 |
|
DYP: Şəhərin mərkəzində bu cür avtomobillərin sayı azalıb
"Korroziyaya uğramış, işıq cihazları nasaz vəziyyətdə olan avtomobillərin idarə edilməsi günün istənilən vaxtında təhlükəlidir və yol-nəqliyyat hadisələrinin baş verməsinə səbəb ola bilər"
Dövlət nömrə nişanı yox, heç bir standartlara uyğun deyil, amma magistral yollarda hərəkət edərək təhlükə yaradırlar. Söhbət köhnə avtomobillər, o cümlədən metal daşıyan maşınlardan gedir. Çox vaxt şüşələri, hətta bəzən qapısı belə olmadan bu avtomobillər idarə olunur. Özü ilə bərabər üzərində metal daşıyır. Təbii ki, bu digər yol hərəkəti iştirakçıları üçün potensial təhlükədir.
Kimsə çörək pulu qazanacaq deyə başqaları ölməlidir?
Bu cür avtomobilləri nəinki mərkəzi, heç mərkəzdən kənar küçələrə də buraxmaq olmaz. Təsəvvür edin ki, heç bir texniki göstəriciləri olmayan bu maşınlar nə dərəcədə təhlükəlidir. Dəfələrlə yol qəzalarında məhz belə maşınlar səbəb olub. Yüksək sürətlə getdiyin yerdə qarşında sanki metaldan bir təpə qəfil dayanır. Nəticədə ölümlə sonlanan qəzalar baş verir.
Bəziləri deyir ki, kasıb adamlardır, çörək pulu qazanır. Amma düşünürəm ki, bu işlə məşğul olan şəbəkə var ki, məhz elə belə maşınlardan istifadə edirlər. İndi kimsə çörək pulu qazanacaq deyə, başqaları ölməlidir?
Çox vaxt işıq cihazları ümumiyyətlə olmayan bu maşınlar gecə saatlarında xüsusilə təhlükəlidir. Yolların işıqlandırma problemi onsuz da var. Bir tərəfdən də bu cür maşınlar gecələr də yola çıxır. Düşünürlər ki, həmin vaxt yol polisi onları görməyəcək və saxlamayacaq. Amma elə bil "kamikadze" kimi sürücüləri öldürmək üçün qəsdən yola çıxırlar. Buna qarşı ciddi tədbirlər görülməlidir.
DYP: Şəhərin mərkəzində bu cür avtomobillərin sayı azalıb
Avtosfer.az-ın məlumatına görə Bakı Şəhər Dövlət Yol Polisi İdarəsinin şöbə rəisi, polis polkovniki Vaqif Əsədov "MediaPost"-a bildirib ki, istismara yararsız, texniki cəhətdən nasaz avtomobillər yol hərəkətində istifadə edilə bilməz. "Bu tipli avtomobillər texniki baxışdan keçirilmir. Amma bu cür nəqliyyat vasitələri ilə bəzi
sürücülər "çörək pulu qazanmaq" adı ilə yüklər daşıyır. Bununla da həm də yükdaşıma qaydalarını pozmuş olurlar. Korroziyaya uğramış, işıq cihazları nasaz vəziyyətdə olan avtomobillərin idarə edilməsi günün istənilən vaxtında təhlükəlidir və yol-nəqliyyat hadisələrinin baş verməsinə səbəb ola bilər. Dövlət Yol Polisi dəfələrlə avtomobil sürücülərinə müraciət edərək müdaxilə olunmadan özləri həmin nəqliyyat vasitələrini utilizasiya etsinlər. Çünki turizmin inkişafı üçün bu qədər vəsait qoyulub. Ölkəmizə gələn turistlərin sayı hər gün artır. Brend avtomobillər ilə yanaşı bu cür maşınların görünməsi xoş təəssürat yaratmır."
Vaqif Əsədov bildirib ki, ötən illərlə müqayisədə bu cür avtomobillərin paytaxtın mərkəzi küçələrində görünməsi halları azalıb. "Yol polisinin müraciətləri, görülmüş tədbirlər nəticəsində artıq şəhərin mərkəzində bu cür avtomobillərin sayı azalıb. Amma təəssüf olsun ki, şəhərdən kənar ərazilərdə, şəhərkənarı magistral yollarda onlara rast gəlinir. Qanunvericiliklə bu cür maşınlar istifadə edilməməlidir."
