 |
|
Rostov vilayətinin Arbitraj Məhkəməsi “Palmali” gəmiçilik şirkətinin bankrot olduğunu elan edib.
Əsas sərnişin kütləsinin istifadə etdiyi iki xəttin – Yaşıl və Qırmızı xətlərinin stansiyaları 5 vaqonluq qatarlar üçün nəzərdə tutulub. Bu səbəbdən vaqonların sayının artırılması mümkün deyil. Eyni zamanda vaqonların kondisionerləşdirilməsi də praktik cəhətdən qeyri-mümkündür.
Bu sözləri Axar.az-a Bakı Metropoliteni QSC-nin mətbuat katibi Bəxtiyar Məmmədov deputat Fazil Mustafanın Milli Məclisdə büdcə müzakirələri zamanı metroda havalandırma sistemindəki problemlərlə bağlı dediklərinə aydınlıq gətirərkən bildirib.
Metropoliten sözçüsü bildirib ki, metroda havalandırma sistemi ilə bağlı davamlı olaraq iş aparılır, yeniliklər edilir, monitorinqlər keçirilir:
“Metroplitendə havalandırma sistemi ilə bağlı kifayət qədər irimiqyaslı işlər görülür. İstismar müddətini başa vurmuş ventilyatorların dəyişdirilməsi prosesi davamlı olaraq aparılır. Ən mühüm məsələ isə ventilyatorlarən iş qrafiki ilə bağlı bu il tətbiq olunmuş yenilikdir. Yəni əvvəl il ərzində iki dəfə qrafik dəyişirdi: yaz-yay və payız-qışda. İndi isə artıq fəsli prinsipə keçilib. Yəni hər fəslin öz qrafiki var.
Hər günün mikroiqlim şəraiti öyrənilir. Bu, həm gələcəkdə hər fəslə görə ventilyatorların iş rejimini daha səmərəli etmək, həm də lazım gələrsə, qrafikdə müəyyən yeniliklər etmək üçündür. Bu ilin nəticəsi də yay dövrü üçün bəzi stansiyalarda temperatur göstəricilərinin nisbətən enməsidir. Ancaq bu davamlı olaraq öyrənilən bir məsələ olacaq”.
B.Məmmədov bildirib ki, Metropolitenin özünün mikroiqlim laboratoriyası var və həmin laboratoriyanın maddi texniki bazası müasir standartlar səviyyəsinə çatdırılıb:
“Bu, monitorinqlərin keyfiyyətlə aparılaraq doğru nəticələr əldə edilməsinə kömək edir. Hər stansiyanın 15-20 nöqtəsində ölçmələr aparılır, arxivləşdirilir, müqayisəli təhlil edilir. Məsələn, bəzi ölçmələri deyim - oksigenin və müxtəlif qazların, rütubətin, hava axınının və surətinin öyrənilməsi, hərarət göstəriciləri və sair aspeklərdə yoxlamalar aparılır.
Bu bizə imkan verir ki, təbii və məcburi hava axınını düzgün istiqamətləndirək, havalandırma qurğularının imkanlarından konstruktiv istifadə edək.
Bundan başqa, təbii hava axını sirkulyasiyası da öyrənilir və bu imkanlara da artıq ciddi yanaşılmaqla tədbirlərin görülməsinə başlanılıb. Bu sistemin avtomatlaşdırılması və sair ilə bağlı müasir tələblər öyrənilir və bu istiqamətdə addımlar atılır”.
Qeyd edək ki, millət vəkili Fazil Mustafa Milli Məclisdə büdcə müzakirəsi zamanı Bakı metrosunda baş verən problemlərdən danışıb. Deputat bildirib ki, Azərbaycanda metroda insanlar havalanma problemindən əziyyət çəkir.
Ümid edirik ki, Ermənistanın Baş naziri vəzifələrini yerinə yetirən Nikol Paşinyan anlayır ki, Paris Sülh Forumunda etdiyi çıxışı Ermənistanın xarici siyasəti ilə tamamilə ziddiyyət təşkil edir. Məhz Ermənistan beynəlxalq hüququn fundamental prinsiplərini, xüsusilə də güc tətbiq etməmək prinsipini pozaraq Azərbaycan ərazilərini işğal edib və tarixən Dağlıq Qarabağda yaşayan yüz minlərlə Azərbaycanlını öz evlərində yaşamaq fundamental hüququndan məhrum edib.
Axar.az xəbər verir ki, bu sözləri Azərbaycan Xarici İşlər Nazirliyinin mətbuat xidmətinin rəhbəri Leyla Abdullayeva Ermənistanın Baş naziri vəzifələrini yerinə yetirən Nikol Paşinyanın çıxışını şərh edərkən deyib.
