 |
|
Strict Standards: Declaration of JCacheControllerView::get() should be compatible with JCacheController::get($id, $group = NULL) in /home1/yolxeber/public_html/libraries/joomla/cache/controller/view.php on line 0
Əmlakçıların fəaliyyəti ilə bağlı xoşagəlməz hallara tez-tez rast gəlirik. Xüsusilə də, dələduzluq halları ilə bağlı şikayətlər yetərincədir. Əsasən də tələbələr, kirayə ev axtaranlar maklerlərin fırıladçılığından şikayətlənirlər.
Qonşu ölkələrin əmlak bazarına diqqət yetirsək, görərik ki, onlarda illərlə formalaşmış əmlak bazarı və alqı-satqı mütəxəssisləri, yəni rielterlər var. Həmin rielterlər öz vətəndaşlarına, hətta xaricdən gələnlərə, turistlərə də yardımçı olur.
Təəssüflər olsun ki, Azərbaycanda bu üsulla təşkilati qaydada peşəkar xidmətin göstərilməsi ürəkaçan səviyyədə deyil. Ölkəmizdə bu işlə həm fərdi təşəbbüslə, həm də müəyyən agentliklər məşğul olur.
Bəs problemin həlli yolu nədir?
Mövzu ilə bağlı Bizim.Media-ya açıqlama verən əmlak məsələləri üzrə ekspert Vüqar Oruc illərdir əmlak bazarında xaotiklik müşahidə olunduğunu bildirib:
“Əmlak fəaliyyəti ilə həm fərdi şəkildə, həm də müəyyən agentliklər MMC strukturu ilə fəaliyyət göstərir. Təbii ki, həmin qurumlar dövlətə müvafiq fəaliyyətə görə vergi verir, alqı-satqı prosesi zamanı faiz ödəyir. Bir çox hallarda bu sahə tənzimlənmədiyinə görə vergidən yayınma halları və professional xidmətin göstərilməsi istisna olur”.
Ekspert bildirir ki, özünü “makler” kimi təqdim edən dələduzlar insanları aldadaraq əmlak bazarına olan inamını sarsıdır. Bu cür fırıldaqçılarla rastlaşmamaq üçün isə düzgün seçim etmək vacibdir:
“Bu gün onlayn şəkildə ayrı-ayrı şəxslər insanları rielter kimi aldadır. İnsanlara əvvəlcə mənzillər göstərilir, ilkin ödənişlər alınır, sonradan isə həmin “makler” yoxa çıxır. Bunun qarsısını almaq üçün insanlar təsadüfi xidmət növlərindən imtina etməlidir. Əvəzində yerləri ,fəaliyyətləri bilinən, öz imici olan reelter şirkətlərə müraciət olunmalıdır.
Həmçinin “makler”lər özlərinə də ciddi şəkildə nəzarətdə olmalıdır. Bu istiqamətdə fəaliyyətin sertifikatlaşdırma üsulu ilə həyata keçirilməsi daha məqsədəuyğun olar. Çünki, digər fəaliyyətlərdən olan istənilən insan rielterliklə məşğul ola bilir. Asan qazanc olduğu üçün demək olar çox insan bu sahəyə yönəlir.
Bununla da sözügedən sahənin profesionallıqdan kənara çıxılması halları yaranır. Hesab edirəm ki, bu sahə ciddi şəkildə tənzimlənməlidir. Yəni dövlətin müəyyən qurumu olmasa da , hansısa bir ictimai qurum bu öhdəliyi üzərinə götürməlidir”.
Eləcə də tələbələrin illərdir ki, maklerlərlə bağlı yaşadığı problemdən də söz açan Vüqar Oruc bunun çıxış yolunu onlar üçün yataqxanaların və tələbə şəhərciyinin salınmasında görür:
“Təklif edirəm ki, onlar üçün ayrıca tələbə şəhərciyi, yataqxanalar təşkil olunsun. Bu həm tələbələrin təhsil və gələcəyinə töhfə verər, həm də onların əmlak bazarından asılılığını azaldar.
Hal-hazırda tələbələrin təhsildən əlavə xərclərə, problemlərə üzləşməsi yolverilməzdir. Bunun üçün ilk növbədə tədris müəssisələrinin şəhərdən kənara çıxarılması, tələbə şəhərciklər yaradılmalıdır. Bu problemin mövsümü olaraq, əsasən də sentyabr aylarında baş verməsi də dələduzluq hallarının kütləvi vəziyyət almasına gətirib çıxarır.