Dünyada elə dövlətlər var ki, sürət məhdudiyyəti yoxdur
Azərbaycanda “Yol-nəqliyyat hadisələri” elektron məlumat bazası yaradılacaq.
Yol-xeber.az xəbər verir ki, bunu Oxu.Az-a açıqlamasında Baş Dövlət Yol Polis İdarəsinin Yol-Patrul Xidməti şöbəsinin rəisi Kamran Əliyev bildirib.
Onun sözlərinə görə, elektron məlumat bazasının yaradılması “Yol hərəkətinin təhlükəsizliyinə dair” (2019-2023) Dövlət Proqramında nəzərdə tutulub. Hazırda “Yol-nəqliyyat hadisələri” elektron məlumat bazasının yaradılması və məlumatların elektron qaydada hazırlanması barədə layihə hazırlanır.
Bu, irihəcmli işdir və mütəxəssislər cəlb edilməlidir. Bizim də fikrimiz var ki, baş verən yol-nəqliyyat hadisələri zamanı məlumat toplananda, hətta görüntülü şəkildə dərhal o proqram əsasında qoyulan suallara konkret cavab verilsin.
Yaradılacaq elektron bazada nəqliyyat vasitəsinin buraxılış ilindən başlayaraq, ölkə qeydiyyatı, onun aktiv təhlükəsizlik avadanlığının mövcud və ya işlək vəziyyətdə olub-olmaması, hava şəraiti, yol örtüyünün vəziyyəti, sükanın hansı tərəfdə olması, səfər, yaxud səyahətin məqsədi və sair məlumatlar toplanacaq ki, bunun da nəticəsində hadisələrin daha ətraflı təhlilinə, habelə bir sıra xarici ölkələr arasında yol-nəqliyyat hadisələri üzrə məlumatların müqayisə edilməsinə imkan yaradacaq.
Eyni zamanda, həmin bazadakı məlumatlar əsasında həm də hadisələrin elektron xəritəsini yaratmaq mümkün olacaq və elektron xəritənin köməyi ilə ölüm, xəsarət və maddi zərərlə nəticələnmiş qəza nöqtələrinin vizual görüntüsünü əldə etmək mümkün olacaq, analizlərin aparılması işi daha da təkmilləşəcək”.
K.Əliyev bildirib ki, bəzən yol-nəqliyyat hadisəsi baş verəndə dəqiq səbəbini üç-beş dəqiqəyə demək çətindir:
“Ümumi deyilir ki, sürət həddinin aşılması. Amma sürət həddinin aşılmasına görə qəza olmur. Dünyada elə dövlətlər var ki, sürət məhdudiyyəti yoxdur. Qəza o zaman olur ki, sürücü sürətlə gedən zaman hərəkət iştirakçısı manevr etmə, ötmə qaydalarını pozur və qəza baş verir.
K.Əliyevin sözlərinə görə, Dövlət Proqramının icrası ilə bağlı yol-nəqliyyat hadisəsi yerinə müvafiq qəza-xilasetmə bölmələrinin qısa müddətdə çatmasını və daha operativ əlaqələndirməni təmin etmək üçün Daxili İşlər, Səhiyyə və Fövqalədə Hallar Nazirliklərinin rəhbərləri tərəfindən təsdiq edilmiş plan əsasında regionlarda təlimlərə başlanılıb, artıq belə təlimlərdən biri ötən ilin sonunda Gəncədə keçirilib.
Metrostansiyalara adların verilməsi və yaxud adların dəyişdirilməsi metropoliten rəhbərliyinin səlahiyyətində deyil
“Bakı Metropoliteni” QSC-nin rəhbərliyi tərəfindən hər hansı stansiyanın adının dəyişdirilməsi üçün Nazirlər Kabineti yanında Adqoyma komissiyasına müraciət olunmayıb”.
Bunu Modern.az-ın sorğusuna cavab olaraq, “Bakı Metropoliteni” QSC sədrinin istismar üzrə vəzifə səlahiyyətlərini müvəqqəti icra edən Əlixan Osmanov bildirib.
Ə.Osmanov qeyd edib ki, hər hansı stansiyanın adının dəyişdirilməsilə bağlı müraciət haqda heç bir kütləvi informasiya vasitəsinə məlumat verilməyib:
“Metrostansiyalara adların verilməsi və yaxud adların dəyişdirilməsi metropoliten rəhbərliyinin səlahiyyətində deyil”.