"Məgər öz müqəddəratını təyin etmə eyni bölgədə yaşayan digər etnik qruplara qarşı etnik təmizləmənin həyata keçirilməsi deməkdir? Məgər beynəlxalq hüququn aliliyi əraziləri hərbi işğal etmək və sonra da zor gücünə işğalın nəticələrini həll yolu kimi qəbul etdirmək deməkdir? Bu suallara, elə cənab Paşinyanın çıxışında istinad etdiyi fundamental prinsiplərin özü cavab verir; bunun üçün BMT Nizamnaməsini və Helsinki Yekun Aktını oxumaq kifayətdir. Oxumaq istəməyənlər və ya oxuduqlarını anlamaq istəməyənlər üçün sitat gətiririk: “Dövlətlər xalqların bərabər hüquqları və öz müqəddəratını təyin etməsi hüququna hər zaman BMT Nizamnaməsinin məqsəd və prinsipləri, beynəlxalq hüququn norma və prinsipləri, o cümlədən dövlətlərin ərazi bütövlüyü prinsipinə uyğun olaraq hörmət etməlidir” - L.Abdullayeva deyib.
"Beynəlxalq Forumlarda çıxış edərək sülhdən, daha yaxşı gələcəkdən danışmaq, əlbəttə yaxşıdır. Lakin ən vacibi sadəcə bəyanatlar verməklə kifayətlənməmək, verdiyin bəyanatlara uyğun davranmaqdır, hərəkət etməkdir. Bölgənin və Ermənistanın özünün daha yaxşı gələcəyi bilavasitə, Ermənistan silahlı qüvvələri tərəfindən Azərbaycan ərazilərinin işğalına son qoyulması və məcburi köçkünlərin öz evlərinə geri qayıtması ilə əlaqədardır" - XİN rəsmisi vurğulayıb.
Qeyd edək ki, Azərbaycan Respublikasının Xarici İşlər naziri Elmar Məmmədyarov Paris Sülh Forumunda iştirak edib və tədbirdən sonra Forum çərçivəsində təsis edilmiş Sülh Kitabxanasına “Qarabağ həqiqətləri” adlı kitab təqdim edib.
Nazir Elmar Məmmədyarov kitabda “Dünya unutmamalıdır ki, Ermənistan silahlı qüvvələrinin işğalçı əməlləri nəticəsində Azərbaycanda olduğu kimi, bu gün hələ də dünyada xalqlar öz doğma ərazilərindən zor gücünə qovularaq etnik təmizləməyə məruz qalırlar. Ermənistanın öz silahlı qüvvələrini Azərbaycan ərazilərindən çıxartmaq, Azərbaycanın sərhədlərinə hörmət etmək və bölgədə sülh və sabitliyi bərpa etməkdən başqa yolu yoxdur” sözlərini qeyd edib.
 |
Səhiyyə naziri Oqtay Şirəliyev direktoru işdən çıxarıb.
Unikal.org-un məlumatına görə, Səhiyyə Nazirliyinin S. İmaməliyev adına Respublika Taun Əleyhinə Stansiyasının direktoru Rakif Abdullayev vəzifəsindən azad edilib. Müvafiq qərarla Tahir Vəliyev stansiyanın direktoru vəzifəsinə təyin edilib.
Xəbəri S.İmaməliyev adına Respublika Taun Əleyhinə Stansiyasından təsdiqləyiblər.
|
|
Sabirabad 12 saylı Regional Hesablaşma idarəsinin rəisi Elxan Əsədov vəzifəsindən azad edilib.
İdarədən Modern.az-a bildirilib ki, artıq Elxan Əsədovun yerinə təyinat da olub.
"Bir müddət əvvəl Təhsil naziri Ceyhun Bayramovun əmri ilə Sabirabad 12 saylı Regional Hesablaşma idarəsinin rəisi Elxan Əsədov işindən azad edilib. Elxan Əsədovun yaşla əlaqədar işinə xitam verilib. Nazirin digər əmri ilə artıq idarəyə yeni rəis də təyin olunub. İdarənin yeni rəisi Üzeyir Qasımovdur”.
Noyabrın 10-da bəzi kütləvi informasiya vasitələrində yayılan məlumatda Gürcüstandan idxal edilən 26042 kq kartofun tərkibində zərərli orqanizmlərin aşkarlandığı, bu ölkənin Maliyyə Nazirliyinə istinadən ölkəmizin müvafiq qurumlarının məhsulun geri qaytarılmasına qərar verdiyi bildirilir, lakin kartofun geri qaytarılmadığı və guya "yoxa çıxdığına" eyham vurulur.
|
|
İsrailin Baş naziri Benyamin Netanyahu Rusiya Prezidenti Vladimir Putinlə Fransa səfərində görüşməyəcəyini təsdiqləyib.
Axar.az xəbər verir ki, bu barədə RİA yazıb.
Baş nazir görüşün baş tutmamasına səbəb kimi tədbiri təşkil edən Fransanın tələblərini göstərib. Belə ki, Fransa I dünya müharibəsinin 100 illiyinə həsr olunmuş tədbir çərçivəsində ikitərəfli görüşlərin keçirilməməsini istəmişdi.
