 |
|
Baş nazir Nikol Paşinyanın "Facebook"dakı paylaşımları tədricən sözün əsl mənasında cəfəngiyyata çevrilir.
Bunu erməni siyasətçi Levon Zurabyan deyib.
O bildirib ki, Paşinyanın fəlsəfi xəzinə olduğunu iddia edən bu söz yığını düşüncəyə çevrilmək sınağından belə keçmir. "Lakin bütün bunları xalqımız ölkənin taleyinin psixi və əqli cəhətdən qeyri-adekvat bir insanın əlində olduğunu düşünsəydi, bu qədər faciəli olmazdı. İndi aydın olur ki, beynində belə çaşqınlıq olan Paşinyan dünyanı və xüsusən də Ermənistan ətrafında baş verən prosesləri, ölkəmizin üzləşdiyi taleyüklü çağırışları sadəcə olaraq qeyri-adekvat dərk edir", - o qeyd edib.
ABŞ-nin yeni seçilmiş prezidenti Donald Trampın administrasiyasının gələcək vitse-prezidenti J.D.Vens ABŞ-nin Qrenlandiyada hərbi güc tətbiq etməsinə ehtiyac olmadığını bildirib.
Bu barədə "Fox News"a müsahibəsində deyib.
Vens xatırladıb ki, onsuz da ABŞ-nin artıq adada hərbi mövcudluğu var.
Gələcək vitse-prezidentin sözlərinə görə, Trampın oğlu kiçik Donald Trampın bu yaxınlarda səfəri zamanı yerli sakinlər öz resurslarını inkişaf etdirmək hüququna malik olmaq arzusunu ifadə ediblər.
KİV-in məlumatına görə, kiçik Tramp Qrenlandiyaya səfəri zamanı evsizlərə PR kampaniyası üçün rüşvət verib. Onun fikrincə, Danimarka hakimiyyəti regionun təhlükəsizliyini təmin etmək üçün kifayət qədər iş görməyib.
O qeyd edib ki, bu, Birləşmiş Ştatlar üçün Qrenlandiyanın təhlükəsizliyinin təmin edilməsində və təbii sərvətlərin istismarında liderlik etmək üçün yaxşı fürsətdir.
Vens onu da əlavə etdi ki, Tramp sövdələşmələr etməkdə ən yaxşısıdır.
ABŞ-də baş verən yanğınlardan sonra süni intellektlə hazırlanmış videoların sayı artıb. Belə ki, hadisənin dəhşəti şişirdilərək əks etdirən görüntülər yayılır və insanlar bunun həqiqət olduğunu düşünürlər. Əvvəlcə bir çoxları videoların real olduğuna inanır, sonradan bunun süni intellektlə hazırlandığı məlum olur. Lakin bəzi insanlar belə görüntülərin həqiqət olduğuna inanmaqda davam edirlər.
Süni intellektlə hazırlanmış videoları real kadrlardan ayırmaq üçün bir neçə ipucu və texnologiyadan istifadə edə bilərsiniz:
1. Vizual detallara diqqət yetirin:
Hərəkətlərin təbii olmaması: Süni intellektlə yaradılan videolarda obyektlərin hərəkətləri qeyri-təbii, süni və ya axıcılıqdan məhrum ola bilər.
Detalların olmaması: Alovlar, tüstü və ya obyektlər bəzən real həyatda olduğu kimi görünmür, məsələn, çox hamar və ya qeyri-təbii rənglərdə ola bilər.
Anormal effektlər: Suyun hərəkəti, tüstü və ya işıq effektləri reallığa uyğun gəlməyə bilər. Xüsusilə alovlar bəzən çox simmetrik və ya nizamsız görünür.
2. Səsə diqqət edin:
Səsin keyfiyyəti: Süni intellektlə hazırlanmış videolarda əlavə edilmiş səs çox vaxt reallıqdan uzaq olur. Alovların səsi və ya fon səsləri qeyri-təbii ola bilər.
Dəyişmələr: Səs və görüntü arasında uyğunluğun olmaması video manipulyasiyasına işarə ola bilər.
3. Meta məlumatları yoxlayın:
Video mənbəsi: Əgər video sosial şəbəkələrdə paylaşılırsa, onun ilk mənbəyini araşdırın. Etibarlı xəbər agentlikləri və ya mənbələrdən paylaşılıbsa, daha güvənli ola bilər.