Qeyd edək ki, bir müddət əvvəl “Bakı Metropoliteni” QSC-nin “Ulduz" və “Xalqlar Dostluğu” stansiyalarının adlarının dəyişdirilməsilə bağlı Nazirlər Kabinetinə müraciət edildiyi barədə məlumatlar yayılmışdı.
Xatırladaq ki, Bakı metrosu ilk dəfə 1967-ci il 6 noyabrda fəaliyyətə başlayıb. İlk illərdə metronun 5 stansiyası – “Bakı Soveti”, “26 Bakı Komissarı”, “28 Aprel”, “Gənclik” və “Nəriman Nərimanov” stansiyaları sərnişinlərin istifadəsinə verilib.
Zamanla yeni stansiyalar açılıb və daha başqa dəyişikliklər də olub ki, bu gün də onların şahidi oluruq. Bakı metrosunda zamanla dəyişikliyə məruz qalan həm də stasiyaların adları olub. İlk vaxtlar başqa adlarla fəaliyyətə başlayan stansiyalar sonradan adlarını dəyişib.
Adları dəyişdirilən stansiyalardan biri də indiki “20 Yanvar” stansiyasıdır. 1985-ci ildən fəaliyyətə başlayan bu stansiyanın ilk adı “XI Qızıl Ordu Meydanı” olub. Məlum 20 yanvar hadisələri zamanı da stansiya “XI Qızıl Ordu Meydanı” kimi fəaliyyət göstərib. Hadisədən 2 il sonra, 27 aprel 1992-ci ildə stansiyanın adı “20 Yanvar”la əvəzlənib.
İndiki “28 May” stansiyası ilk illərdə “28 Aprel” adlandırılıb. Bu stasiyanın adı 9 aprel 1992-ci ildə dəyişdirilib.
1972-ci ildən fəaliyyətə başlayan “Avrora” stansiyası 27 aprel 1992-ci ildən “Qara Qarayev” adlandırılıb.
“26 Bakı Komissarı” stansiyasının adı isə 9 aprel 1992-ci ildə “Sahil” olub.
“Bakmil” stansiyası da adı dəyişdirilənlərdəndir. 1979-cu ildə fəaliyyətə başlayan stansiyanın o vaxtki adı “Elektrozavod” olub. 1 yanvar 1993-cü iltarixindəhəmin ad “Bakmil” adı ilə əvəzlənib.
“Bakı Soveti”nin adı isə uzun müddət qalıb. Yalnız 25 aprel 2007-ci iltarixində “İçәrişәhәr” adı ilə əvəzlənib.
Adı dəyişdirilən hələlik sonuncu stansiya “Koroğlu”dur. 1972-ci ildə fəaliyyətə başlayan stansiyanın adı əvvəllər “Məşədi Əzizbəyov” olub. Lakin 6 il öncə, 30 dekabr 2011-ci il tarixində stansiyanın adı dəyişdirilib və “Koroğlu” adlandırılıb.
Qəza zamanı hansı işlərin görülməsi barədə regionlarda təlimlərə başlanılıb
Prezident İlham Əliyevin imzaladığı Yol Hərəkəti Təhlükəsizliyə dair 2019-2023-cü illəri əhatə edən Dövlət proqramı çərçivəsində bir sıra tədbirlər həyata keçirilir.
Baş Dövlət Yol Polis İdarəsi, Yol-Patrul Xidməti şöbəsinin rəisi Kamran Əliyev Avtosfer.az-a bildirib ki, Dövlət Proqramı çərçivəsində üç dövlət qurumu birgə yol-nəqliyyat hadisələri ilə bağlı tədbirlər planı hazırlayıb: “Daxili İşlər Nazirliyi, Səhiyyə Nazirliyi və Fövqalədə Hallar Nazirliyi yol qəzası zamanı hadisə yerinə vaxtında çatma ilə bağlı birgə tədbirlər planı hazırlayıb. Sözügedən nazirliklərin rəhbərləri tərəfindən təsdiq edilmiş plan əsasında qəza zamanı hansı işlərin görülməsi barədə regionlarda təlimlərə başlanılıb. Artıq belə təlimlərdəm biri Gəncədə keçirilib. Gələcəkdə də bu istiqamətdə digər bölgələrdə də tədbirlərin davam etdirilməsi nəzərdə tutulub”.
Avtosfer.az təlimlər zamanı çəkilmiş videogörüntüləri təqdim edir:
=
Bakı metropoliteni üçün 60 yeni vaqon istehsal edəcək
Gələn ay Bakı metrosuna növbəti yeni qatar gətiriləcək.