Qeyd edək ki, Rusiya prezidentinin mətbuat katibi Dmitri Peskov da açıqlamasında Putinlə Netanyahu arasında görüşün baş tutmayacağını bildirmişdi.
Türkiyə Cümhuriyyətinin qurucusu Mustafa Kamal Atatürkün vəfatının 80-ci ildönümüdür.
|
|
Ermənistan hələ əvvəldən Xaçaturovu geri çağırmaqla həm təşkilatın nüfuzuna, həm də bu təşkilatda öz nüfuzuna zərbə vurdu.
Bu sözləri Axar.az-a açıqlamasında politoloq Arzu Nağıyev deyib. O bildirib ki, KTMT-nin baş katibinin seçilməsi proseduru nizamnaməyə uyğun olaraq aparılır:
“Baxmayaraq ki, Ermənistan tərəfi guya il yarım vaxtlarının qalmasını əsas gərirərək, Ermənistanın nümayəndəsinin yenidən KTMT-yə baş katib vəzifəsinə seçilməsinə çalışır. Bu, elə bir vəzifədir ki, burada təmsil olunan bütün dövlətlərin başçıları bu məsələyə fikir bildirməlidir. Hazırda bu məsələnin 3 həll variantı var. Birincisi, Ermənisan çalışır ki, baş katib yenə də Ermənistanın nümayəndəsi olsun. İkincisi, Xaçaturovun müavini sona qədər bu vəzifəni icra etsin. Üçüncüsü isə, əlifba sırasına əsasən, bu vəzifə Belarusdan olan nümayəndəyə verilsin. Ən optimal variant kimi məhz üçüncü nəzərdə tutulur. Qazaxıstan Prezidenti Nursultan Nazarbayev qeyd etdi ki, geridə qalan vaxtda Ermənistandan yeni bir nümayəndənin bu vəzifəyə seçilməsi heç nizamnamədə də yoxdur. Seçilsə belə, qalan il yarım ərzində həmin şəxs heç təmsil olunan dövlətləri gəzib, bu dövlətlərin rəhbərləri ilə görüşə bilməz. Yəni Paşinyanın bu istəyi absurd məsələdir”.
Politoloq vurğulayıb ki, Belarusun nümayəndəsinin bu vəzifəyə seçilməsi və onun 1985-ci ildə hərbi təhsilini Bakıda almış olması tam şəkildə qurumun Qarabağ münaqişənə yanaşmasında müsbət təsirini göstərəcək:
“Çünki bu şəxs artıq Azərbaycan reallığından, milli adət-ənənələrindən xəbərdadır. Azərbaycanın hərb sahəsindən, Dağlıq Qarabağ münaqişəsindən, buradakı proseslərin necə və nədən başladığından məlumatlıdır. Bunu müsbət hal kimi dəyərləndirmək olar”.
Politoloq qeyd edib ki, Xaçaturovun hansısa cinayətdə əli olması, 2008-ci il prezident seçkilərinə birbaşa müdaxiləsi məsələsinin bu şəkildə üzə çıxarılması təşkilatın nüfuzuna ciddi zərbə vurdu:
“Yəni haqlı olaraq belə cinayətlər törətmiş şəxsin, 2008-ci il hadisələri ilə əlaqələri olmuş bir hərbçinin KTMT-yə rəhbərlik etmiş olması bu təşkilatın dünyada nüfuzdan düşməsinə səbəb oldu. Qərb və digərləri sual verə bilər ki, bu niyə əvvəldən yoxlanılmayıb?! Digər məsələ ondan ibarətdir ki, Xaçaturovun bu cinayətləri törətməsi faktı niyə məhz Paşinyan hakimiyyətə gələndən sonra gündəmə gəldi?! Təbii ki, son sözü yenə də KTMT-yə üzv olan dövlətlər deyəcək. Lakin artıq Nazarbayev kimi bir şəxsin belə bəyanatla çıxış etməsi çox şeydən xəbər verir. Düşünürəm ki, bu məsələdə Ermənistan yenə də uduzmuş vəziyyətdə qaldı".
Politoloq vurğulayıb ki, KTMT-nin Astana sammitində nizamnamə dəyişikliyi və tərəfdaş və müşahidəçi ölkələrin statusu haqda qərar Bakıya jestdir:
"Azərbaycanın da müşahidəçi qismində bu iclaslarda iştirak etməsi çox mühüm hadisə olar”.
Qeyd edək ki, Qazaxıstanın paytaxtı Astanada KTMT-yə üzv dövlətlərin rəhbərlərinin iclası baş tutub.
Qazaxıstan Prezidenti Nursultan Nazarbayev iclasdan sonra təşkilatın yeni baş katibinin Belarus təmsilçisi olacağını və son qərarın dekabrın 6-da Sankt-Peterburq görüşündə veriləcəyini açıqlayıb.
|
|
Kollektiv Təhlükəsizlik Müqaviləsi Təşkilatında (KTMT) yeni baş katibliyin Belarusa keçməsi Ermənistanın növbəti uğursuzluğudur.