 |
|
AFFA prezidenti Rövşən Nəcəf UEFA rəhbəri Aleksander Çeferinlə görüşüb.
Ölkə.az milli assosiasiyanın mətbuat xidmətinə istinadən xəbər verir ki, toplantı Tailandın paytaxtı Banqkokda keçirilən FIFA-nın 74-cü Konqresindən əvvəl baş tutub.
Görüşdə UEFA və AFFA arasında qarşılıqlı əməkdaşlıq məsələləri müzakirə olunub, UEFA-nın dəstəyi ilə ölkəmizdə həyata keçirilmiş layihələr barədə fikir mübadiləsi aparılıb.
Tərəflər səmərəli və faydalı əməkdaşlığın gələcəkdə də davam etdiriləcəyinə əminliyini ifadə ediblər.
“Real Madrid” rəhbərliyi klubda qalmaq istəyinə baxmayaraq, 38 yaşlı yarımmüdafiəçi Luka Modriçlə bu ilin yayında başa çatacaq əmək müqaviləsini yeniləməmək qərarına gəlib.
Məlumata görə, kral klubu Modriçin Madriddəki sərgüzəştlərinin bitdiyinə inanır və gənc oyunçulara, xüsusən də 19 yaşlı yarımmüdafiəçi Arda Gülərə üstünlük verir. “Real Madrid” türkiyəli futbolçunun Modriçin yolunu davam etdirə biləcəyinə inanır.
Xatırladaq ki, Modriç bu mövsüm bütün turnirlərdə 43 matçda iştirak edib, iki qol vurub və 8 məhsuldar ötürmə edib.(oxu.az)
Azərbaycan Premyer Liqasında çempionluğu rəsmiləşdirən “Qarabağ”ın 2024/2025 mövsümündə UEFA Çempionlar Liqasının I təsnifat mərhələsindəki daha dörd potensial rəqibi müəyyənləşib.
“Qafqazinfo” xəbər verir ki, Ağdam təmsilçisi “Selye” (Sloveniya), “Hamrun” (Malta), “Larne” (Şimali İrlandiya) və “UE Santa Koloma” (Andorra) ilə qarşılaşa bilər.
Xatırladaq ki, Çempionlar Liqasında I təsnifat mərhələsinin püşkü iyunun 18-də atılacaq.
Qeyd edək ki, Litvanın “Panevejis”, Qazaxıstanın “Ordabasi”, İslandiyanın “Vikinqur”, San Marinonun “Virtus”, Belarusun “Dinamo” (Minsk) klublarının təmsilçimizin mümkün rəqibləri sırasında yer alacaqları dəqiqləşmişdi.
Bu gün AFFA İcraiyyə Komitəsinin növbəti iclası keçiriləcək. “Qafqazinfo” xəbər verir ki, qurumun inzibati binasında təşkil ediləcək tədbir saat 15:00-da başlayacaq.
Toplantının gündəliyinə 4 məsələ daxil edilib.
Bunlar AFFA-nın inkişafı strategiyasının (inkişaf hədəflərinin müəyyən olunması, strategiyanın yazılması), Azərbaycan Premyer Liqasında komanda sayının artırılmasının, Azərbaycan Premyer Liqasında 2024/2025 mövsümündə tətbiq olunacaq legioner limitinin və 2024-cü il üçün AFFA büdcəsinin müzakirəsidir.
İclasda milli komandaya baş məşqçinin təyinatı gözlənilmir.
UEFA Çempionlar Liqasında ikinci finalçı bəlli olub.
Yarımfinal mərhələsinin digər cavab oyununda Almaniya “Bavariya”sı İspaniyada “Real Madrid”lə qarşılaşıb. Görüş "kral klubu"nun 2:1 hesablı qələbəsi ilə yekunlaşıb.
İlk görüşdə məhsuldar heç-heçə (2:2) qeydə alındığı üçün Karlo Ançelottinin komandası adını finala yazdırıb.
Qeyd edək ki, "Real Madrid"in finaldakı rəqibi Almaniyanın “Borussiya Dortmund” komandası olacaq.
UEFA Çempionlar Liqasında ilk finalçı bəlli olub.
Yarımfinal mərhələsinin cavab oyunu çərçivəsində Fransanın PSJ kollektivi evdə Almaniyanın "Borussiya" (Dortmund) klubunu qəbul edib.
Qeyd edək ki, "Borussiya"nın finaldakı rəqibi mayın 8-i keçiriləcək "Real" (Madrid) - "Bavariya" görüşündən sonra bəlli olacaq.
BMT Baş Assambleyası 25 may tarixini Ümumdünya Futbol Günü elan olunması barəsində qətnamə qəbul edib.
"Qətnamə layihəsi BMT-yə üzv olan 70-dən çox dövlət tərəfindən dəstəklənib.
Qətnamədə futbolun qlobal əhatə dairəsi və onun ticarət, sülh və diplomatiya da daxil olmaqla həyatın müxtəlif sahələrinə təsiri, idmanın əməkdaşlıq məkanı üçün sahib olduğu güc öz əksini tapıb.
Sənəd, həmçinin BMT-nin Dayanıqlı İnkişaf Məqsədləri (DİM) üçün futbol təşəbbüsünü dəstəkləyib.
Bu gün Azərbaycan Premyer Liqasında XXXIII tur start götürəcək.
Turun ilk oyun günündə iki qarşılaşma baş tutacaq.
