəli təşkili üçün lazım olan bütün infrastruktur yaradılacaq. Avtodayanacaq, söhbətgahlar, idman meydançası, istirahət guşələri ilə yanaşı, depo layihəsinə yaşıllıqlar və parkların salınması da daxildir. Ərazinin ekoloji layihələri çərçivəsində 1000-ə yaxın ağac əkiləcək, çəmənlik zonaları yaradılacaq.
Depo ərazisində inşa ediləcək yerüstü platforma yaxınlıqda yaşayan sakinlərin metrodan daha səmərəli və rahat istifadəsinə imkan verəcək. Burada platformanı keçidlə birləşdirən tunel və gözləmə zalı, açıq hava şəraitinin təsirlərindən mühafizə və xidməti infrastruktur inşa olunacaq.
Hazırda layihələrin son tamamlanması, ekspertizadan keçirilməsi, habelə inşaat və infrastrukturun qurulması istiqamətində işlər davam etdirilir.
Bəzi gözəllik salonları təkcə saç və dırnaq baxımı üçün yox, həm də müxtəlif kosmetoloji prosedurlar üçün şərait yaradır.
Xəzər TV məlumat verir ki, sosial şəbəkələrdəki elanlardan məlum olur ki, belə salonlarda müxtəlif dəri təmizləmə və pilinq, dərinin alt qatlarına vitaminlər, minerallar və digər faydalı maddələrin yeridilməsi ilə aparılan mezoterapiya, botoks və dolğu, eyni zamanda, lazer epilyasiyası kimi kosmetoloji xidmətlər həyata keçirilir.
Səhiyyə Nazirliyinin Analitik Ekspertiza Mərkəzindən isə bildirilib ki, gözəllik salonları tibb müəssisələrindəki sanitar epidemioloji tələblərə dair qaydalara cavab vermədiyindən həmin təsərrüfat obyektlərində tibbi kosmetoloji fəaliyyətin həyata keçirilməsi yolverilməzdir.
Keçirilən yoxlamalar zamanı aşkar edilmiş qanunsuz tibbi fəaliyyət ilə məşğul olması faktı lisenziyasız özəl tibb fəaliyyəti kimi qiymətləndirilir və inzibati xətalar məcəlləsinin müvafiq maddələri ilə inzibati qaydada tənbeh olunaraq növbəti icraata göndərilir.
"Bakı Metropoliteni” QSC-nin nümayəndələri tikintisi bərpa olunan “Dərnəgül” elektrik deposuna yaxın ərazilərdə yaşayan sakinlərlə görüş keçiriblər.
Yol-xeber.az" xəbər verir ki, Sakinlərə depoda görüləcək işlər barədə ətraflı məlumat verilib. Bildirilib ki, depo qatarların son dayanacağı olmaqla yanaşı, onların xətlər üzrə paylanmasını təmin edir. Qatarlara texniki qulluq göstərilməsini, eyni zamanda metropolitenin bütün digər texniki xidmət və sahələrinin işini özündə birləşdirir.
Görüşdə deponun baş planı əsasında həyata keçiriləcək ekoloji tədbirlər çərçivəsində 1000-ə yaxın yeni ağacın əkiləcəyi də diqqətə çatdırılıb.
Sonra vətəndaşları maraqlandıran suallar cavablandırılıb, onlarda narahatlıq yarada biləcək məqamlara aydınlıq gətirilib.
Aprel üçün astroloji proqnozlar bəzi günlərin xüsusilə diqqət tələb etdiyini göstərir.Bu tarixlərdə həm planetlərin gərgin aspektləri, həm də maqnit qasırğalarının təsiri insan sağlamlığına və gündəlik fəaliyyətlərə mənfi təsir göstərə bilər.
Musavat.com astroloji baxımdan riskli günləri təqdim edir:
2-3 aprel: Merkuri və Saturn arasındakı gərgin bucaq iş görüşmələri və müqavilələr üçün əlverişsiz sayılır. Bu günlərdə texniki və ünsiyyət problemləri yaşana bilər.
9 aprel: Günəş və Pluton arasındakı çətin aspektlər emosional gərginliyi artıraraq inadkarlıq və güc mübarizələrinə səbəb ola bilər.
15 aprel: Mars və Uran arasındakı gərgin bucaq qəfil dəyişikliklər və gözlənilməz hadisələrlə nəticələnə bilər. Qəzalar və münaqişələrə meyil artdığı üçün ehtiyatlı olmaq məsləhətdir.
23 aprel: Venera və Saturnun çətin aspekti sevgi və münasibətlərdə anlaşılmazlıqlara səbəb ola bilər. Maddi məsələlərdə də yubanma və ya məyusluq ehtimalı yüksəkdir.