Bu prosesin həlli həm şəhərsalma, həm də digər problemlərin həlli kimi kompleks yanaşılmalıdır. Tələbələr yaşayış məkanları, yataqxanalar ilə təmin olunmalı, əmlak qurumları isə minimal qiymətlər təklif etməlidir. Bütün hallarda dövlət tələbələrə bu mövzuda dəstək olmalıdır”.
Azərbaycanın reinteqrasiya təkliflərini qəbul etməyən, erməni əhalisinin də Bakıya üz tutmasının qarşısını alan Qarabağdakı separatçı rejimin addımları yeni təxribat hücumlarına hazırlıq ehtimalını ön plana çıxarır.
Publika.az xəbər verir ki, Xankəndidə hazırda proseslər iki istiqamətdə cərəyan edir.
İkincisi, müharibəyə hazırlıqdır: separatçıların bütün yolları bağlansa da, Xankəndi-Qeybalı-Xəlfəli yolunda qeydə alınan görüntülər Rusiya sülhməramlılarının müşaiyəti ilə silah daşınması işinin davam etdiyi fikrini yaradır, o cümlədən, separatçı rejimin cinayətkarları əfv etməsi də onlardan canlı qüvvə kimi istifadə edilcəyi gözləntisini ortaya çıxarır.
Lakin müharibə hazırlığından Araik Arutyunyandan daha çox, Samvel Babayan və Ruben Vardanyan danışır. Babayan “yeni ordu” qurmağı tələb edir, Vardanyan isə döyüşə, “müdafiəyə hazır” olduqlarını bəyan edib. Hər iki şəxsin bu cür çıxışı siyasi mübarizədə önə çıxmaq istəyindən irəli gəlsə də, digər informasiyaları və baş verənləri nəzərə alanda ordumuza qarşı təxribat hazırlığının aparıldığı ehtimalını irəli sürmək mümkündür.
Artıq “müdafiə komitəsi” adı ilə qondarma qurum yaratmaq çağırışları var, məqsəd Bakıya reinteqrasiya prosesinin qarşısını almaqdır. Lakin separatçılara “müdafiə olunduqlarını” göstərmək üçün hansısa hərbi toqquşma lazımdır, məhz bu şəraiti yaratmaq məqsədilə ordumuza qarşı təxribat hücumlarının ola biləcəyi istisna edilməməlidir.
Bütün bunların fonunda dünən axşamdan Qarabağda sosial şəbəkələrin bloklanması da müharibəyə hazırlıq haqda şaiyələri gücləndirib. Erməni ekspert Artur Papyan bildirib ki, Qarabağda Feysbuk, İnstaqram və Vatsap qismən bloklanıb:
“Bunu kimin və nə üçün blokladığı bilinmir. Ermənilər VPN proqramlarından istifadə etməyə çalışırlar”.
Xankəndidə həm də, diqqətçəkən qeyri-müəyyən proseslər gedir.
Bakı-Şamaxı yolunun Qobustandan keçən hissəsində ölümlə nəticələnən yol qəzası olub.
“Qafqazinfo” xəbər verir ki, 1993-cü il təvəllüdlü Kamilov Mirdamət Mirkamıl oğlu idarə etdiyi "Toyota Prius" markalı avtomobillə piyada 2001-ci il təvəllüdlü Rüstəmov Vüqar Pünhan oğlunu vurub.
Nəticədə piyada aldığı xəsarətlərdən hadisə yerində ölüb.
Qeyd edək ki, V.Rüstəmov Vətən müharibəsi qazisidir. O, müharibədə iştirakına görə bir neçə medalla təltif edilib.
Son günlər Ermənistan silahlı qüvvələri tərəfindən xüsusilə Basarkeçər rayonunun Zod istiqamətində atəşkəs mütəmadi olaraq pozulur.
Xezerxeber.az xəbər verir ki, qarşı tərəf sözügedən ərazilərdə təxribatlar zamanı döyüş PUA-larından tez-tez istifadə edir.
Hərbi ekspert Üzeyir Cəfərov bildirib ki, Ermənistanın Zod istiqamətini seçməsinin müxtəlif səbəbləri var.
