Almaniyada təşkil olunan futbol üzrə Avropa çempionatında bu gün yarımfinalın ilk oyunu keçiriləcək.

“Günün yeganə matçında İspaniya ilə Fransa yığmaları üz-üzə gələcək.

Görüş saat 23:00-da start götürəcək.

AÇ-2024

Yarımfinal

9 iyul

23:00. İspaniya - Fransa

Twitter

Serbiyanın Novi Sad şəhərində güləş üzrə U-20 Avropa çempionatı sona çatıb.

Bu gün sərbəst güləş üzrə 61, 74, 86, 92 və 125 kq-da medalçılar müəyyənləşib.

Camal Abbasov (57 kq) finalda rusiyalı Andrey Midlovetslə qarşılaşıb. 1:6 hesabıyla məğlub olan Camal gümüş medalla kifayətlənib.

Sadiq Mustafazadə (86 kq) finalda rusiyalı İbrahim Kadiyevlə güləşib. Milli üzvü güclü rəqibinə 1:9 hesabıyla məğlub olub və yarışı ikinci pillədə başa vurub.

Anar Cəfərli (97 kq) finalda rusiyalı Mustafaqadji Malaxdibirovla üz-üzə gəlib. Görüşə Anar yaxşı başlasa da, rəqibin silsiləvi “xaç” fəndindən xilas ola bilməyib. Belədə Anar da gümüş medalı boyundan asıb.

Yusif Dursunov (125 kq) təsəlliverici görüşdə italiyalı Martino Pilieroya “tuş”la qalib gəlib. Həmyerlimiz bürünc medal uğrunda ukraynalı İvan Miroşniçenkoyla gərgin mübarizədə sevinən tərəf olub-3:2. Beləliklə, Dursunov fəxri kürsünün üçüncü pilləsinə yüksəlib.

Twitter

Almaniyada təşkil olunan futbol üzrə Avropa çempionatında bu gün 1/4 finalın son oyunları keçiriləcək.

Günün ilk matçı Düsseldorfdakı "Esprit Arena"da İngiltərə və İsveçrə komandaları arasında olacaq.

İngiltərə millisi 1/8 finalda Slovakiyanı 2:1 hesabı ilə məğlub edib. İsveçrə isə İtaliya yığmasından üstün olub - 2:0.

İtaliyalı referi Daniele Orsatonun idarə edəcəyi matç saat 20:00-da başlayacaq.

1/4 finalın son qarşılaşmasında Türkiyə millisi Niderlandla üz-üzə gələcək. 1/8 finalda Türkiyə yığması Avstriyanı (2:1), Niderland isə Rumıniyanı (3:0) məğlub edib.

Fransalı referi Klement Turpinin idarə edəcəyi matç Berlindəki Olimpiya stadionunda baş tutacaq.

AVRO-2024

1/4 final

6 iyul

20:00. İngiltərə - İsveçrə

Baş hakim: Daniele Orsato (İtaliya).

Düsseldorf, "Esprit Arena".

23:00. Niderland - Türkiyə

Baş hakim: Klement Turpin (Fransa).

Berlin, Olimpiya stadionu.

Twitter

Bu gün AÇ-2024-də 1/4 final mərhələsinə start veriləcək. “Qafqazinfo”nun məlumatına görə, İspaniya meydan sahibi Almaniya ilə, Fransa isə Portuqaliya ilə üz-üzə gələcək. Sözsüz ki, bu qarşılaşmalar çempionatın ən maraqlı oyunları olacaq. Avropa mətbuatının gündəmini zəbt edən bu matçlar erkən finallar adlandırılır. Buna səbəb isə turnirin startından öncə favoritlər arasında 4 komandanın da adının çəkilməsidir. 

Həqiqət də belədir. Komandaların həm heyətləri, həm oynadıqları futbol deyilənləri təsdiq etməyə əsas verir. Gənclərdən qurulan heyətlə gözəl futbol oynayan İspaniya yığması gələcəyin ulduzu sayılan Lamin Yamalla Niko Uliyamsın liderliyində adından söz etdirməyi bacarıb. 

Almaniya millisi isə Yulian Naqlessmanın rəhbərliyi altında baxımlı futbolla göz oxşayır. Camal Musialanın çıxışı isə diqqət çəkməyə bilməz. Almanların gənc və təcrübəli futbolçuların vəhdətindən qurulmuş heyəti həm meydan sahibi olduqlarına, həm də gücünə görə favorit hesab edilirdi. Xüsusilə Toni Kroos kimi əfsanənin yenidən heyətə qayıtması azarkeşləri də ümidləndirir. 

