 |
|
Faktla bağlı Xəzər Rayon Polis İdarəsində araşdırma aparılır
Xəzər rayonunda ölümlə nəticələnən yol-nəqliyyat hadisəsi baş verib.
Qəza Qala qəsəbəsində qeydə alınıb. Belə ki, minik avtomobili yolu keçmək istəyən 1970-ci il təvəllüdlü Məmmədov Feyruz Kamil oğlunu vurub.
Yaralı ağır vəziyyətdə xəstəxanaya yerləşdirilsə də, həyatını xilas etmək mümkün olmayıb.
Faktla bağlı Xəzər Rayon Polis İdarəsində araşdırma aparılır.
Əkbər Yusufov Baş Dövlət Yol Polisi İdarəsinin rəhbərliyindən xahiş edir ki...
Bakı şəhər sakini Əkbər Yusufov qeyri-adi hadisə ilə üzləşib. Avtosfer.az xəbər verir ki, o, özünə məxsus 10-XK-842 qeydiyyat nişanlı “VAZ-21011” markalı avtomobili 2008-ci ildə etibarnamə ilə digər şəxsə satıb. Lakin etibarnamənin vaxtı bitdiyinə görə avtomobillə törədilən xətalar üzrə tərtib olunmuş qərarlar birbaşa mülkiyyətçi Əkbər Yusufovun adına tərtib edilir. O, bu barədə dəfələrlə Baş Dövlət Yol Polisinə rəsmi şikayətlər edib. Şikayətlər qeydiyyat üzrə Sabunçu rayon DYP Şöbəsində araşdırılaraq eyni məzmunlu cavablar verilir.
Müraciətlərə verilən cavablarda bildirilir ki, “avtomobilin mühafizə olunan duracağa yerləşdirilməsi ilə bağlı qərar qəbul olunub”. Lakin avtomobilin sürücüsü hər həftə qayda pozduğu üçün elektron qaydada qərarlar tərtib olunur. Cərimələr ödənmədiyi üçün avtomobilin mülkiyyətçisi Əkbər Yusufova hər dəfə Sabunçu rayon DYP-dən rəsmi məktub göndərilərək sürücülük hüququnun məhdudlaşdırılacağı barədə xəbərdarlıq edirlər. O, hər dəfə bu məzmunlu müraciəti aldıqdan sonra DYP Şöbəsinə yaxınlaşır və idarədə Əkbər Yusufovun olduğunu bildikdə, sürücülük hüququnun məhdudlaşdırılması ilə bağlı göndərilən sənədləri cırıb ləğv edilər. Bu məsələdən bezən Sabunçu rayon DYP şöbəsinin əməkdaşları Əkbər Yusufova müsbət nəticə əldə etmək üçün Baş Dövlət Yol Polisi idarəsinə getməyi tövsiyə ediblər.
Əkbər Yusufov Baş Dövlət Yol Polisi İdarəsinin rəhbərliyindən xahiş edir ki, məsələnin kökündən həll olunması və avtomobilin mühafizə olunan duracağa yerləşdirilməsi ilə bağlı göstəriş versin.
Faktla bağlı Binəqədi Rayon polis İdarəsində araşdırma aparılır
Binəqədi rayonunda yol-nəqliyyatı hadisəsi zamanı 1 nəfər ağır xəsarət alıb.
Hadisə Cəfər Xandan küçəsində baş verib.
1977-ci il təvəllüdlü Vəzirov Akif Həsənağa oğlu yolu keçmək istəyərkən “99-FF-892” dövlət nömrə nişanlı “Kia Optima” markalı minik avtomobili onu vurub.
Yaralı təcili olaraq xəstəxanaya yerləşdirilib. Vəziyyəti ağır qiymətləndirilir.
Faktla bağlı Binəqədi Rayon polis İdarəsində araşdırma aparılır.
Faktla bağlı araşdırma aparılır
Sabunçu rayonunda 2 nəfərin xəsarət alması ilə nəticələnən yol qəzası baş verib. Yol-xeber.az APA-ya istinadən xəbər verir ki, hadisə Heydər Əliyev prospektində, Hava Limanı istiqamətində qeydə alınıb. 1989-cu il təvəllüdlü Hüseynov Elxan Əmirxan oğlu və 1996-cı il təvəllüdlü Həsənov Tural Qalib oğlu taksidən düşən zaman arxadan gələn minik avtomobili onları vurub. Yaralılar xəstəxanaya çatdırılıb.
Faktla bağlı Sabunçu Rayon Polis İdarəsində araşdırma aparılır.