Onun sözlərinə görə, bunlardan biri şərti sərhəddə yerləşən Azərbaycan Ordusunun həmin ərazilərdə baş verən proseslərdən diqqətini yayındırmaqdır. Onlar bu yolla həm də öz mövqelərini gücləndirməyə cəhd edirlər.
Hərbi ekspert Ermənistanın istifadə etdiyi pilotsuz uçuş aparatlarına da diqqət çəkib. Bildirib ki, primitiv qaydada hazırlanan avadanlıqlar ordumuzun balansında olan zərbə dron aparatları ilə müqayisə oluna bilməz.
Ekspert qeyd edib ki, Azərbaycan Ordusu qarşı tərəfin pilotsuz uçuş aparatlarını asanlıqla sıradan çıxarır.
Ekspert vurğulayıb ki, Ermənistan belə cılız addımlarla döyüş meydanında və danışıqlar prosesində istəyinə nail ola bilməyəcək.
Son günlər Azərbaycanda kiberşantajın bir növü olan "sextortion" halları yenidən artıb.
Bunu texnobloger Fərid Pərdəşünas qeyd edib. O bildirib ki, "sextortion" ailələrin dağılmasına, insanların in tihar etməsinə səbəb olan təhlükəli hücum növlərindən biridir:
"Hücum zamanı türk dilində danışan xanımlar, onlayn danışıqlar təşkil edərək, qarşı tərəfin intim hərəktlər etməsini tələb edir. Bu hərəkətlər isə videogörüntü formasında qeydə alınır, daha sonra şantaja başlanılır.
Xüsusilə mövzudan xəbərsiz olan və texnologiya ilə zəif davranış göstərən və təbii ki, hislərinə məğlub olan şəxslər bu hücumun qurbanı olur. Lazım olan məbləğlər hər ay ödənilmədikdə, çəkilən videonuz bir-bir dostlarınıza göndərilir".
Vəkil Seymur Səfərov isə bildirib ki, qarşı tərəf bu cür videoların hazırlanmasına şərait yaradan heç bir hərəkət etməsə belə, montaj olunur:
"Videoqeyd üçün hər hansı bir hərəkət etmək bəzən tələb olunmur. Adi qaydada videogörüntü ilə danışsanız belə, sonradan montaj edirlər. Bunu edənlər Bolqarıstan və Rumıniyadan idarə olunan şəbəkədir. Belə halla rastlaşanlar dərhal hüquq-mühafizə orqanlarına müraciət etməlidir ki, araşdırılsın və qurbanların sayı çoxalmasın. Əvvəllər də bununla bağlı bir sıra effektli tədbirlər görülüb",- deyə o söyləyib
Kremlin kuklası olaraq tanınan və bir müddət Qarabağda separatçıların ”dövlət naziri” kimi çalışan Ruben Vardanyan bölgədə yeni siyasi hərəkat yaratmağa hazırlaşır. JAMAZ.İNFO xəbər verir ki, Rusiya vətəndaşı olan milyarder bu gün Xankəndidə həmin hərəkatın adını elan edəcək və onun təsis edildiyini açıqlayacaq.
“Jamanak” qəzetinin yaydığı xəbərə görə, Vardanyanın yaratdığı təşkilat Qarabağın “azad edilməsi” məqsədi ilə hərəkat şəklində olacaq. Onunla birlikdə Qarabağdakı qondarma “parlament”də təmsil olunan 4 “siyasi qüvvə” də hərəkatda təmsil olunacaq.
Bildirək ki, sözügedən şəxs bir müddət əvvəl “Qarabağın Qurtuluş Planı” adlı təkliflər paketi hazırlayıb. Hələ mayın 9-da Xankəndidə keçirilən aksiya zamanı o, bu planı separatçıların rəhbəri Arayik Harutyunyana təqdim edib. Bundan başqa, Vardanyan Arayik və başının dəstəsinə ultimatum da verib. O bildirib ki, əgər həmin planı Harutyunyan həyata keçirməsə, onlar özləri reallaşdırmağa başlayacaqlar.
Qeyd edək ki, Vardanyanın təklifləri sırasında əsas yeri Qarabağda hərbi səfərbərliyin elan edilməsi, Azərbaycana qarşı lokal hərbi əməliyyatlara başlamaq da var. Bunu erməni milyarder inkar belə etmir. O, son müsahibəsində də bildirib ki, Qarabağdakı separatizmi vəziyyətdən çıxarmaq üçün əsas yollardan biri Azərbaycana qarşı silahlı müqavimətin göstərilməsidir.