Azvision.az xəbər verir ki, Rusiyanın "Transmaşholdinq" Səhmdar Cəmiyyəti 2020-2022-ci illər ərzində Bakı metropoliteni üçün 60 yeni vaqon istehsal edəcək.
Belə ki, hər il 20 yeni vaqon gətiriləcək və ilk qatar 2020-ci ilin fevralında Bakıya çatdırılacaq.
Dünya Azərbaycanlılarının Həmrəylik günü və Yeni il bayramı öncəsi Bibiheybət yolunda hərəkətin bərpası nəzərdə tutulub.
“Azərbaycan Avtomobil Yolları” Dövlət Agentliyindən "Yol-xeber.az"a verilən məlumata görə, ən azı 2 hərəkət zolağı enində yolda hərəkətin bərpası üçün hazırda ərazidə işlər aparılır, yol asfaltlanır.
Asfalt-beton örtüyünün döşənməsinin bu gecə yekunlaşdırılması, 31-i səhər saatlarında yolda xətlənmə işlərinin aparılması və yol kənarına dəmir-beton təhlükəsizlik sədlərinin quraşfıtılması nəzərdə tutulur.
31 dekabr günün ikinci yarısından isə yolda hərəkətin bərpası planlaşdırılır.
Qeyd edim ki, ərazidə gələcəkdə bu iimi hadisələrin baş verməməsi üçün tikinti-bərpa işləri davam etdirilir, svay əsaslı istinad divarları inşa edilir, yeni drenaj və yağış-kanalizasiya sistemi qurulur. İşlərin tam olaraq 2020-ci ilin I rübündə yekunlaşdırılması nəzərdə tutulub.
GPS sistemi vasitəsilə bunlara nəzarət olunacaq
“Azərbaycan Dəmir Yolları” QSC-də qatarlara ilk dəfə olaraq GPS sistemi quraşdırılacaq.
Bunu Yol-xeber.az-a açıqlamasında QSC-nin İnnovasiyaların təhlili və tətbiqi şöbəsinin rəisi Nəriman Nağıyev bildirib. Onun sözlərinə görə, quraşdırılacaq sistem vasitəsilə maşinistə xəbərdarlıq olunacaq:
“Qatar hərəkətdə olan zaman qarşıda maneə, təhlükə olarsa, sistem vasitəsilə hərəkət sürətinə nəzarət olunacaq və mühərrikin işini məsafədən dayandırmaq imkanımız olacaq.
Məsələn, qatar sürətli hərəkət edir, qəfil şəkildə qarşıya maşın və digər maneə çıxır, sürət azalana kimi arıtq problem yaranır. GPS sistemi vasitəsilə bunlara nəzarət olunacaq. Bu proses 2020-ci ildə mərhələli şəkildə həyata keçiriləcək”.
QSC rəsmisi bildirib ki, Bakı-Astara dəmir yolu xətti ilə bağlı layihədə yolların əsaslı təmiri və elektrikləşdirilməsi yer alır:
“Bakıdan Astaraya qədər olan dəmir yolu xəttinin 243 km-lik hissəsi yenidən qurulacaq. Bu zaman birxətli yolun ikixətli edilməsi, elektrikləşdirilməsi və işarə vermə rabitə sisteminin quraşdırılması planlaşdırılır. Bu işlər çərçivəsində torpaqların alınması prosesi ilin sonuna qədər yekunlaşdırılacaq”.
Yol infrastrukturu layihələri 20 minə yaxın vətəndaşın yaşadığı 8 yaşayış məntəqəsini əhatə edən avtomobil yollarıdır
"Azərbaycan Avtomobil Yolları" Dövlət Agentliyi tərəfindən yol infrastrukturunun təkmilləşdirilməsi kimi sosial yönümlü tədbirlər davam etdirilir.
Agentlikdən Yol-xeber.az-a verilən məlumata görə, agentlik bu çərçivədə Kürdəmir rayonunda 3 yol infrastrukturu layihəsini icra edib. Layihələr Karrar-Bağman-Böyük Kəngərli, Şilyan-Qarasu və Pirili-Muradxan-Sor-Sor avtomobil yollarını əhatə etməklə 85,2 km uzunluğa malikdir.
