 |
|
F.Həsənov polis əməkdaşları tərəfindən saxlanılmışdır
Yanvarın 5-də saat 23 radələrində F.X.Xoyski küçəsində “Toyota” markalı avtomobilin sürücüsünün Bakı şəhər sakini T.Baxşıyevi bıçaqla hədələməsi, “Mercedes” markalı avtomobilini təpiklə əzməsi, habelə idarə etdiyi nəqliyyat vasitəsi ilə T.Baxşıyevin avtomobilini vurub hadisə yerini tərk etməsi barədə DİN-in “102” Zəng Mərkəzinə məlumat daxil olmuşdur. Dərhal Nərimanov RPİ 17-ci Polis Şöbəsinin əməkdaşları tərəfindən müvafiq tədbirlər həyata keçirilmişdir.Əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakini F.Həsənov polis əməkdaşları tərəfindən saxlanılmışdır.
Cinayət törətməkdə şübhəli bilinən 30 nəfər saxlanılıb
Ötən gün daxili işlər orqanlarında qeydə alınan cinayət faktları və hadisələr haqqında statistik məlumatlar açıqlanıb. Daxili İşlər Nazirliyinin (DİN) Mətbuat Xidmətindən Yol-xeber.az-a verilən məlumata görə, yanvar ayının 7-də törədilən 22 cinayətin üstü “isti izlər”lə açılıb.
Əvvəlki dövrlərdən bağlı qalan 13 cinayətin açılması təmin olunub.
Axtarışda olduğuna görə ümumilikdə 26 nəfər, o cümlədən, borclu şəxs qismində axtarışda olan 19 nəfər saxlanılaraq aidiyyəti üzrə təhvil verilib.
Avtomobil yollarında 1 ağır yol-nəqliyyat hadisəsi baş verib, nəticədə 1 nəfər ölüb.
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 13 fakt müəyyən edilib.
Cinayət törətməkdə şübhəli bilinən 30 nəfər saxlanılıb.
"Əgər bu cinayətin arxasından kənd sakini çıxarsa, onun bütün nəsil və nəcabətini kürüyüb kənddən çıxardacağıq”.
Bunu qaynarinfo-ya açıqlamasında Dondar Quşçu kəndininin sabiq bələdiyyəsi Hicran Vəliyeva 10 yaşlı Nərmin Quliyevanın öldürülüb, sonra isə yandırılmasından danışarkən deyib. Onun sözlərinə görə, hazırda Dondar Quşçu kəndi şokdadır:
"Nərmin bizim kəndin sakinidir. Hadisə balaca bir kənddə baş verib. Qız itkin düşəndən sonra hüquq-mühafizə orqanlarına məlumat verilib. Uşağı tapmaq olardı. Niyə tapmadılar? Evlər qarış-qarış gəzilməliydi. Şübhəli adamları polis şöbəsinə aparıb məlumat əldə etməliydilər. Uşağı hadisə yerinə sürüyüb atıblar. Nərminin ailəsini tanıyıram. Mən bələdiyyə sədri işləyəndə üzünü cıran nənəsi gəldi ki, bəs dolana bilmirəm, mənə torpaq sahəsi ver. Mən də onlar üçün torpaq sahəsi ayırdım. Həmin vaxt bunlar kirayədə yaşayırdı. Nənə ev tikib qızı və nəvələri ilə həmin evə daşındı. Nərminin özündən başqa iki bacısı var. Atası fəhlədir, iradəcə zəif adamdır, içki içir. Anası da kafedə işləyir, səhər çıxıb axşam gəlir. Bu hadisənin baş vermə səbəbi onun ailəsinin kənardan zəif görünməsidir. Qız pis adama rast düşüb. Düşünürəm ki, qızı zorlayıblar. Ya həmin anda ölüb, ya da pis vəziyyətə düşüb. Cinayətkar isə izi itirmək məqsədi ilə onu yandırıb”.