Dosya metadataları: Video faylını kompüterdə açaraq, yaradılma tarixi və proqram təminatı kimi metadatalara baxmaq olar. Süni intellektlə hazırlanmış videolar çox vaxt xüsusi proqram təminatından istifadə edərək yaradılır.
4. AI analiz alətlərindən istifadə edin:
Deepfake aşkarlayıcı alətlər: İnternetdə müxtəlif alətlər mövcuddur, məsələn:
Deepware Scanner: Deepfake videolarını yoxlamaq üçün istifadə edilə bilər.
InVID & WeVerify: Videoların və şəkillərin doğruluğunu təsdiqləmək üçün vasitələr təqdim edir.
5. Sosial mediada faktları yoxlayın:
Etibarlı fakt yoxlama platformalarına baxın (məsələn, Snopes, FactCheck.org və ya BBC Reality Check). Los-Ancelesdəki yanğınlarla bağlı yayılan videoların doğruluğunu bu platformalarda yoxlamaq olar.
6. Ekspert rəylərinə diqqət edin:
Əgər şübhəli bir video ilə qarşılaşsanız, onu ekspertlərə və ya müvafiq orqanlara göndərərək yoxlatmaq faydalı ola bilər.
7. Xəbər mənbələrini müqayisə edin:
Əgər bir hadisə ilə bağlı yalnız bir mənbədə süni görünən videolar yayılırsa, bu, manipulyasiyaya işarə edə bilər. Eyni hadisə haqqında fərqli mənbələrdən məlumat alın.
Bu üsulları tətbiq edərək süni intellektlə hazırlanmış videoları real kadrlardan ayırmaq daha asan olacaq. Xüsusilə tanınmış şəhər hadisələri ilə bağlı yayılan məlumatlara həmişə şübhə ilə yanaşmaq faydalıdır.
Donald Trampın yeni komandasında yer alan iş adamı İlon Mask Ağ Evə buraxılmayacaq və buna imkan verilməyəcək.
Bunu ABŞ-nin yeni seçilmiş prezidenti Donald Trampın keçmiş müşaviri Stiven Bannon İtaliyanın
“Corriere della Sera” qəzetinə müsahibəsində deyib.
İlon Maskı çox pis adam kimi dəyərləndirən Trampın keçmiş müşaviri Maskı Ağ Evdən qovacağına söz verib.
O, yanvarın 20-nə planlaşdırılan yeni dövlət başçısının andiçmə mərasiminə qədər iş adamını Ağ Evdən qovmağa çalışacağını bildirib. "Maskın Ağ Evə tam girişi olmayacaq. O, hamı kimi olacaq”, - Bannon qeyd edib.
O eyni zamanda Maska öz vətəni olan Cənubi Afrikaya dönməyi tövsiyə edib. Bildirib ki, Tesla qurucusunun yeganə məqsədi trilyonçu olmaqdır.
Endryu Teyt Böyük Britaniyanın baş naziri postuna namizədliyini irəli sürmək niyyətində olduğunu açıqlayıb.
Bundan əvvəl o, BRUV (Britain Restoring Underlying Values) adlı siyasi platformasını - "Britaniya fundamental dəyərləri bərpa edir" - yaratdığını elan etmişdi.
Endryu Teyt deyib ki, “Amerika Tramp və İlon Mask sayəsində özünü xilas etdi” və indi növbə Britaniyadadır.
O, Londonda qanqsterizmə və narkomaniyaya son qoyacağını vəd edir və həmçinin "işğalı" (qanunsuz mühacirlərin) dayandıracağını vəd edir.
Endryu hökumətin cəmiyyətə deyil, böyük bankirlərə xidmət etdiyi üçün xalq üçün heç nə etməyən “satanistlərdən” ibarət olduğunu bildirib.
İlkon Mask Teyti dəstəkləyib.
Endryu Teyt 1 dekabr 1986-cı ildə anadan olub. İngilis və Amerika sosial mediasında fenomendir, iş adamı və keçmiş peşəkar kikboksçudur.
Ukrayna tərəfindən əsir götürülən Şimali Koreya əsgərlərinin Moskvaya təhvil verməyə hazırıq.
Belə bir bəyanatla Ukrayna prezidenti Volodimir Zelenski X-də (tvitter) yazıb.
“Ukrayna Kim Çen Inın Rusiyada əsir götürülən döyüşçülərimizlə mübadilə təşkil edəcəyi təqdirdə onun əsgərlərini verməyə hazırdır”, - Zelenski yazıb.