Kürdəmir rayonunda icra olunan 3 yol infrastrukturu layihələri 20 minə yaxın vətəndaşın yaşadığı 8 yaşayış məntəqəsini əhatə edən avtomobil yollarıdır. Karrar-Bağman-Böyük Kəngərli, Şilyan-Qarasu və Pirili-Muradxan-Sor-Sor avtomobil yollarının əhatə etdiyi yaşayış məntəqələri arasında nəqliyyat əlaqəsi pis vəziyyətdə olub. Çünki torpaq və dağılmış qara örtük əsaslı yolla gediş-gəliş çox çətin olub.
Avtomobil yolları boyu zəruri olan hissələrdfə deformasiyaya uğramış yol yatağı qazılaraq çıxarılıb, yolun genişləndirilməsi, qaldırılması və profilə salınması ilə yeni yol yatağının inşası istiqamətində addımlar atılıb. Yol yatağı hazır olan hissələrdə yol əsasının alt layının tikintisi işləri qum-çınqıl, üst layının optimal-qırmadaş qarışığı ilə aparılıb.
Yolların böyük hissəsi torpaq örtüklü olduğu üçün bu ərazilərdə tikinti norma və qaydalarına uyğun olaraq, yeni yolun inşası işləri aparılıb. Texnoloji ardıcıllığa uyğun olaraq, ərazilərdə yolun profilə salınması, bitki qatının təmizlənməsi və xüsusi çınqıl materialı ilə yeni yol yatağının, daha sonra isə xüsusi qruntla yeni yol yatağı və yol əsası inşa edilib.
Layihə çərçivəsində yol boyu yararsız vəziyyətdə olan suötürücü boruların yeniləri ilə əvəz edilməsi və yenilərinin quraşdırılması işləri də görülüb. Bunun üçün müxtəlif diametrli dairəvi metal və dəmir-beton borulardan istifadə olunub. Bundan başqa yollarda yerləşən 2 və 4 aşırımlı avtomobil körpülərin də əsaslı şəkildə bərpası, yararsız körpü məhəccərlərinin dəyişdirilməsi də görülən işlərin siyahısındadır.
Karrar-Bağman-Böyük Kəngərli, Şilyan-Qarasu və Pirili-Muradxan-Sor-Sor avtomobil yollarının yenidən qurulması yol boyu yaşayan vətəndaşların Bakı-Ələt-Qazax-Gürcüstan Respublikası ilə dövlət sərhədi avtomobil yoluna asan çıxış əldə etməklə, istər rayon mərkəzinə, istərsə də digər rayonlara rahat gediş-gəlişi təmin olunub, yük və sərnişin daşıması asanlaşıb, ərazidə əhalinin sosial həyatına müsbət təsir edən kənd təsərrüfatının inkişafı sürətlənib.
Torpaq işləri bitəndən sonra yol əsasına əlaqələndirici bitum səpilməklə yol örtüyünün alt layının iri dənəli, üst layının isə xırda dənəli asfalt-beton örtüyü ilə tikintisi işləri aparılıb. Layihələrin sonuncu mərhələsində çiyinlərin bərkidilməsi, yol birləşmələrinin təmiri və avtobus dayanaqcaqlarının tikintisi, həmçinin yollar boyu avtonəqliyyat vasitələrinin normal hərəkətini təmin etmək məqsədi ilə yol nişanlarınin, km göstəricilərinin və məlumatverici lövhələrin, həmçinin siqnal dirəklərinin quraşdırılması, üfüqi nişanlanma xətlərinin çəkilməsi işləri görülüb.
Nəqliyyat sahəsinə hansı töfhələr verilir?
Avtosefer.az AVTOPARK rubrikasında müxtəlif iri dövlət və özəl şirkətlərin avtomobil parkları haqqında məlumatlar dərc edir.
Bugünki araşdırdığımız obyekt Azərbaycanın ən böyük dövlət şirkətlərindən biri olan Azərbaycan Dövlət Neft Şirkətinin (SOCAR) Nəqliyyat İdarəsidir
SOCAR Nəqliyyat İdarəsi Azərbaycan Respublikası Prezidentinin ''Azərbaycan Respublikası Dövlət Neft Şirkətinin strukturunun təkmilləşdirilməsi haqqında'' 24 fevral 2014-cü il tarixli Fərmanına uyğun olaraq qurulub. Nəqliyyat İdarəsinin əsas məqsədi ARDNŞ-nin Baş ofisi və strukturuna daxil olan qurumlar üzrə təşkilati, idarəçilik, təsərrüfat, istehsalat fəaliyyətinin həyata keçirilməsi üçün tələb edilən avtomobil və xüsusi texniki vasitələrinin təmin olunmasından ibarətdir.