“Kəpəz” “Sumqayıt”ı qəbul edəcək. Saat 16:30-da Tovuz şəhər stadionunda baş tutacaq görüşü İnqilab Məmmədov idarə edəcək. Hazırda “Sumqayıt” 50 xalla ikinci pillədə qərarlaşıb. Turnir cədvəlində doqquzuncu olan “Kəpəz”in isə 34 xalı var.
Turun mərkəzi qarşılaşması sayılan “Qarabağ” - “Neftçi” matçı isə “Azərsun Arena”da keçiriləcək. FIFA referisi Elçin Məsiyevin baş hakim olacağı qarşılaşmanın start fiti saat 19:30-da səslənəcək. Hazırda 73 xalla turnir cədvəlinin ilk pilləsində qərarlaşan “Qarabağ” ölkə çempionluğunu artıq təmin edib. “Sumqayıt”la eyni xala (50) malik “Neftçi” isə üçüncüdür.
Azərbaycan Premyer Liqası
XXXIII tur
4 may
16:30. “Kəpəz” – “Sumqayıt”
Hakimlər: Tural Qurbanov, Zöhrab Abbasov, Teymur Teymurov, Nicat İsmayıllı.
Hakim-inspektor: Asim Xudiyev.
AFFA nümayəndəsi: Asif Əliyev.
Tovuz şəhər stadionu
19:30. “Qarabağ” – “Neftçi”
Hakimlər: İnqilab Məmmədov, Namiq Hüseynov, Kamran Bayramov, Fərid Hacıyev.
Hakim-inspektor: Barış Şimşək.
AFFA nümayəndəsi: Elçin Mehtiyev.
“Azərsun Arena”
Qeyd edək ki, turun digər oyunları mayın 5-i və 6-da keçiriləcək.
Xəbər verdiyimiz kimi, “Bayer” (Leverkuzen) Avropa Liqasının yarımfinalının ilk görüşündə “Roma”nı 2:0 hesabı ilə məğlub edib.
“Almanlar bununla da məğlubiyyətsizlik seriyasını 47-yə yüksəldib.
Matçın videoicmalını təqdim edirik:
aia.az xəbər verir ki, 24-28 Aprel 2024-cü il tarixlərində Türkiyənin Mersin şəhərində Universal Döyüş idman növü üzrə növbəti Avropa çempionatı keçirilib. Bu mötəbər yarışda ölkəmiz 13 idmançı ilə təmsil olunub. Yarışlar bütün yaş kateqoriyalarında təşkil olunmuşdu. Milli komandamızın tərkibi 5 yeniyetmə, 5 qənc, 2 böyük və 1 peşəkar idmançıdan ibarət olub. Yeniyetmələr arasında Əhməd Məmmədov ikinci, Həşim Abdullayev, Sərvər Rzayev, Tural Hümbətli və Ziya Sərdarlı öz çəki dərəcələrində birinci olubllar.
Gənclər arasında Əli Quiyev III yerə, Həmid Orucov II yerə sahib olublar. Adəm Seyidov, Abbas Abdullazadə və Bayram Qəhrəmanlı isə bütün rəqiblərinə qalib gələrək kürsünün ən yüksək pilləsinə yüksəliblər. Böyüklər arasında Mehti Şahverdiyev 55 kq çəki dərəcəsində I yerə sahib olub. Yenə də böyüklər arasında çempionata qatılan digər idmançımız, dəfələrlə Avropa və dünya çemionatlarının qalibi və mükafatçısı olmuş, 95 kq çəkidə bu yarışın əsas favoritlərindən olan Mehman Hüseynov da ona olan inamları sona qədər doğruldub. İdmançımız bütün rəqiblərinə böyük üstünlüklə qalib gələrək yarışın qalibi olub və bir daha ölkəmizin bayrağını ən yüksəyə ucaldıb. Peşəkarlar arasında təşkil olunmuş yarışlarda ölkəmizi təmsil edən və son zamanlarda ard-arda qazandığı qələbələrlə peşəkar arenaya səs salan, 65 kq çəki dərəcəsində “Peşəkar reytinqlər”də məğlubiyyətsiz irəliləyən Mədət İbrahimov bu yarışda da rəqbini vaxtından əvvəl, elə birinci raunddaca nokauta göndərərək həm peşəkarlar arasında Avropa çempionu titulunu, həmdə peşəkar karyerasında özünün 7-ci qələbəsini qazanıb.
Məşqçi İslam Novruzov, Baş məşqçi Cavidan Qarayev , “Qartal” Peşəkar İdman Kubunun rəhbəri Yaqub İbrahimov və Federasiyanın Prezidenti Azər Həsənov ümumi yarış barədə xoş təəsüratlarını bölüşüblər və idmançılarımızı bu böyük uğurla təbrik ediblər. Mətbuata təqdim olunan açıqlamada gələcək yarışlara daha ciddi hazırlaşaraq daha çox idmançı ilə təmsil olunmağın qarşıya əsas məqsəd qoyulduğu bildirilib. Qeyd edək ki, ümumilikdə 25 ölkədən 620 idmançının iştirak etdiyi Avropa çempionatında Azərbaycan Millisi komanda hesabında III yerə çıxıb. Bu mötəbər yarışda komandamızın iştrakına yaxından dəstək olduqları üçün başda “Nice group”un rəhbəri Nicat Paşayev olmaqla və şirkətin bütün komandasına, “AnArt” şirkətinin rəhbərliynə və “RR Travel Company” şirkətinə bütün idmançılarımız adından təşəkkürümüzü bildiririk.
