 |
|
Hər iki qadın aldıqları zərbədən xəsarət alıblar və xəstəxanaya yerləşdiriliblər
Bakıda iki nəfərin xəsarət alması ilə nəticələn yol-nəqliyyat hadisəsi baş verib.
Yol-xeber.az APA-ya istinadən məlumatına görə, hadisə paytaxtın Yasamal rayonu, T. Xəlilbəyli küçəsində yerləşən avtoyuma məntəqəsinin qarşısında baş verib.
Həmin avtoyuma məntəqəsində işləyən Astara rayon sakini, 1997-ci il təvəllüdlü Seymur Xanhüseynzadə avtoyumaya verilmiş Gürcüstan vətəndaşına məxsus "Nissan X-Trail" markalı avtomobili sürərkən yolda olan 1945-ci il təvəllüdlü Səidə Məhərrəmova və 1950-ci il təvəllüdlü Lalə Axundovanı vurub.
Hər iki qadın aldıqları zərbədən xəsarət alıblar və xəstəxanaya yerləşdiriliblər.
Faktla bağlı Cinayət Məcəlləsinin 263-cü( yol istismar qaydalarını pozma) maddəsi ilə cinayət işi başlanıb.
Amma reallıq da budur ki, çox zaman sürücülərin günahı olmur
Bakıda küçələri təmizləyən kommunal təsərrüfat işçilərinin avtomobillər tərəfindən vurulması halları tez-tez baş verir. Bəzən gündüz saatlarında, bəzən isə hətta gecə yarıdan keçəndən sonra bu işçilərin yolun hərəkət hissəsində dayanaraq təmizlik işləri aparması, yaxud yolu qaçaraq keçməsi baş verir. Belə vəziyyətdə onların avtomobillər tərəfindən vurulması da kimi acı nəticələr olur. Avtosfer.az-ın təqdim etdiyi iki video Heydər Əliyev prospektində qeydə alınıb. Hər iki hadisə günün qaranlıq vaxtında baş verib. İlk videoda kommunal işçisi yolu keçməyə cəhd edir. Bir zolağı keçir, ikinci zolağın sonuna çatanda isə sürətlə hərəkətdə olan avtomobil onu vurur.
İkinci hadisə də təxminən eyni ərazidə başqa bir vaxtda baş verib. Bu dəfə isə gecə saatlarında qadın yolun hərəkət hissəsində təmizlik işləri görür. Yaxınlaşmaqda olan sürücü onu son anda görə bilir. Həm qadını vurur, həm də avtomobili qaçırdan zaman bardürə deyərək qəza törədir və özü də xəsarət alır.
Bu cür hadisələr təəssüf doğurur. Amma reallıq da budur ki, çox zaman sürücülərin günahı olmur. Baxmayaraq ki, bundan sürücülər əziyyət çəkir. Videonu təqdim edirik:
Bakının mərkəzində marketdə bıçaqlanma hadisəsi olub.
Nəsimi rayonu, Ə.Hüseynzadə küçəsində yerləşən “Araz market”dən oğurluq etmək istəyən naməlum şəxsi mağazanın mühafizəçisi Elvin Muxtarov saxlamaq istəyib. Bu zaman naməlum şəxs mühafizəçinin qoluna bıçaqla xəsarət yetirərək hadisə yerindən uzaqlaşıb.
Faktla bağlı araşdırma aparılır.(Report)
Almaniyanın Hanau şəhərində 2 kafeyə silahlı hücum olub.
Qəlyan kafesinə naməlum şəxslər tərəfindən odlu silahla təşkil edilən hücum nəticəsində 8 nəfər dünyasını dəyişib. Çox sayda yaralı var.
Cənubi Hessen Baş Polisindən verilən açıqlamaya görə, hadisə yerli vaxtla saat 22:00 radələrində olub.
Şübhəli şəxslərin 2 nəfər olduğu bildirilir.
“Assoşieyted Press” agentliyinin məlumatına görə, qəlyan kafelərinə hücum nəticəsində ölənlərin sayı 9-a çatıb. 4 yaralı var.
Şübhəlilərdən biri evində ölü tapılıb. Onun yanında daha bir cəsəd olub.
Agentlik bildirir ki, hücuma məruz qalan kafelərdən biri türklərə məxsusdur. Dünyasını dəyişən 9 nəfərdən 5-inin türk olduğu iddia edilir. (publika.az)
Bərdə şəhərində sürücü sükan arxasında dünyasını dəyişib.