28 aprel: Ay və Marsın "kvadrat" vəziyyəti emosional partlayışlara və səbrsizlik hissinə səbəb ola bilər. Bu günlərdə emosiyalarınızı nəzarətdə saxlamaq vacibdir.
Bəs həmin günlərdə nə etməlisiniz?
Sakit və düşünülmüş yanaşma: Riskli günlərdə tələsik qərarlar verməkdən çəkinin, xüsusilə emosional və maliyyə məsələlərində diqqətli olun.
Ünsiyyət və səbr: Ünsiyyət problemlərinin artma ehtimalına qarşı söhbətlərdə və yazışmalarda daha aydın və səbirli davranmağa çalışın.
Münasibətlərə diqqət: Münasibətlərdə anlaşılmazlıqların qarşısını almaq üçün qarşı tərəfin hisslərinə həssas yanaşın.
Riskli fəaliyyətlərdən çəkinin: Qəfil hadisələr və qəzalar riskini azaltmaq üçün avtomobil idarə edərkən, idman edərkən və ya ağır işlərlə məşğul olarkən ehtiyatlı olun. /Musavat.com
“Bugünkü təhsil sistemi uşaqlara, cəmiyyətə heç nə vermir. Sadəcə ağır dərs proqramı ilə yüklənmiş uşaqlar var. Ali məktəblərə qəbul imtahanlarının nəticələrinə baxanda görürük ki, əksəriyyəti 5 ballıq sistem üzrə 1-2 qiymətlərlə (150-250 bal) daxil olur”.
Bu sözləri Ölkə.Az-a açıqlamasında sosial məsələlər üzrə ekspert Elçin Bayramlı ali təhsil alan gənclərin iş tapmaqda çətinlik çəkməsi barədə danışarkən deyib. O, ağır təhsil proqramının həyatda heç bir üstünlük qazandırmadığını söyləyib:
“Yəni 11 illik ağır proqramın nəticəsi budur. Ali məktəblərdə də eyni vəziyyətdir. Bizim ali məktəblərin çoxu müasir tendensiyalardan geri qalır.
Elmdə, texnologiyada dəyişmələrə, çağırışlara adekvat dəyişiklik yoxdur. Yeni peşələr, texnologiyaların öyrədilməsində ənənəvi üsullardan daha çox istifadə edirlər. Bu gün əmək bazarında da onların bir çoxuna tələbat yoxdur. Bizim ali məktəblərin buraxdığı məzun kütləsinin 99%-nə əslində əmək bazarında ehtiyac yoxdur. Birincisi əmək bazarı tutumu o qədər deyil. İkinci tərəfdən də o peşələrin aktuallığı azalıb”.
E.Bayramlı hesab edir ki, peşə təhsili sistemi sovet dövründə çox yaxşı təşkil olunmuşdu:
“Böyük peşə məktəbləri şəbəkəsi var idi və böyük sənaye sistemi olduğuna görə, həmin məktəbləri qurtaran insanlara lazımi mütəxəssis kimi hər yerdə tələbat var idi, iş tapırdılar. Amma bu gün işsizlik problemi var. Yenə də peşə məktəblərinə yönəlmə bizdə çox zəifdir. Halbuki əmək bazarında peşə təhsili olanlara tələbat çoxdur, ali təhsillilərə isə tələbat azdır.
Bu gün ustaların 99%-nin peşə təhsili yoxdur. Eləcə də bir çox sahələrdə müəyyən ixtisaslı peşələr var ki, təhsil almamış kimii gəldi götürürlər. Bu da effekt vermir”.
Ekspetin fikrincə ölkənin əmək bazarında hansı peşələrə nə qədər tələbat olması araşdırılmalı, qəbul buna uyğun aparılmalıdır:
“Yoxsa plan, pul qazanmaq xatirinə kütləvi şəkildə hamını ali təhsilə cəlb eləmək, yalançı diplomlar verib buraxdıqdan sonra onların həyatda heç bir iş tapa bilməməsi əbəsdir. Çəkilən əziyyətlər, təhsil sisteminə xərclənən vəsait batır, insanlar da heç bir şey əldə edə bilmirlər.
Bugünkü gənclər çalışmalıdırlar ki, peşə təhsili alsınlar, ixtisaslı kadr kimi özlərinə yer tutsunlar. Bu gün ali təhsillilər ən aşağı maaş alanlardır.
Müşahidələrimə əsasən deyə bilərəm ki, savadlı ustlar (məsələn, avtomobil, texniki avadanlıqların ustaları və s.) ayda 3-5 min, hətta bəzən 10 min manat, amma ali təhsillilər 500-1000 manat civarında qazanırlar.
Maddi cəhətdən də baxanda burada böyük fərq var. Üstəlik bu müstəqil işdir. Yəni insanlar özlərini işlə təmin eləmiş olur. Bu baxımdan müasir tendensiyalarla ayaqlaşmaq lazımdır.
