 |
|
Sankt-Peterburqda Putinlə Paşinyan arasında ikitərəfli görüş keçirilə bilər.
16:22
Azərbaycan Respublikası Prezidenti İlham Əliyev Şair Alxasovun 2-ci dərəcəli “Vətənə xidmətə görə” ordeni ilə təltif edilməsi haqqında sərəncam imzalayıb.
Axar.az sərəncamın mətnini təqdim edir:
Azərbaycan Respublikasının ictimai-siyasi həyatında fəal iştirakına görə Şair Balaşərif oğlu Alxasov 2-ci dərəcəli “Vətənə xidmətə görə” ordeni ilə təltif edilsin.
***
Azərbaycan Respublikası Prezidenti Fərhad Abdullayevin “Şöhrət” ordeni ilə təltif edilməsi haqqında sərəncam imzalayıb.
Sərəncamda deyilir:
Azərbaycan Respublikasının məhkəmə orqanlarında səmərəli fəaliyyətinə görə Fərhad Sahib oğlu Abdullayev “Şöhrət” ordeni ilə təltif edilsin.
***
Azərbaycan Respublikası Prezidenti İlham Əliyev Azərbaycan Respublikasında rabitə və yüksək texnologiyalar sahəsi işçilərinə “Əməkdar mühəndis” fəxri adının verilməsi haqqında sərəncam imzalayıb.
Sərəncamda deyilir:
Azərbaycan Respublikasında rabitə və yüksək texnologiyalar sahəsində səmərəli fəaliyyətinə görə aşağıdakı şəxslərə “Əməkdar mühəndis” fəxri adı verilsin:
Cəfərov Nazim Kazım oğlu
Rüstəmov Rəşad Keykavuz oğlu
Səfərov Rizvan Ziyanur oğlu.
***
Azərbaycan Respublikası Prezidenti İlham Əliyev Azərbaycan Respublikasında rabitə və yüksək texnologiyalar sahəsi işçilərinin təltif edilməsi haqqında sərəncam imzalayıb.
Sərəncamda deyilir:
Azərbaycan Respublikasında rabitə və yüksək texnologiyalar sahəsində səmərəli fəaliyyətinə görə aşağıdakı şəxslər təltif edilsinlər:
“Tərəqqi” medalı ilə
Həsənova Sahibə Məzahir qızı
Qasımov İsa Vəli oğlu
Mehyəddinov Ənvər Əlistan oğlu
Məmmədova Firuzə Novruz qızı
Pirmətov Fərhad Veysəl oğlu
Vəlibəyli Sevinc Mürsəl qızı
“Dövlət qulluğunda fərqlənməyə görə” medalı ilə
Məmmədov Novruz Qulu oğlu
Naibov Vidadi Vaqif oğlu.
***
Azərbaycan Respublikası Prezidenti İlham Əliyev Ağabala Hacıyevə Azərbaycan Respublikası Prezidentinin fərdi təqaüdünün verilməsi haqqında sərəncam imzalayıb.
Sərəncamda deyilir:
1. Azərbaycan Respublikasında dövlət qulluğunda uzunmüddətli səmərəli fəaliyyətinə görə Ağabala Şamxal oğlu Hacıyevə Azərbaycan Respublikası Prezidentinin fərdi təqaüdü verilsin.
2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
Təbriz Şəhər Polis İdarəsi bildiriş vərəqələri yayaraq, əhaliyə peyk antenalarını yığışdırmaqla bağlı xəbərdarlıq edib.
Axar.az xəbər verir ki, “Polis xəbərdarlığı” adı ilə hazırlanan bildiriş vərəqələri şəhərin müxtəlif məntəqələrində yayılıb, hətta evlərə də paylanılıb.
Bildirişlərdə peyk antenalarından istifadənin qadağan edildiyi, buna görə vətəndaşların məsuliyyətə cəlb oluna biləcəyi vurğulanıb. Polis təbrizlilərə peyk antenalarını yığışdırmaq üçün 72 saat vaxt verib.
Şərqi Azərbaycan Teleradio Şirkətinin rəisi Möhsün Lətifinin elan etdiyi son rəsmi məlumata görə, Təbrizdə əhalinin 44 faizdən çoxu peyk antenalarından istifadə edir, onlardan ən azı 75 faizi Azərbaycan Respublikası və Türkiyə kanallarını izləyir.