Report bildirir ki, hadisə şəhərin İsmət Qayıbov küçəsində qeydə alınıb.
Belə ki, 1963-cü il təvəllüdlü Kərim Dadaşov “VAZ” markalı avtomobili idarə edən zaman sükan arxasında dünyasını dəyişib.
Nəticədə onun avtomobili piyadaların hərəkət hissəsində yerləşən beton parçasına dəyib.
Avtomobilə yüngül ziyan dəyib. Hadisə yerinə Təcili Tibbi Yardım avtomobili və polis əməkdaşları gəlib.
Faktla bağlı araşdırma aparılır.
Cinayət törətməkdə şübhəli bilinən 35 nəfər saxlanılıb
Ötən gün daxili işlər orqanları tərəfindən qeydə alınan cinayət və hadisələrin statistik məlumatlar açıqlanıb. Daxili İşlər Nazirliyinin (DİN) Mətbuat Xidmətindən Yol-xeber.az-a verilən məlumata görə, törədilən 25 cinayətin üstü “isti izlər”lə açılıb. Əvvəlki dövrlərdən bağlı qalmış 16 cinayətin açılması təmin olunub. Axtarışda olduğuna görə ümumilikdə 42 nəfər, o cümlədən mülki-hüquqi öhdəliklərin icrasından yayındığına görə 1 nəfər, borclu şəxs qismində axtarışda olan 27 nəfər saxlanılaraq aidiyyəti üzrə təhvil verilib. Avtomobil yollarında 2 ağır yol-nəqliyyat hadisəsi baş verib, nəticədə 2 nəfər ölüb, 6 nəfər xəsarət alıb. Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 16 fakt müəyyən edilib.
Cinayət törətməkdə şübhəli bilinən 35 nəfər saxlanılıb.
DYP və Avtosfer.az hadisə yerində oldu, ərazidə tikilən yeni keçid istifadəyə hazırdır
Bakı Şəhər Baş Dövlət Yol Polisi İdarəsi və Avtosfer.az saytı paytaxt ərazisində baş verən yol nəqliyyat hadisələrinin təhlilini davam etdirir. Bu dəfə piyadaların avtomobillərlə daha çox vurulduğu Heydər Əlieyev prospekti 118 b və 132 ünvanlarında müşahidə aparılıb. Söhbət hazırda yeni tikilən piyada keçidinin yaxınlığından gedir. Yeri gəlmişkən, keçid istifadəyə tam hazırdır və son tamamlanma işləri aparılır. Buna baxmayaraq artıq öz həyatını və sağlamlığını düşünən insanlar həmin keçiddən istifadə edə bilirlər. Keçiddə normal şərait yaradılıb, pandus quraşdırılıb (uşaq və əlil arabası ilə hərəkət də mümkündür) və işıqlandırma təmin edilib.
Bakı Şəhər Dövlət Yol Polisi İdarəsinin bölmə rəisi, polkovnik Vaqif Əsədov və Avtosfer.az saytının rəhbəri Elməddin Muradlı həmin ərazidə olublar. Onlar burada piyadavurma hadisələrinin təhlilini aparıblar. Məlum olub ki, yaxınlıqda yaşayan və ya işləyən bəzi vətəndaşlar yolu təhlükəli şəkildə keçməyə çalışırlar. Bu zaman onların avtomobillə vurulması halları baş verir.
Təqdim olunan videolardan görünür ki, piyadalar olduqca təhlükəli hərəkət edirlər və avtomobillərin qarşısına qəflətən çıxırlar. Hətta piyadaların sürücüləri çaşdırması nəticəsində də yol nəqliyyat hadisələri baş verir.
Təəssüf ki, yeniyetmə və gənclərin bu hərəkəti acınacaqlı mənzəyə səbəb olur. DYP-nin bölmə rəisi Vaqif Əsədov piyadalara müraciət edərək özlərini və digərlərini düşünməyi, həyatlarını təhlükəyə atmamağı tövsiyə edib.
Hadisələrin başvermə səbəbinə diqqət çəkən polkovnik bildirib ki, hadisələr əsasən sürətli zolaqda baş verir və bu zaman nəqliyyat vasitələrinin sürücüləri hadisənin qarşısını heç cür ala bilmirlər. Çünki piyadalar təhlükəli şəkildə qaçaraq yolun hərəkət hissəsinə daxil olurlar ki, bu zaman sürücü nə qədər çalışsa da sürəti azalda və piyadanı vurmaqdan yayına bilmir.