Gündəlik iş rejimi
Şirkətdə istər iri tutumlu, istərsə də kiçik tutumlu və sərnişindaşımada istifadə olunan nəqliyyat vasitələri gündəlik olaraq fəaliyyət göstərir. İdarənin gündəlik fəaliyyətinə avtomobillərin texniki baxışdan, sürücülərin tibbi müayinədən keçirilməsi, o cümlədən müvafiq iş qrafikinə əsasən nəqliyyatın hərəkət sxeminin qurulması daxildir. Burada əməkdaşlar tərəfindən kiçik və iri tutumlu avtobuslar, minik maşınlarının iş yerinə gətirilməsi, o cümlədən yanacaq və digər aidiyyəti materialların müvafiq sturukturlara çatdırılması mühüm rol oynayır. Nəqliyyat İdarəsinin tabeliyində olan avtobusların gündəlik müntəzəm xətt üzrə qrafikləri var. Şirkət əməkdaşları müəyyən olunmuş ərazilərdən iş yerlərinə çatdırılır və axşam işdən çıxan zaman yenidən əvvəlki yerə qaytarılır. Həmçinin günün tələbinə uyğun olaraq müntəzəm xətlərdən əlavə xüsusi xətlər də müəyyən olunur ki, bu da yenə şirkət daxilində daşımalara xidmət edir.
Ən ciddi məsələlərdən biri də yanacaq və təhlükəli maddələr daşıyan maşınlardır. Həmin maşınları idarə edən sürücülər mütamadi olaraq təlimlər keçir, hər gün reysqabağı tibbi müayinədən keçirilir, həmçinin maşınlar yoxlanılır. Yanacaq daşıyan maşınlar terminalların tələbatına uyğun olaraq seçilir və Dövlət Yol Polisi tərəfindən müəyyən olunmuş qrafiklə günün müəyyən olunmuş saatlarında hərəkət edirlər.
Sürücülər işə necə qəbul olunur?
SOCAR Nəqliyyat İdarəsində sürücüləri işə qəbul edərkən ilk növbədə onların peşəkarlığı nəzərə alınır. Əsasən yük maşınlarının idarə edilməsində təcrübə əsas götürülür. Həmçinin “Mercedes” şirkəti ilə bağlanmış müqaviləyə əsasən sürücülər mütəmadi olaraq təlimlərdən keçirlər. Onlara idarə etdikləri maşınların təhlükəsi barədə məlumat verilir. Bunun sanki hər an partlaya bilən bomba olması izah olunur.
Nəqliyyat sahəsinə hansı töfhələr verilir?
Təbii ki, SOCAR Nəqliyyat İdarəsi nəqliyyat sahəsinə töfhələr də verir. Belə ki, Ekologiya və Təbii Sərvətlər Nazirliyi, DYP ilə birgə avtomobillərin havaya buraxdığı zəhərli qazların ölçülməsi ilə bağlı reydlər keçirilir. Bu zaman sürücülərə müxtəlif maarifləndirici tövsiyyələr verilir.
Daşıma “ADY Konteyner”nin operatorluğu ilə həyata keçirilib
Bakı-Tbilisi-Qars dəmir yolu xətti ilə on mininci konteyner daşınıb. Yol-xeber.az"a "Azərbaycan Dəmir Yolları" QSC-nin törəmə şirkəti olan "ADY Container"dən bildirilib.
Məlumata görə, 40 futluq konteyner Türkiyə-Qazaxıstan marşrutu ilə hərəkət edən blok qatarının tərkibində ölkəmizin ərazisindən keçərək, Qazaxıstanın Yeti Su Stansiyasına çatdırılıb. 20 konteynerdən ibarət blok qatarının yükü dizel yanacağı ilə işləyən minik avtomobilləri olub. Daşıma “Azərbaycan Dəmir Yolları” QSC-nin törəmə şirkəti olan “ADY Konteyner”nin operatorluğu ilə həyata keçirilib. 2017-ci il oktyabrın 30–da istifadəyə verilən BTQ ilə yükdaşımaların həcmi durmadan artır. Belə ki, ötən il bu xətlə 4135 (TEU), bu il isə 5810 (TEU) konteyner daşınıb.