Səhiyyə naziri Oqtay Şirəliyev Azərbaycan Respublikasının Səhiyyə Nazirliyi yanında İctimai Şuraya seçkilərin təşkili üzrə Seçki Komissiyasının yaradılmasına dair əmr imzalayıb.
Nazirlikdən Axar.az-a bildirilib ki, əmrdə Azərbaycan Respublikası Səhiyyə Nazirliyi yanında İctimai Şuraya seçkilərin təşkili üzrə komissiyanın tərkibi təsdiqlənib.
Sənəddə Seçki Komissiyasına İctimai Şuraya namizədlərin irəli sürülməsi və qeydiyyatının “İctimai şuranın vətəndaş cəmiyyəti institutları tərəfindən seçilməsinə dair Əsasnamə”nin tələblərinə uyğun olaraq həyata keçirilməsi, İctimai Şuranın say həddinin müəyyən edilməsi kimi tapşırıqlar verilib.
BMT-nin baş katibi Antonio Quterreş Polşanın Katovitse şəhərində davam edən iqlim dəyişiklikləri konfransında hamını elektromobillərdən istifadə etməyə çağırıb.
Axar.az xəbər verir ki, təşkilatın rəhbərinin sözlərinə görə, atmosferə buraxılan zəhərli qazların dörddəbiri avtomobil nəqliyyatının payına düşür. A.Quterreş əlavə edib ki, avtomobillərin emissiya etdiyi karbon qazının miqdarı 1990-cı il səviyyəsi ilə müqayisədə 70 faiz çoxdur. “Bu gün bütün dünyada bir milyarddan çox sərnişin avtomobili var, 2040-cı ildə bu rəqəm iki milyarda çatacaq. Hazırkı vəziyyət nəqliyyat emissiyalarının azaldılması üzrə təcili tədbirlər görülməsini tələb edir. Bundan başqa, avtomobillərin atmosferə buraxdığı zəhərli qazlar hər il altı milyon insanın ölümünə səbəb olur. Tamamilə aydındır ki, bu tendensiyanı dayandırmaq lazımdır. Hərəkətə keçməyin vaxtıdır. Bizim ekoloji cəhətdən təmiz nəqliyyata ehtiyacımız var”, - deyə baş katib vurğulayıb.
BMT-nin rəhbəri qeyd edib ki, bu gün energetika və nəqliyyat sistemlərində köklü dəyişikliklər baş verir: yenilənən enerji mənbələri artır və elektromobillərin istehsalı genişlənir. Son illər ərzində elektrik mühərriki ilə işləyən avtomobillər üçün 3,5 min enerji yüklənməsi stansiyası açılıb. A.Quterreş əlavə edib: “Karbohidrogen yanacağından imtina etmək və elektromobillərə keçmək istəyən ölkələrin sayı get-gedə artır. Bir sıra ölkələr qarşıya 2020-2030-cu illərdə elektrik nəqliyyatının həcminin genişləndirilməsi üzrə konkret məqsədlər qoyub. Beynəlxalq Energetika Agentliyinin məlumatına görə, elektoromobillərə enerji yüklənməsi stansiyalarının sayı yaxın illərdə daha da çoxalacaq”.
Baş katib diqqətə çatdırıb ki, elektromobillərdən istifadəyə keçid prosesi 2050-ci ilə qədər hökumətlərə 70 trilyon dollaradək vəsaitə qənaət etmək imkanı verəcək.
“Bloomberg” agentliyinin məlumatına görə, 2040-cı ildə dünyada bütün avtomobil satışlarının 55 faizini elektromobillər təşkil edəcək və avtomobil parkının üçdəbiri onlardan ibarət olacaq. Hesablamalar göstərir ki, bu, gündəlik 7,3 milyon barrel nəqliyyat yanacağına qənaətlə nəticələnəcək.
Gürcü Arzusu deqradasiya prosesi yaşayır.
Axar.az xəbər verir ki, bunu gürcü iqtisadçı Giya Xuxaşvili deyib. Onun sözlərinə görə, hakim partiya hazırda özü nə istədiyini bilmir:
“Seçki Məcəlləsində dəyişiklik məsələsində müxalifətdə tam konsensus var. Müxalifət seçkinin proporsional sistemlə keçirilməsini tələb edir. Hökumət çalışır ki, prizmanı Gürcü Arzusu və Vahid Milli Hərəkat arasındakı savaş üzərinə yönəltsin. Sistemin dəyişilməsini ictimaiyyətin böyük hissəsi tələb edir. Bu məsələdə hökumətin əks addımı ciddi nəticələrə səbəb ola bilər. Hakimiyyət böyük siyasi dəyər ödəməli olacaq və bu dəyər o qədər böyük olacaq ki, onlar hətta hakimiyyətlərini də itirə bilərlər. Bu, seçki sisteminin deqradasiyasını dayandırmadı, əksinə, daha da sürətləndirdi. Qərbdəki investorlar Gürcü Arzusunun böyük problemlə üz-üzə qaldığını və onun gələcəyinin olmadığını düşünür”.