Hicran Vəliyeva bildirib ki, hadisəni kənd sakini İbrahim müəllimin oğlu görüb:
"Baxıb ki, nəsə yanır. Yaxınlaşıb sondürüblər. Həmin oğlanın psixoloji problemləri var. Hazırda hüquq-mühafizə orqanları onu saxlayıb. Amma bununla belə araşdıma gedir. Bütün kənd ayaq üstədir”.
Hadisə zamanı mikroavtobusdakı sərnişinlərdən bir neçəsi xəsarət alıb
Bakıda “Mercedes” markalı mikroavtobusla yük maşını toqquşub.
"Report"un əldə etdiyi məlumata görə, hadisə paytaxtın Binəqədi rayonunda, Biləcəri qəsəbəsində qeydə alınıb.
Hadisə zamanı mikroavtobusdakı sərnişinlərdən bir neçəsi xəsarət alıb. Qəza səbəbindən ərazidə tıxac yaranıb, bir sıra nəqliyyat vasitələri alternativ yoldan istifadə etməyə məcbur olublar.
Bakı Nəqliyyat Agentliyinin mətbuat katibi Mais Ağayev “Report”a bildirib ki, qəzaya uğrayan mikroavtobusun agentliyə aidiyyəti yoxdur.
Faktla bağlı araşdırma aparılır
Şəkidə 64 yaşlı kişi bədbəxt hadisə nəticəsində ölüb.
APA-nın şimal-qərb bürosunun məlumatına görə, yanvarın 7-də axşam saatlarında Şəki şəhəri, A.Əfəndiyev küçəsi ev 9 ünvanında yaşayan 1956-cı il təvəllüdlü Yunus Kamal oğlu Abdurəhmaov bədəninin müxtəlif hissələrinin küt travması ilə Şəki Rayon Mərkəzi Xəstəxanasına daxil olub.
Məlum olub ki, Y.Abdurəhmanov özünə məxsus avtomobili təmir edən zaman ehtiyatsızlıqdan maşın onun üstünə düşüb. Nəticədə Y.Abdurəhmanov müxtəlif dərəcəli ağır bədən xəsarətləri alıb. Həkimlərin səylərinə baxmayaraq, Y.Abdurəhmanov aldığı xəsarətlərdən yanvarın 8-də xəstəxanada dünyasını dəyişib.
Faktla bağlı araşdırma aparılır.
Baş Prokurorluğunun Ağır Cinayətlərə dair işlər üzrə istintaq idarəsinə göndərilib
Tovuz rayonunun Dondar Quşçu kənd sakini 10 yaşlı Nərmin Quliyevanın 2019-cu il noyabrın 21-də itkin düşməsi və bu il yanvarın 6-da yanan meyitinin tapılması ilə əlaqədar sosial şəbəkələrdəki bəzi səhifələrdə həmin azyaşlının gec tapılmasında hüquq mühafizə orqanlarını məqsədli və qərəzli olaraq ittiham etməyə cəhdlər göstərilir.
Bununla əlaqədar bildiririk ki, 2019-cu il noyabrın 21-də saat 23 radələrində vətəndaş Şərif Quliyev Daxili İşlər Nazirliyinin “102 – Xidməti”nə zəng edərək qızı Nərmin Quliyevanın evdən getməsi və geri qayıtmaması barədə məlumat vermiş, həmçinin eyni məzmunlu ərizə ilə Tovuz rayon Polis Şöbəsinə müraciət edib.
Polisdə dərhal lazımi araşdırmalara başlanılaraq Şərif Quliyevin və aidiyyəti kənd sakinlərinin izahatı alınmış, yaşadığı evə baxış keçirilmiş, zəruri əməliyyat tapşırıqları verilmiş və toplanmış materiallar 2019-cu il noyabrın 28-də Baş Prokurorluğunun Ağır Cinayətlərə dair işlər üzrə istintaq idarəsinə göndərilib.
