2018-ci ilin regional seçkiləri Rusiya hakimiyyəti üçün problemə çevrilib.

Axar.az BBC-yə istinadən xəbər verir ki, uzun illər ərzində ilk dəfə olaraq hakim Vahid Rusiya Partiyası bir neçə regiondakı parlamentlərdə üstünlüyünü əldən verməyə başlayıb. Üstəlik, bir neçə regionda qubernator seçkisi ikinci mərhələyə qalıb:

“Qubernator seçkisi 22 regionda baş tutdu. İlk dəfə olaraq Xakasiya, Primorsk, Xabarovsk və Vladimirsk vilayətlərində hakim partiyadan olan namizədlər seçkinin birinci mərhələsində qalib olmaq üçün yetərli səs toplaya bilmədilər”.

Vahid Rusiya Partiyası (VHR) regional parlament üçün keçirilən seçkidə də itkilərə məruz qalıb. Belə ki, bu itkilər Zabaykal (cəmi 28,13% səs toplayıb), İrkutsk (VRP 27,3%, Kommunist Partiyası 34,08%), Ulyanovsk (VRP 29,18%, Kommunist Partiyası 40%), Xakasiya (VRP 25,95%, Kommunist Partiyası 31%) vilayətlərində qeydə alınıb.

BBC Putinin partiyasının bir neçə ildir ki, belə məğlubiyyətə düçar olmadığını bildirib:

“Qubernator seçkisinin 2012-ci ildə bərpasından bu yana yalnız bir nəfər - kommunist Sergey Levçenko İrkustk vilayətinə keçirilən seçkidə hakimiyyət nümayəndələrini məğlub edərək, qalib olub. Hökumətin təqaüd reformlarını elan etməsindən sonra Putin, Medvedyev və Vahid Rusiya Partiyasının reytinqi darmadağın olub”.

Twitter