Dünən Azərbaycan xalqı 100 il öncə yaşadığı, duyduğu qürur hissini bir daha yaşadı.

Bu sözləri Axar.az-a tarixçi alim Nazim Mustafa deyib. O bildirib ki, 100 il öncə Qafqaz İslam Ordusu və Azərbaycan Əlahiddə Korpusunun birgə səyləri nəticəsində Bakı şəhəri daşnak-bolşevik işğalından azad edilib:

"Həmin gün Azərbaycan-Türkiyə birləşmiş ordusu üç istiqamətdən – Qurd qapısı, Binəqədi-Ermənikənd və Əhmədli-Qaraşəhər istiqamətindən hücum edərək daşnak-bolşevik ordusunu və onların köməyinə gələn ingilis qoşununu 100 il öncə elə bu gün rəsmi parad keçirilən yerdə, Azadlıq meydanı yaxınlığında Xəzər dənizinə tökdü. O gündən etibarən Azərbaycan dövləti həqiqi müstəqilliyinə qovuşdu. 1918-ci il sentyabrın 16-da o zaman Bakının ətrafı hesab edilən indiki Mətbuat prospektində, Dövlət Film Fondunun qarşısında qalib Azərbaycan-Osmanlı ordusunun rəsmi keçid mərasimi düzənləndi. Ertəsi gün Xalq Cümhuriyyətinin paytaxtı müvəqqəti yerləşdiyi Gəncə şəhərindən Bakıya köçdü. Sentyabrın 18-də indiki İstiqlal küçəsində möhtəşəm parad baş tutdu".

Twitter