Yol polisi sürücülərə tövsiyə edir ki, Heydər Əliyev prospektinin həmin hissəsində diqqətli olsunlar. Çünki qəflətən yola piyadalar çıxa bilər. Hansı ki, piyadalar üçün həmin ərazidə keçid tikilib və yaxın günlərdə tam istifadəyə veriləcək.
Ekspert Elməddin Muradlı isə bildirib ki, piyadaların bu cür xaotik hərəkəti sürücüləri çaşdırır və qəzalar da bu səbəbdən baş verir. Hətta hadisələrin birində sürücü yolun ortasında təhlükə yaradan piyadaya irad tutur. Amma buna əhəmiyyət verməyən həmin piyada bir neçə saniyə sonra digər sürücü tərəfindən avtomobillə vurularaq öldürülür.
Digər mənzərə isə insanların avtomobilə əhəmiyyət vermədiyini göstərir, onlar təhlükəni hiss etmir və avtomobilin nə dərəcədə təhlükəli olduğunu dərk etmədən yola çıxırlar ki, bu da onların vurulması ilə nəticələnir.
Hadisə yerində təhlillər apardıqdan sonra Vaqif Əsədov və Elməddin Muradlı yeni tikilən piyada keçidindən istifadə edərək əks tərəfə keçiblərş. Bu zaman cəmi 50 saniyə vaxt itkisi etdiklərini müşahidə ediblər. Odur ki, siz də o ərazidə keçiddən istifadə etməyə üstünlük verin. Çünki 50 saniyə kiminsə həyatını puç etməkdən daha önəmli deyil.
Araşdırmalar davam etdirilir
Binə qəsəbəsində evlərdən və “PlayStation” salonlarından oğurluqlar edən xalaoğluları tutulublar. Daxili İşlər Nazirliyinin (DİN) Mətbuat Xidmətindən Yol-xeber.az-a verilən məlumata görə, Xəzər rayonu, Binə qəsəbəsində yerləşən fərdi yaşayış evlərindən silsilə oğurluqlar edən şəxslər saxlanılıblar. Xəzər Rayon Polis İdarəsinin (RPİ) 3-cü Polis Bölməsi (PB) əməkdaşları tərəfindən həyata keçirilən əməliyyat-axtarış tədbiri nəticəsində oğurluqlar edən Lənkəran şəhər sakinləri Vüsal Məmmədli və onun xalası oğlu Elxan Hüseynov tutularaq istintaqa təqdim ediliblər. Araşdırma zamanı onların Binə qəsəbəsində 7 evdən pul, qızıl-zinət və məişət əşyaları, 2 “play station” salonundan ümumilikdə, 18 ədəd oyun aparatı və 1 mağazadan ərzaq məhsulları oğurladıqları məlum olub.
Qeyd edilən faktlarla bağlı saxlanılan şəxslər barəsində 3-cü PB-də toplanan materiallar Xəzər RPİ-nin İstintaq Şöbəsinə göndərilib, araşdırmalar davam etdirilir.
Görüntülər sosial şəbəkədə yayılıb
Svetoforun qırmızı işığında hərəkət edən sürücünün görüntüsü sosial şəbəkədə yayılıb. Yol-xeber.az xəbər verir ki, paytaxtın Sabunçu rayonunda hərəkət edən avtomobilin sürücüsü svetoforun qırmızı işığında dayanmamaq üçün yolun sağ kənarındakı boş olan yerə daxil olub. O, sağdan yolayrıcına daxil olaraq svetoforun başına fırlanıb geriyə dönmə manevri edib.
Görüntüləri sizə təqdim edirik.
Qarşıdan gələn sürücülərə təhlükə yaradıblar
Masazırda yol hərəkəti qaydasını kobud şəkildə pozan iki sürücü kameraya düşüb. Yol-xeber.az xəbər verir ki, fevralın 13-ü Novxanı-Masazır yolunda hərəkət edən 10-XR-353 qeydiyyat nişanlı "Nissan" markalı və 10-EA-027 qeydiyyat nişanlı "Niva" markalı avtomobillərin sürücüləri 1.3 qoşa xəttin tələbini pozaraq əks istiqamətdə hərəkət edib. "Niva" markalı avtomobilin sürücüsü əks istiqamətə çıxdıqdan sonra svetoforun qırmızı işığında hərəkətinə davam edib.