Fransa yığması isə ulduzları ilə öyünə bilər. Hazırda avropalı futbolçuların siyahısında ön sıralarda gələn Kilian Mbappe, Antuan Qrizman, Marcus Türam kimi futbolçulara inam böyükdür. Fransızların ehtiyat oyunçular skamyası da kifayət qədər zəngindir. Baş məşqçi Didye Deşamın sərəncamında fərdi keyfiyyəti ilə matçların taleyini həll edəcək futbolçular var. Mbappedən isə daha parlaq çıxış məhz bu mərhələdə gözlənilir. Kumiri Kriştianu Ronaldonun kapitanı olduğu Portuqaliyaya qarşı oynayacaq Kilianın bu matçda həlledici rol oynayacağı gözlənilir. 

Portuqaliya yığması da ulduzlar yığını sayıla bilər. Hücum xəttində kifayət qədər zəngin heyət Roberto Martinezə seçimlərdə çətinlik yaratmaqla yanaşı həm də lazım olduğu zaman işini asanlaşdırır. Portuqalların heyətində superulduz Kriştianu Ronaldo ilə yanaşı Bruno Fernandeş, Bernardo Silva, Joao Feliks, Rafael Leao kimi Avropa qitələrində adından söz etdirən oyunçular var.

Statistikalar: İspaniya - Almaniya

Almaniya yığması rəsmi matçlarda sonuncu dəfə İspaniyanı 1988-ci ildə məğlub etməyi bacarıb. Həmin oyun AÇ-1988-in qrup mərhələsinə təsadüf edir. Həmin vaxt Qərbi Almaniya adlanan yığma Völlerin vurduğu qollar sayəsində ispanlara 2:0 hesabı ilə qalib gəlib. O vaxtdan bəri almanlar qələbəyə həsrətdir. Komandalar arasında keçirilən son 5 matçda da sevinən tərəf ispanlar olub. 

2008-ci il Avropa çempionatında keçirilən qarşılaşmada İspaniya Fernando Torresin qolu ilə qalib gələrək kuboku başı üzərinə qaldırıb. 

2010-cu ildə keçirilən dünya çempionatının yarımfinal matçında da ispanlar qələbəyə sevinən tərəf olub. Onlar 1:0 hesabı ilə qalib gəliblər. 

2020-ci ildə baş tutan Millətlər Liqası oyununda isə prineylilər Almaniyanın qapısından 6 cavabsız top keçirib. Helə həmin analoji turnir çərçivəsində keçirilən digər matç 1:1 hesabı ilə başa çatıb. 

2022-ci il dünya çempionatının qrup mərhələsindəki matç 1:1 hesabı ilə başa çatıb.

Statistikalar: Portuqaliya – Fransa

Əslində, burada portuqalları psixoloji olaraq daha üstün saymaq olar. Sonuncu dəfə tərəflər arasında keçirilən ən vacib qarşılaşma 2016-cı ilin Avropa çempionatının finalında baş tutub. Həmin həlledici qarşılaşma Kriştianu Ronaldonun zədələnib meydandan çıxması ilə yadda qalıb. O, görüşü yarımçıq tərk etmişdi. Buna baxmayaraq Portuqaliya Ederin qolu ilə fransızları öz ölkələrində məğlub edib qələbə qazana bilmişdi. 

2020-ci ildə Millətlər Liqası çərçivəsində tərəflər arasında baş tutan iki görüşdən biri 0:0 başa çatıbsa, digərində Fransa rəqibini məğlub edə bilmişdi. “Xoruzlar” 1:0 hesablı qalibiyyətə sevinmişdi. 

Tərəflər arasında baş tutan sonuncu görüş isə bolqollu olub. Vaxtilə ilə “Real”da komanda yoldaşı olmuş portuqal Kriştianu Ronaldo və fransız forvard Kərim Benzamın etdiyi dubllarla 2:2-lik nəticə qeydə alınmışdı. 

İtkilər:

Burada fransızları bəxtsiz adlandırmaq olar. Yalnız onların heyətində bir futbolçu matçı buraxacaq. Deşamın sevimli oyunçularından Adrien Rabyo sarı vərəqə limitini doldurduğu üçün meydanda olmayacaq. 

Twitter

Merih Dəmiral UEFA tərəfindən 2 oyunluq cəza verilməsinə dair yayılan xəbərlər həqiqəti əks etdirmir.

APA “NTV Spor”a istinadən xəbər verir ki, bu barədə Türkiyə Futbol Federasiyası məlumat yayıb.

Bildirilib ki, UEFA-nın Merih Dəmiralla bağlı araşdırması davam edir.

***

UEFA Avropa çempionatının 1/8 final mərhələsi çərçivəsində keçirilən Türkiyə - Avstriya matçında qol vurduqdan sonra “bozqurd” işarəsi göstərən Merih Demiralı cəzalandırıb.