Bazarın tələblərinə uyğun gənclər özlərinə peşə seçməlidirlər. Küyə düşüb “uşağımı oxudum”, “diplom alım” demək lazımsız bir mərhələdir. Bütün dünya ölkələrində bundan çoxdan imtina olunub. Böyük əksəriyyəti başqa ölkələrdə bazarın tələbinə uyğun peşə ixtisas mərkəzlərinə yönəldilir”.
Gənclərə texnologiyanın imkanlardan faydalanaraq özünə iş qurmağı tövsiyə edən ekspert dövlət qurumlarının dəstəyinin də vacibliyini vurğulayıb:
“Gənclər yeni texnologiyalardan istifadə edərək özləri üçün internet üzərindən və s. kiçik biznes qura bilərlər. Burada ilkin kapital, ləvazimat çatışmazlığı kimi müəyyən problemlər var. Ona görə də dövlət özünüməşğulluq proqramının əhatə dairəsini və maliyyə imkanlarını dəfələrlə artırmalıdır ki, daha çox insan dövlətin yardımı ilə özünə bir iş, kiçik obyekt qura bilsin.
Bundan əlavə, peşə təhsili təbliğ olunmalı, artırılmalıdır. Çoxlu ixtisaslar və tələblər qoyulmalıdır ki, peşə təhsili olmayanlar usta kimi və yaxud texnik kimi işləməsinlər”.
E.Bayramlı deyib ki, müəyyən sahələrdə peşə təhsilinə yiyələnə bilməyənlər qeyri-peşəkar xidmət göstərirlər:
“Bu gün bazarda əsas problemlərdən biri odur ki, ustalar avtomobiləri pis vəziyyətə qoyur. Çünki heç bir təhsili yoxdur. Kiminsə əlinə baxıb öyrənib, amma texniki olaraq anlayışı yoxdur. Bu insanlara zərər vurur. Ona görə də belə bir tələb qoyulsa ki ancaq peşəkar ixtisaslı kadrlar işləyə bilərlər onda bu sahəyə maraq artacaq.
Dövlət də ilk növbədə əmək yarmarkalarında onların işlə təminini təşkil etməlidir ki, insanlar görsün ki, hamı ali təhsili almaqla iş tapa bilmir. Amma uşaqlar peşə təhsilinə yönəldiləndə peşəkar mütəxəssis olur, işləyir, pul da qazanır, özünə böyüyəndə bizne sdə qurur.
Dünyanın bir çox böyük biznesmenləri, ali şəxsiyyətlərinin heç ali təhsili yoxdur. Bu onu göstərir ki, yalançı diplom xatirinə ali təhsil planını artırmağa ehtiyac yoxdur. Müasir çağırışlara, texnologiyaya uyğun kurslar, peşə məktəbləri kadrlar yetişdirilməlidir ki, həmin şəxslər əmək bazarının tələbinə uyğun təhsil alsın, peşə və bacarıqlara yiyələnsin.
Hazırda əmək bazarı ilə təhsil sistemnin bir-birilə əlaqəsi yoxdur. Bir çox iş yerləri var ki savadlı kadrlar axtarır, amma o sahədə adam yoxdur. Bu məsələlər kompleks şəkildə həllini tapmalıdır”.
Son günlərdə xeyli vətəndaşa, hətta 30 yaşı keçənlərə və hərbi xidmətə yararsız kimi qeydiyyatda olanlara da Səfərbərlik və Hərbi Xidmətə Çağırış üzrə Dövlət Xidmətindən mesaj göndərilib. SMS-də qeyd olunub ki, əgər vətəndaş Xidmətin rayon üzrə idarəsinə gəlməkdən boyun qaçırarsa, inzibati və cinayət məsuliyyəti daşıyacaq. Lakin mesajlarda çağırışın səbəbi qeyd olunmayıb.
Məsələ ilə bağlı Səfərbərlik və Hərbi Xidmətə Çağırış üzrə Dövlət Xidmətinin İctimaiyyətlə İş və Beynəlxalq Əlaqələr şöbəsinin rəisi Pərviz Sədrəddinov metbuat.az-ın sorğusuna cavab verib.
O bildirib ki, Azərbaycan Respublikası Nazirlər Kabinetinin 29.02.2008-ci il tarixli 59 nömrəli qərarı ilə təsdiq edilmiş "Hərbi-həkim ekspertizası haqqında əsasnamə"nin "Xəstəliklər cədvəli"nin I qrafasının 58-ci maddəsinin "b" bəndinə əsasən "Dinc dövrdə həqiqi hərbi xidmətə yararsız, müharibə dövründə məhdud yararlı" hesab edilən vətəndaşlara növbəti tibbi müayinədən keçmək məqsədilə qeyd edilən SMS göndərilib.