Aparılmış araşdırmalarla Nərmin Quliyevanın qəsdən öldürülməsinə kifayət qədər əsaslar müəyyən edildiyindən həmin tarixdə Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə) maddəsi ilə cinayət işi başlanılaraq Daxili İşlər Nazirliyi və Baş Prokurorluğun əməkdaşlarından ibarət istintaq-əməliyyat qrupu yaradılmış, habelə Fövqəladə Hallar Nazirliyinin Xüsusi Riskli Xilasetmə Xidmətinin kinoloji qrupunun təlimatçıları xüsusi təlim keçmiş itlərlə Dondar Quşçu kəndi və ətraf ərazilərdə axtarışlara cəlb ediliblər.
Yanvarın 6-da azyaşlının meyitinin aşkar olunması ilə əlaqədar dərhal Daxili İşlər Nazirliyinin, Baş Prokurorluğun rəhbər vəzifəli şəxsləri və digər əməkdaşları, eləcə də Ədliyyə Nazirliyinin Məhkəmə Ekspertizası Mərkəzinin və Səhiyyə Nazirliyinin Məhkəmə-Tibbi Ekspertiza və Patoloji Anatomiya Elmi-Təcrübi və Tədris Birliyinin təcrübəli mütəxəssisləri Tovuz rayonuna ezam olunublar.
Müəyyən edilmişdir ki, Şərif Quliyev 2019-cu il noyabrın 21-də saat 14:00 radələrində özünə məxsus gödəkçəni gətirmək üçün qızı Nərmin Quliyevanı həmin kənddə yaşayan qardaşının evinə göndərmiş və Nərmin Quliyeva əmisinin evinə gedib oradan çıxdıqdan sonra naməlum şəraitdə itkin düşmüşdür.
2020-ci il yanvarın 6-da saat 19:30 radələrində isə kənd sakini İlkin Süleymanov evlərindən təxminən bir kilometr aralıda Nərmin Quliyevanın meyitini aşkar etmiş və bu barədə dərhal polisə məlumat vermişdir.
Təxirəsalınmadan hadisə yerinə və meyitə mərhumun atasının və əmisinin iştirakı ilə baxış keçirilmiş, iş üzrə məhkəmə-tibbi, kriminalistik, bioloji, kimyəvi ekspertizalar təyin edilmiş, çoxsaylı şahidlər dindirilmiş, aidiyyəti orqanlara sorğular və əməliyyat tapşırıqları göndərilib.
Cinayətin qısa müddətdə açılması və onu törətmiş şəxsin yaxud şəxslərin müəyyənləşdirilməsi üçün intensiv istintaq hərəkətləri və əməliyyat-axtarış tədbirləri keçirilir. Nəticələri barədə əlavə məlumat veriləcəkdir.
Faktla bağlı araşdırma aparılır
Sumqayıtda avtomobilin vurduğu qadın 1 ay sonra xəstəxanada ölüb. Yol-xeber.az-ın APA-ya istinadən məlumatına görə, Sumqayıt şəhər sakini, 1974-cü il təvəllüdlü Eyvazova Sevinc Vidadi qızı ötən ilin dekabrın 8-də Sumqayıt şəhəri, Babək küçəsində avtomobillə vurulmuşdu. Ağır xəsarətlər alan S.Eyvazova Bakıya xəstəxanalardan birinə yerləşdirilmişdi. Həkimlərin səylərinə baxmayaraq, o, 1 ay sonra aldığı xəsarətlərdən dünyasını dəyişib.
Faktla bağlı araşdırma aparılır.
Faktla bağlı araşdırma aparılır
Şimal Ərazi Baş Gömrük İdarəsinin Əməliyyat və təhqiqat şöbəsinə daxil olan əməliyyat məlumatı əsasında Rusiya Federasiyası istiqamətindən "Samur" gömrük postunun idxal gömrük nəzarəti xəttinə daxil olan Azərbaycan Respublikası vətəndaşlarının idarə etdiyi "Mitsubishi L 200", "QAZ-3110" markalı avtomobillər saxlanılıb və gömrük baxışı keçirilib.
