 |
|
“Barselona”nın hücumçusu Lionel Messi İspaniya çempionatının 11-ci turu çərçivəsində “Osasuna”ya qarşı qarşılaşma zamanı əfsanəvi argentinalı futbolçu Dieqo Maradonanın xatirəsini yad edib.
Qarşılaşmanın 73-cü dəqiqəsində fərqlənən argentinalı qoldan sonra “Nyuells Old Boyz”un 10 nömrəli formasını göstərib.
Hər iki futbolçu fərqli vaxtlarda bu klubun şərəfini qoruyub.
Qeyd edək ki, Messi bu hərəkətinə görə sarı vərəqə görüb.
Argentinalı əfsanəvi futbolçu Dieqo Maradonanın ölümünün dəqiq səbəbi bəlli olub.
Tibbi ekspertizanın rəyinə əsasən, keçmiş yarımmüdafiəçinin xroniki ürək çatışmazlığından qaynaqlanan kəskin ağciyər ödəmi nəticəsində öldüyü bəlli olub.
Bundan əlavə, Maradonaya ürəyi normadan iki dəfə böyük olduğu üçün genişlənmiş kardiomiopatiya diaqnozu qoyulub.
Qeyd edək ki, D.Maradona noyabrın 25-də 60 yaşında ikən ürəktutmasından vəfat edib.(Report)
Argentinalı əfsanəvi futbolçu Dieqo Maradona Buenos-Ayres yaxınlığında dəfn edilib.
Maradonanın məzarı özəl Bella Vista qəbiristanlığında, valideynlərinin yanındadır.
Xatırladaq ki, Maradona noyabrın 25-də ürək tutmasından dünyasını dəyişib.
Maradonanın ölümü ilə əlaqədar olaraq Argentinada üç günlük matəm elan edilib.(Report)
Bu gün Argentinadakı Kasa Rosada prezident sarayında Dieqo Maradona ilə vida mərasimi keçiriləcək.
Mərasim yerli vaxtla saat 06:00-da (Bakı vaxtı ilə saat 13:00-da) başlayacaq.
Vidalaşmaq istəyənlərin qəbulu əfsanəvi futbolçunun yaxınlarının istəyi ilə saat 16:00-da (Bakı vaxtı ilə 23:00) başa çatacaq. Hazırda sarayın qarşısında çoxlu sayda insan toplaşıb.
Qeyd edək ki, Dieqo Maradona noyabrın 25-də 60 yaşında ürəktutmasından vəfat edib.(Report)
Dünya futbolunun canlı əfsanəsi Dieqo Maradonanın ölümü ilə bağlı Çempionlar Liqası və Avropa Liqasının qrup mərhələsində bu həftə keçiriləcək bütün oyunlar 1 dəqiqəlik sükutla başlayacaq.
Report xəbər verir ki, bu barədə UEFA prezidenti Aleksander Çeferin qurumun rəsmi saytına açıqlamasında deyib.
Sloveniyalı funksioner artıq bununla bağlı xüsusi tapşırıq verdiyini bildirib.
Maradona bu gün ürəktutmasından sonra 60 yaşında dünyasını dəyişib.
Qeyd edək ki, "Qarabağ" sabah Avropa Liqasının qrup mərhələsinin IV turu çərçivəsində Türkiyədə "Sivasspor"la qarşılaşacaq. İstanbul şəhərindəki "Başakşehir Fatih Terim" stadionunda oynanılacaq matç Bakı vaxtı ilə saat 21:55-də başlayacaq. Azərbaycan təmsilçisi ölkədəki hərbi vəziyyətlə əlaqədar ev oyunlarını neytral meydanda keçirir. Komandalar arasındakı III tur matçında "Sivasspor" öz meydanında 2:0 hesablı qələbə qazanıb.
Almaniyanın "Borussiya" (Dortmund) klubunun futbolçusu Erlinq Holann yeni rekorda imza atıb.
20 yaşlı hücumçu Çempionlar Liqasında 15 qola ən tez imza atan oyunçu olub.
Norveçli forvard IV turda evdə Belçika "Brügge"sini 3:0 hesabı ilə məğlub etdikləri matçda dubl edib. Holann turnirdəki 12 oyunda 16 qol vurub. Futbolçu Dortmund təmsilçisindən başqa sabiq klubu Avstriya "Zaltsburq"unun heyətində də fərqlənib.
Niderlandlı sabiq futbolçu Rud van Nistelroy və hazırda İspaniya "Qranada"sında çıxış edən Roberto Soldado 19 oyuna 15 qola imza ata bilib.
Kriştianu Ronaldu 51, Lionel Messi 29, Robert Levandovski isə 25 görüşə 15 qol vurmağı bacarıb.