“Youtube” sosial şəbəkəsində Qazax rayonun Daş Salahlı kəndində, toy karvanında kənd sakinlərindən birinin avtomobildən havaya atəş açmasının görüntüləri yayılıb.
Yeniavaz.com xəbər verir ki, görüntülər, noyabr ayının 10-da Eldar Barxudarlı adlı şəxsin “Youtube” kanalına yüklənmiş videoda öz əksini tapıb. Sərlövhədə kadrların Qazax rayonunun Daş Salahlı kəndində keçirilən toyda lentə alındığı bildirilib. E. Barxudarlı həmçinin toyu lentə alan operator olduğunu qeyd edib.
Kadrlarda “VAZ-2106” markalı, “09-BC-367” dövlət qeydiyyat nişanlı avtobobilin ön tərəfində əyləşən gəncin ov silahından havaya atəş açdığı müşahidə olunur.
Həmin kadrları təqdim edirik:
Onlardan bir neçəsinin vəziyyəti ağırdır
Suriyanın Rakka əyalətində partlayış baş verib. Yol-xeber.az xəbər verir ki, insident əyalətin şimalında yerləşən Suluk yaşayış məntəqəsində qeydə alınıb.
Bildirilir ki, terrorçuların minalanmış avtomobili partlatması nəticəsində azı 7 nəfər ölüb, daha 13 nəfər isə xəsarət alıb. Onlardan bir neçəsinin vəziyyəti ağırdır.
Qeyd edək ki, Suluk Türkiyə Silahlı Qüvvələrinin nəzarəti altındadır. Onlar regionda təhlükəsizlik zona yaratmaq və məcburi köçkünlərin geri qayıtması üçün hərbi əməliyyatlar aparır.
Daha sonra hava gəmisi Samaradan Soçiyə yola düşüb
Çelyabinskdən Soçiyə uçan təyyarə Samaraya məcburi eniş edib.
“RİA Novosti” xəbər verir ki, buna səbəb sərnişinlərdən birinin təyyarənin tualetində siqaret çəkməsi olub.
Kuybışev Nəqliyyat Prokurorluğunun mətbuat xidmətindən bildirilib ki, qadın sərnişin elektron siqaret çəkdiyi üçün təyyarədən endirilib.
Daha sonra hava gəmisi Samaradan Soçiyə yola düşüb.
Cinayət törətməkdə şübhəli bilinən 28 nəfər saxlanılıb
Ötən gün daxili işlər orqanlarında qeydə alınan cinayət faktları və hadisələr haqqında statistik məlumatlar açıqlanıb. Daxili İşlər Nazirliyinin (DİN) Mətbuat Xidmətindən Yol-xeber.az-a verilən məlumata görə, noyabrın 8-də törədilən 17 cinayətin üstü “isti izlər”lə açılıb.
Əvvəlki dövrlərdən bağlı qalan 14 cinayətin açılması təmin olunub.
Axtarışda olduğuna görə, ümumilikdə, 25 nəfər, o cümlədən borclu şəxs qismində axtarışda olan 14 nəfər saxlanılaraq aidiyyəti üzrə təhvil verilib.
Avtomobil yollarında 1 ağır yol-nəqliyyat hadisəsi baş verib, nəticədə 1 nəfər ölüb, 1 nəfər xəsarət alıb.
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 8 fakt müəyyən edilib.
Cinayət törətməkdə şübhəli bilinən 28 nəfər saxlanılıb.
Xaçmaz Rayon Polis Şöbəsi tərəfindən araşdırma aparılır
Xaçmaz rayonunda yol-nəqliyyat hadisəsi baş verib.
Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.
Belə ki, noyabrın 8-də saat 12 radələrində Xaçmaz şəhəri ərazisində İ.Ağayev idarə etdiyi “Nissan” markalı avtomobillə yolu keçən Qaraçı kənd sakini Ş.Məmmədəliyevi vurub.
Piyada xəsarətlə xəstəxanaya yerləşdirilib.
Xaçmaz Rayon Polis Şöbəsi tərəfindən araşdırma aparılır.
Fakt araşdırılır
Ucar rayonunda yük maşını inəyi vurub.
"Yol-xeber.az"un Yuxarı Şirvan bürosu xəbər verir ki, hadisə Bakı-Qazax yolunun rayonun Təzə Şilyan kəndindən keçən hissəsində qeydə alınıb.
1989-cu il təvəllüdlü Əsədov Teymur Arzuman oğlu "Ford" markalı yük maşını ilə hərəkətdə olarkən qəfildən onun qarşısına çıxan inəyi vurub. Nəticədə sürücü xəsarət alıb. Yaralı Kürdəmir Rayon Mərkəzi Xəstəxanasına çatdırılıb.
Fakt araşdırılır.