Rusiyanın müttəqifi olan Serbiya Moskva ilə silah tədarükü müqavilələrini ləğv etdiyini açıqlayıb.
Bu qərar beynəlxalq sanksiyaların Rusiyaya təzyiqi artırması və Belqradın alternativ hərbi texnika axtarması səbəbindən qəbul edilib.
Serbiya Silahlı Qüvvələrinin Baş Qərargah rəisi, general Milan Mojsiloviç açıqlamasında silah tədarükü müqavilələrinin ləğv edildiyini bildirib.
"Hazırda Rusiya Federasiyasından silah tədarükü praktiki olaraq qeyri-mümkündür. Biz diplomatik kanallar vasitəsilə vəziyyətdən çıxmağa çalışırıq", - Mojsiloviç deyib.
Müqavilələrin bəziləri ləğv edilsə də, digərləri beynəlxalq münasibətlər normallaşana qədər təxirə salınıb.
Belqrad hazırda İsrail, Çin və Qərb ölkələri kimi müxtəlif mənbələrdən hərbi texnikanın alınmasına diqqət yetirir. Serbiya Fransadan 12 Rafale döyüş təyyarəsinin tədarükü kimi böyük müqavilələr imzalasa da, İsraillə hərbi əməkdaşlığını da inkişaf etdirir.
Serbiya hərbi neytrallıq siyasətini davam etdirməklə yanaşı, həm də Avropa Birliyinə daxil olmaq üçün səylərini sürətləndirir. Prezident Aleksandar Vuçiç ölkəsinin Aİ-yə üzvlük hədəfini gücləndirməkdə qərarlı olduqlarını bildirib. Bu səylər Belqradın Qərblə hərbi əlaqələrini dərinləşdirməyə və Rusiyadan uzaqlaşmasına səbəb olur.
ABŞ-nin Kaliforniya ştatının Los-Anceles şəhərində yanğınların qarşısını almaq mümkün olmadığından fəlakətin qurbanlarının sayı artmaqda davam edir.
Los-Anceles dairəsinin şerifi Robert Lunanın sözlərinə görə, yanğınlarda həyatını itirənlərin sayı ən az 24-ə çatıb, 13 nəfə isə itkin düşüb.
Yanğın nəticəsində ən azı 153 min insan təxliyə edilib və ən azı 12 min bina yanğınlar səbəbindən yararsız hala düşüb.
"Yeni düzən naminə bütün şəhər məhv edildi. Hollivud isə çoxdan nüfuzunu itirmiş bir sektor idi".
Bunu Los-Ancelesdəki yanğınlarda zərər görən məşhur Hollivud aktyoru Mel Gibson "Fox TV" kanalında çıxışı zamanı deyib.
“Bu, mənə köhnə dövrlərdə insanları torpaqdan qovmaq üçün bu üsuldan istifadə edən varlı mal-qara sahiblərini xatırlatdı. Bilmirəm... Sadəcə olaraq, yanğınsöndürənlərin sularının olmaması mənə bir az qəribə göründü".
Ulduz aktyor kino sənayesində etik prinsiplərin ciddi şəkildə pozulduğunu, təhlükəsizlik və etibardan artıq məhrum olduğunu bildirib. O, Kaliforniya hakimiyyətini Los-Ancelesin su ehtiyatlarını məqsədli şəkildə israf etməkdə günahlandırıb.
Xoşbəxtlikdən Mel Gibsonun özünə və yaxınlarına zərər dəyməyib. Yanğın zamanı Texas ştatında olub, lakin onun oğlu Milo, könüllü yanğınsöndürmə briqadasının üzvü, fəlakət yerində olub və zəruri əşyaları götürməyi bacarıb.
“Oğlum pasportları və bir neçə vacib sənədi götürüb aparmağı bacardı... Bu, faciədir, çox üzücüdür. Amma mən qonşularıma baxıram və özümdən çox onlar üçün narahatam”, - deyə Gibson söyləyib.
Bir neçə gündür, güclü yanğınların davam etdiyi ABŞ-nin Kaliforniya ştatının Los Anceles şəhəri dünyanın diqqət mərkəzindədir.
Bu şəhər haqqında maraqlı faktları təqdim edir:
Los Anceles ABŞ-nin Nyu Yorkdan sonra ən böyük şəhəridir. Kaliforniya da isə insanların ən sıx məskunlaşdığı şəhərdir.