Qeyd edək ki, Erlinq Holann 2019-cu ilin dekabrında "Zaltsburq"dan "Borussiya"ya keçib.
(report)
İçlərində "Qalatasaray" sevgisini daşıyan şəhidlərimiz - Murad Məmmədovla Fərid Dursunovun səs yazısı və vəsiyyəti günə damğa vurdu.
Offsideplus.az xəbər verir ki, dünən gecədən sosial şəbəkələrdə yayılan şəkildə Fəridin məzarı üstə Azərbaycan bayrağı ilə yanaşı "Qalatasaray" bayrağının da dalğalanması böyük səs-küyə səbəb oldu.
O qədər səs-küy doğurdu ki, "sarı qırmızılar"ın 12 milyonluq "feysbuk" səhifəsində bu haqda məlumat verildi, "Qalatasaray"da prezidentin köməkçisi olan Yusuf Günay mətbuata açıqlamasında böyük vədlərlə yadda qaldı. Muradın səsinin stadionda səsləndiriləcəyi, komandanın hansısa matça "Fərid" yazılı formalarda çıxacağı, ailəsinin oyunlardan birinə dəvət olunacağı, şəhidlərin məzarının ziyarət ediləcəyi...
Yusuf bəy rəhmətlik Muradın qardaşı Nurlan Məmmədovla əlaqə saxlayıb. "Qalatasaray"da başqan köməkçisi vəzifəsini icra edən Günay, şəhid qardaşına başsağlığı verib, hansı köməyə ehtiyac duyduqlarını soruşub. Söhbətin sonunda isə Nurlanın işləyib-işləməməsi ilə maraqlanıb, ehtiyac yaranacağı təqdirdə işlə təmin edə biləcəyini bildirib.
Yaxın zamanlarda "Qalatasaray" rəsmilərinin şəhidlərin məzarını ziyarət etmək üçün ölkəmizə səfər edəcəyi gözlənilir.
Qeyd: Şəkildəki rəhmətliyin dostu Xaqandır. Xaqan hərbi xidmətdən təxris olunduqdan sonra Murad əsgərliyə yola düşüb ki, Xaqan məhz bu formanı yaxın dostuna verib.
Azərbaycanlı qrossmeyster Teymur Rəcəbov bu gün Ermənistan şahmatçısı Levon Aronyanla qarşılaşacaq.
Norveçli dünya çempionu Maqnus Karlsenin təşkil etdiyi “Skilling Open” turnirində daha beş tur keçiriləcək.
Teymur Rəcəbov bu gün VI-X turlar çərçivəsində ardıcıllıqla Əlirza Firuzca (İran), Levon Aronyan (Ermənistan), Yan-Kjıştof Duda (Polşa), Dinq Liren (Çin) və Aniş Qiri (Niderland) ilə qarşılaşacaq.
Qeyd edək ki, 30 min dollar mükafat fondu olan onlayn turnirin ilk beş turuna əsasən Teymur Rəcəbov 1,5 xal toplayıb.
“Zirə” klubunun əsas heyətinə cəlb olunan Tamerlan Burcəliyev Vətən müharibəsində şəhid olan qardaşının adını kürəyində daşıyacaq.
Oxu.az xəbər verir ki, bu barədə Peşəkar Futbol Liqasının Texniki İdman Şöbəsinin rəisi Elgiz Abbasov sosial şəbəkə hesabında paylaşım edib.
Qurum rəsmisi bildirib ki, T.Burcəliyev bununla bağlı PFL-ə müraciət edib. Onlara edilən bu təklifə dərhal müsbət cavab veriblər.
Xatırladaq ki, İlqar Burcəliyev oktyabrın əvvəlində Tərtər istiqamətində gedən döyüşlərdə qəhrəmancasına şəhid olub. O, “Zirə”nin 17 yaşlılardan ibarət komandasının şərəfini qoruyub.
UFC prezidenti Deyna Uayt Mayk Taysonla Roy Cons arasında keçiriləcək döyüşü lağa qoyub.
Oxu.az xəbər verir ki, D.Uayt döyüşün qaydaları və döyüşün nəticəsi ilə bağlı mərc etmək fürsəti olmamasını gülüş obyektinə çevirib:
“Düşünürsünüz ki, Cons qalib gələcək? Nokautla? Nə? Bu döyüşün qaydalarına görə nokaut ola bilməz? Onlar bu qaydanı necə tətbiq etməyi düşünürlər. Mən bilmirdim ki, burada qalib də olmayacaq, nə qəribə döyüşdür”, - deyə UFC rəhbəri bildirib.