Bakı şəhər sakini Akif Əsədovun başına qəribə olay gəlib. Avtosfer.az-a müüraciət edən vətəndaş bildirib ki, 3 mart tarixində Sumqayıt şəhər sakini Nicat Sehruz oğlu Zakirovdan 99 PX 717 (99 ME 305 köhnə nömrə) dövlət nömrə nişanlı, “Volswagen Passat CC” (2010-cu il) markalı avtomobili lizinq şərti ilə etibarənamə ilə 6 min manat nağd və 7 min 500 manat lizinq olmaqla pul ödəyərək alıb. Lakin cəmi 2 saat sonra avvtomobilin mühərriki sıradan çıxıb.

Avtomobili Sumqayıt şəhərində yerləşən servislərdən birində satan şəxsin tanışı olan yoxlaılıb. Amma mühərrik mexaniki olduğu üçün kompüterdə problem “aşkar edilməyib. “Avtomobili Nicat özü sürərək Bakıya gəldi. Lizinq məsələləri həll olunduqdan sonra avtomobili iş yerimin qarşısında saxladım. İşdən çıxıb evə gedəndə isə avtomobilin mühərrini sıradan çıxdı.”

İndi Akif çətin durumda qalıb. Çünki mühərrikin yenidən yığılması üçün yüksək məbləğdə pul lazımdır. Avtomobili satan Nicat Zakirov isə zərərşəkmişə dəymiş ziyanı ödəmək istəmir. “Ona məxsus olan 055 767 53 52 nömrəsinə zəng edib bildiridim ki, avtomobilin mühərriki sıradan çıxıb. Nicat "mənlik deyil, mən maşını satmışan, gerisini özün bilərsən" deyərək telefonu söndürdü.”

Akif Əsədov məsələ ilə bağlı Xətai rayon 37-ci polis bölməsinə rəsmi qaydada ərizə ilə müraciət edib. İndi aidiyyəti qurumlardan məsələyə hüququ qiymət verilməsini və avtomobilin geri qaytarılmasını tələb edir.

Vətəndaş ona qarşı edilmiş dələduzluğun obyektiv araşdırılacağına ümid etdiyini də bildirib.

Orxan