Əhalisinin sayı təqribən 4 milyon nəfərdir. Şəhərin keçmiş adı çox böyükdür. Bura əvvəllər "Porsiunkula çayının Mələklər Kraliçası Xanımımızın şəhəri" adlandırıb.
Bu şəhərin "L.A", "La la land", "Mələklər şəhəri" və "Böyük portağal" kimi çox sayda ləqəbləri var.
Bu gün bütün dünyada məşhur olan "hollivud" yazısı isə vaxtilə sadəcə reklam məqsədilə yerləşdirilib. 1923-cü ildən 1946-cı ilədək təpədə "Hollywoodland" yazılı lövhə var idi. Bu ad
Hollivud təpələrində tikilən mənzil layihəsi ilə bağlı cəmi 18 ay müddətinə yerləşdirilmişdi. Daha sonra yerli sakinlər lövhəsini sevdiyindən Hollivud şəklində populyarlaşıb.
Los Ancelesin ulduz səkisində 2754 məşhurun adı var.
Şəhərin küçələrinin altında 91 tərk edilmiş tunel var. 1920-ci illərin əvəllərində Los Ancelesdə alkoqol qadağan olunanda içkidən imtina etmək istəməyənlər bu tunellərdən istifadə edib. Tunellər barların və yeraltı əyləncələrin gizli girişi idi.
1821-ci ildə Meksikanın Müstəqillik Müharibəsindən sonra Los Anceles Meksikanın bir hissəsi olub və 1848-ci ildə müharibə bitənə qədər belə davam edib.
L.A. County Taylanddan sonra ən böyük tay əhalisinə sahibdir. Burada 80 mindən çox çox Tayland sakini yaşayır.
20-ci əsrin əvvəllərində "böyük kənd" adlandırılan Los Anceles hazırda meqapolisdir.
Bu meqapolis artıq günlərdir yanğının əsirinə çevrilib.
Bir neçə gün əvvəl başlayan və hələ də davam edən güclü yanğın 14 min hektardan çox ərazini əhatə edib. 10 nəfər ölüb, minlərlə ev və biznes dağılıb. Ölü sayının artacağı istisna edilmir.
Müstəntiqlər yanğınların necə başlaması ilə bağlı bir neçə variantı nəzərdən keçirirlər. Ehtimallar arasında yanğının qəsdən törədilməsi və ya kommunal xətlərdən qaynaqlanması da var.
Yerli sakinlər əmindirlər ki, bu fəlakətin səbəbi güclü küləklər yox, dronlardır.
Hazırda yanğın baş verən ərazidə bir çox hollivud ulduzunun evi yerləşir.
İndiyə qədər evi yananlar arasında ABŞ Prezidenti Co Baydenin oğlu Hunter, həmçinin Paris Hilton, Leonardo Di Kaprio, Entoni Hopkins, Tom Henks, Mark Hamill, Spencer Pratt və Heyidi Montaq kimi Hollivud ulduzları var.
Yanğın Hollivud Hillsi də əhatə edir.
Məlumata görə, dəyən zərərin məbləği 135-150 milyard dollara qədər yüksələ bilər.
Meteoroloqlar gələn həftə də regionda güclü küləyin olacağını və meşə yanğınları təhlükəsinin davam edəcəyini proqnozlaşdırır.
Yanğınların başlamasından sonra məşhur amerikalı radio aparıcısı Co Roqanın daha əvvəl verilişində səsləndirdiyi fikirlər gündəmə gəlib.
Məlum olub ki, aparıcı güclü yanğınlarla bağlı xəbərdarlıq edibmiş. Yanğınlara görə 3 dəfə evindən təxliyə edildiyini deyən aparıcı bunun təkrarlanmasından qorxduğu üçün Los Ancelesdən ayrıldığını bildirib.
Aparıcı ad çəkməsə də, yanğınsöndürənlə söhbəti barədə danışıb. "Yalnız bir dəfə elə külək əsəcək ki, Los Ancelesi okeana qədər yandırıb kül edəcək və heç nə edə bilməyəcəyik".
Roqan sadəcə küləyin başqa istiqamətdə əsməsinə görə, Los-Ancelesdəki insanların bəxtinin gətirdiyini söyləyib.
Hazırda küləyin şiddəti yanğının yayılmasına təkan verir və söndürülməsinə imkan vermir.