“Qafqazinfo” xəbər verir ki, bu barədə Türkiyə mətbuatı məlumat yayıb.

Məlumata görə, qitənin ali futbol qurumu müdafiəçiyə iki oyunluq cəza verib. Bu da o deməkdir ki, Demiral 1/4 final mərhələsində Niderlanda qarşı oynaya bilməyəcək.

Qeyd edək ki, UEFA-nın sözügedən işarə ilə bağlı araşdırma başlatması Türkiyə tərəfindən etirazla qarşılanmışdı.

Onu da əlavə edək ki, Merih Demiral həmin qarşılaşmada dubl etmişdi.

Twitter

Ötən gün Avstriya ilə matçda Türkiyə yığmasının qapıçısı Mert Günokun oyunun son dəqiqələrində kritik qurtarışı ilə bağlı azərbaycanlı şərhçinin sözləri Türkiyə televiziyasında da danışılıb.

 Türkiyənin Ekol TV futbol kanalında oyunla bağlı müzakirələr zamanı İctimai televiziyanın şərhçisi Tural Dadaşovun həmin epizodu "İlahi müdaxilə" adlandırmasından söz açılıb.

"Ekol futbol"un aparıcısı Onur Yıldız T.Dadaşovun ünvanına təriflər yağdırıb:

"Azərbaycanlı həmkarımızın şərhini indi mənə dinlətdilər. Sizlərə də tövsiyə edirəm. Bilirsiniz nə deyib? "İlahi müdaxilə". Möhtəşəmdir".

Daha sonra T.Dadaşovun həmin şərhi 2 dəfə ardıcıl efirə verilib. 

O.Yıldız "Vallah, halal olsun" sözlərini söləyib. Studiyadakılar azərbaycanlı şərhçini alqışlayıblar.

Qeyd edək ki, AÇ-2024-ün 1/8 finalı çərçivəsində baş tutan Avstriya-Türkiyə matçında qapıçı M.Günok 90+4-cü dəqiqədə rəqibin hesabı bərabərləşdirməsinə fürsət yaratmayıb. Qapıçı bununla da komandasının 1/4 finala çıxmasında böyük rol oynayıb.

Onun bu müdaxiləsi oyunun taleyini həll edib. Türkiyə yığması oyundan 2:1 qalib ayrılıb.

Twitter

Bu təkcə qələbə sevinci deyildi, həm də Avstriyaya bir etiraz mesajı idi. Sən demə, Avstriyada "Boz qurd" mesajı qadağan imiş.

Avro-2024-ün son turunda Türkiyə-Avstriya matçında vurduğu qollarla Avstriyanı darmadağın edən Merih Dəmiralın "Boz qurd" sevinci gündəm oldu .

Məlum olub ki, Dəmiralın qol bayramı Avstriya hökumətinin 6 il əvvəl qəbul etdiyi qərara etiraz mesajı olub.

Belə ki, 2019-cu ildə Avstriyada "ekstremizmə və siyasi İslama qarşı mübarizə" adı altında müxtəlif qrupların işarə və simvollarının, o cümlədən "Boz qurd" simvolunun istifadəsini qadağan edən qanun qəbul edilib.

Merih Dəmiral oyundan sonra TRT-yə müsahibəsində ilk olaraq “Ne mutlu Türküm diyene!" deməsi izləyicilərin diqqətini cəlb edib.

O əlavə edib ki, türk olduğu üçün çox xoşbəxt və qürurludur: "Bunu burada bir daha hiss etdim".

Merih bununla Avstriyanın nə qərar qəbul etməsinin onlar üçün heç bir əhəmiyyət daşımadığını nümayiş etdirib.

Qeyd edək ki, Ankara zamanında Avstriyanın bu qərarına sərt reaksiya vermişdi.

Twitter

Futbol üzrə Avropa çempionatının 1/8 final mərhələsi çərçivəsində Avstriya və Türkiyə milli komandaları üz-üzə gəlib.

Gərgin şəraitdə keçən qarşılaşmada “ay ulduzlular” rəqiblərindən üstün olublar – 1:2.

Qarşılaşmada hesab ilk dəqiqədə açılıb. Künc zərbəsindən sonra yaranan qarışıqlıqdan Merih Demirel istifadə edərək hesabı açıb.

Oyunun 59-cu dəqiqəsində isə Arda Gülərin künc zərbəsindən yerinə yetirdiyi ötürmədən sonra Merih Demirel özünün və komandasının ikinci qoluna imza atıb.

Avstriya millisinin təsəlli qolunu oyunun 66-cı dəqiqəsində Mixael Qreqoriç vurub.

Bununla da Türkiyə milli komandası Avropa çempionatının ¼ final mərhələsinə yüksəlib.

Twitter