Camal Qaşıqçı cinayəti ilə bağlı sənədli film çəkmək üçün Türkiyəyə gələn məşhur Hollivud ulduzu Şon Pen Səudiyyə Ərəbistanı Konsulluq binasında çəkiliş aparıb.
Kult.az xəbər verir ki, bu barədə Türkiyə mətbuatı yazıb.
Məlumata görə, sənədli filmin çəkilişi zamanı aktyor həmçinin Camal Qaşıqçının nişanlısı Xədicə Cingizlə də görüşəcək.
Türkiyə Prezidenti Rəcəb Tayyib Ərdoğan tütün məmulatlarının satışı haqqında qanunu təsdiq edib.
Axar.az xəbər verir ki, qanuna əsasən, Türkiyədə tütün məmulatlarının reklamı tamamilə qadağan edilib.
Bununla bütün tütün məmulatları eyni qablaşdırmada satılacaq, üzərində istehsalçı barədə hər hansı məlumat olmayacaq.
Fransadakı benzin qiymətlərinin artırılması ucbatından baş verən aksiyalar ABŞ-ın Paris İqlim Razılaşmasından çıxmasının haqlı olduğunu göstərir.
Axar.az xəbər verir ki, bu sözləri öz Tvitter səhifəsində ABŞ Prezidenti Donald Tramp paylaşıb.
“Paris razılaşması böyük səhvdir. Ona görə ki, bu razılaşma məsuliyyətli ölkələr üçün enerjinin qiymətini artırır, eyni zamanda dünyanın ən böyük çirkələnmə mənbələrinə də haqq qazandırır. Mən təmiz hava, təmiz su istəyirəm və ABŞ-da ətraf mühitin yaxşılaşmasında böyük uğurlara nail olmuşam. Lakin amerikalı vergi ödəyiciləri və işçiləri digər ölkələrin çirkliliyinin təmizlənməsi üçün ödəniş etməməlidirlər”, – deyə o bildirib.
Qeyd edək ki, Fransa hökuməti ekoloji mühitin yaxşılaşdırması üçün üzərinə götürdüyü öhdəliklər çərçivəsində benzinin qiymətini qaldırmaqla bağlı qərar vermişdi. Bunun ardınca isə “Sarı jiletlilər” hərəkatı başladı və davamlı aksiyalarda onlarla insan yaralandı, yüzlərlə etirazçı isə həbs edildi.
Türkiyə və İsrailin mümkün yaxınlaşması məsələsi çox ciddi mövzudur.
Axar.az xəbər verir ki, bunu “Haqqın.az” saytına açıqlamasında İsrail eksperti Vladimir Mesamed deyib. Onun sözlərinə görə, bu ölkələri 2010-cu ilə qədər dərin strateji tərəfdaşlıq əlaqələri bir-birinə bağlayıb:
“Ərəb baharı Türkiyə Prezidenti Rəcəb Tayyib Ərdoğana Yaxın Şərqdə, o cümlədən bütün sünni aləmində liderlik mövqeyi qazanmaq şansı verdi. Bununla belə Türkiyənin bu istiqamətdə fəaliyyəti Ankaranın taktitiki tərəfdaşı olan İranda müəyyən qısqanclıq yaradır. İranın illərdir formalaşdırmağa çalışdığı regional liderlik bu gün sanki Ankara tərəfindən daha sürətlə reallaşdırılır.
Türkiyə bundan sonra hər zaman regional liderlik üçün mümkün taktiki müttəfiqlər axtaracaq və İsrail bu rolu icra etməyə daha çox uyğun gəlir. Türkiyəni İsraillə tərəfdaşlığa həmçinin bir sıra amerikayönlü sünni ərəb rejimlərinin Təl-Əvivə can atması da məcbur edə bilər. Bu gerçəkləşəcəyi halda Azərbaycan kimi İran və İsraillə eyni anda rasional əlaqələr qurmaq istəyən ölkələr həddən artıq diqqətli olacaqlar”, – deyə o bildirib.