DGK-dən Avtosfer.az-a verilən məlumata görə yoxlama zamanı nəqliyyat vasitəsinin gizli saxlanc yerlərindən və vətəndaşlardan birinə məxsus idman çantasının içərisindən gömrük nəzarətindən gizlədilən 1536 ədəd "Belomorkanal" və "Boqatıri" adlı papiroslar, 15 adda 3506 ədəd tibbi-stomatoloji ləvazimatlar aşkarlanıb.
Faktla bağlı araşdırma aparılır.
Faktla bağlı araşdırma aparılır
Daxili İşlər Nazirliyi (DİN) Şəmkir rayonunda ölümlə nəticələn yol qəzası ilə bağlı məlumat yayıb.
DİN-dənverilən məlumata görə, yanvarın 6-da saat 9 radələrində Şəmkir rayonunun Sabirkənd kəndi ərazisində Balakən rayon sakini Tural Əhmədov idarə etdiyi “Fiat Doblo” markalı avtomobili dərəyə aşırıb və aldığı xəsarətlərdən hadisə yerində ölüb.
Faktla bağlı araşdırma aparılır.
Versiyalardan birinə görə, cəsədin yandırılma yeri (evin yaxınlığında) təsadüfən seçilməyib
Noyabrın 21-də Azərbaycanın Tovuz rayonunun Dondar Quşçu kəndində yoxa çıxan 10 yaşlı Quliyeva Nərmin Şərif qızının qatili qohumlarından biri ola bilər. Hazırda istintaq bunu ən çox ehtimal olunan versiya kimi irəli sürür.
Yol-xeber.az Oxu.Az-a istinadən xəbər verir ki, hüquq-mühafizə orqanlarından verilən məlumata görə, qız əmisi Lətif Quliyevin həyətindən yoxa çıxıb. Nərminin həyətə necə girməsini görən şahidlər tapılsa da, lakin heç kim qızın oradan necə çıxmasını görməyib.
Xatırladaq ki, qızın yanmış cəsədi yanvarın 6-da təxminən saat 21:00-da tapılıb. Polisin məlumatına görə, cəsəd Nərminin yaşadığı evdən 300 metr məsafədə aşkarlanıb.
Çərşənbə axşamı səhər saatlarında Baş Prokurorluğun əməkdaşlarından ibarət ekspert qrupu Bakıdan gələn zaman hüquq-mühafizə orqanları cəsədin qalıqlarını ekspertiza üçün onlara təhvil veriblər.
İlkin məlumatlara görə, faktla bağlı hələlik yalnız qızın cəsədinin alova büründüyünü ilk görən şəxs - qonşusu (istintaq maraqları naminə adı açıqlanmır) saxlanılıb. Cinayətin təfərrüatlarının müəyyən edilməsi üçün hazırda saxlanılan şəxs dindirilir.
Əslində cinayətdə istintaq-əməliyyat qrupunun üzvləri qurbanın yaxınlarından şübhələnir. Hazırda bütün şübhəlilər dindirilir, lakin hələlik konkret şəxsə işarə edən sübutlar yoxdur.
Versiyalardan birinə görə, cəsədin yandırılma yeri (evin yaxınlığında) təsadüfən seçilməyib.
“Bu yolla cinayətkar şübhələri öz üzərindən atmaq və məntiqi izahla əməliyyatçıları yanıltmaq istəyir: “Əgər bu, mən olsaydım, cəsədi öz evimin yanında yandırardımmı?”. Quliyevin bütün qardaşları Lətif, Arif və Şərif bir-birilərinə çox yaxın yerlərdə yaşayırlar. İşlər davam etdirilir və tezliklə qatilin kimliyi müəyyənləşdiriləcək”, - mənbə bildirib.
Maraqlıdır ki, Nərminin yoxa çıxmasından ən çox onun nənəsi narahat olub. Uşağın valideynləri şübhəli dərəcədə sakitlik nümayiş etdirib. Baxmayaraq ki, öldürülən uşağın anası da həmçinin, qızının qaynının həyətindən yoxa çıxdığını təsdiqləyir.
İstintaq davam edir.