Ermənistan Baş naziri Nikol Paşinyan jurnalistlərin suallarından yayınmağa çalışıb.

Axar.az xəbər verir ki, baş nazir Müdafiə Nazirliyini ziyarət etdikdən sonra jurnalistlər üçün qısa brifinq keçirib. Brifinq zamanı jurnalistlər Köçəryan hökumətlə bağlı səslədirdiyi ittihamlara cavab almaq istəsələr də, Paşinyan çoxsaylı mühafizəçilərinin müşayiəti ilə brifinq zalını “sürətli addımlarla” tərk edib. Suala iki cümlə ilə cavab vermək əvəzinə Paşinyanın “Paris səfərinə gecikirəm” deməsi isə jurnalistlərin narazılığına səbəbg olub.

Erməni KİV-in yaydığı məlumata görə, Paşinyanın qısa müddətdə “sələflərinə oxşamağa başlaması” birmənalı qarşılanmayıb və onun açıqlaması bəhanə kimi qəbul edilib.

Buna baxmayaraq, jurnalistlər Paşinyanın ardınca düşüblər. Nəhayət, Paşinyan jurnalistlərə qısaca “1 mart hadisələrini törədən hər kəsi həbs etməyin özünün məqsədi olduğunu” bildirib.

Qeyd edək ki, Köçəryan yayılan səs yazısını Paşinyanın diktator olduğunu təsdiqləyən fakt kimi qiymətləndirib və həbsini sifariş etdiyinə görə baş nazirin peşman olacağını bildirib.

Twitter