Bildirək ki, Ruben Vardanyan Rusiyanın bölgəyə göndərdiyi xüsusi adamdır. Bunu rəsmi Bakı da təsdiqləyib. Onun missiyası nəyin bahasına olursa olsun, Qarabağda çaxnaşma yaratmaq, Azərbaycan Ordusuna qarşı partizan və lokal müharibəyə başlamaqdır. Bu təlimat da ona Kremldən verilib. Çünki indiki məqamda istər Qərbə, istər Ermənistana, istərsə də Azərbaycana təzyiq göstərmək üçün Qarabağda münaqişənin bitmədiyini nümayiş etdirmək, habelə bölgəni qeyri-sabit duruma gətirməkdir.
Şəxsiyyət vəsiqənizi kənar şəxslərə təqdim edərkən diqqətli olun. Çünki şəxsi məlumatlarınız əldə olunmaqla, özünüz də bilmədən hər hansı cinayətin qurbanı ola bilərsiniz.
Mövzu ilə bağlı danışan hüquqşünas Şamil Paşayev "Xəzər Xəbər"ə deyib ki, şəxsiyyət vəsiqənizin tam şəkildə deyil, yalnız tələb olunan məlumatlarını təqdim etmək kifayətdir.
Onun fikrincə, kimliyinizin müəyyənləşdirilməsi üçün alternativ vasitələrdən istifadə etməyə üstünlük verilməlidir.
Daxili işlər Nazirliyinin şöbə rəisi Elşad Hacıyevin sözlərinə görə, şəxsi məlumatları özündə əks etdirən sənədlərin başqasına verilməsi hansısa çətinliyin yaranması ilə nəticələnə bilər.
Yeri gəlmişkən, şəxsiyyət vəsiqəsini girov götürən şəxs İnzibati Xətalar məcəlləsinin əsasən 500 manatdan 800 manatadək cərimə oluna bilər.
Mayın 18-i saat 07:15 radələrində Azərbaycan Ordusunun Kəlbəcər rayonunun Yellicə yaşayış məntəqəsi istiqamətində yerləşən bir neçə mövqeyinə qarşı Ermənistan silahlı qüvvələri tərəfindən döyüş PUA-ları tətbiq edilib.
Bu barədə Müdafiə Nazirliyindən məlumat verilib.
Azərbaycan Ordusunun bölmələri itki verməyib, cavab tədbirləri görülür.
"Bildiririk ki, bölgədə yaranan gərginliyə görə bütün məsuliyyət Ermənistanın hərbi-siyasi rəhbərliyinin üzərinə düşür", - məlumatda qeyd edilib.
"Sosial şəbəkədə yayılmış foto Azərbaycanda çəkilməyib".
Bu barədə Daxili İşlər Nazirliyinin (DİN) Mətbuat Xidmətindən məlumat verilib.
"Araşdırmalarla məlum olub ki, fotoşəkil 2 gün öncə xarici ölkələrdən birinin sosial şəbəkə seqmentində yayılıb", - məlumatda qeyd olunub.
Qeyd edək ki, ötən gün sosial şəbəkələrdə dəmir yolunun üzərində hasar tikilməsini özündə əks etdirən foto yayılmışdı.
Ötən gün özündən 24 yaş böyük dul kişi ilə nişanlandırılan qızdan yeni xəbər var.
13 yaşlı qız və bacısı ailədən alınacaq.
Komitə rəsmisinin sözlərinə görə, ailə Dövlət Qurumları tərəfindən nəzarətdə saxlanılacaq.
Daxili İşlər Nazirliyindən isə bildirildi ki, bu gün ailə ərazi üzrə 12-ci polis bölməsinə çağırılıb, müvafiq izahatlar alınıb.
5 il ərzində məktəbə getməyən şagird ilə bağlı 213 nömrəli tam orta məktəbin direktoru Səbinə Əliyeva isə deyib ki, uşağın təhsildən yayınması ilə bağlı valideyni ilə dəfələrlə əlaqə saxlanılsa da, heç bir müsbət nəticə əldə olunmayıb.
Bununla bağlı Sabunçu Rayon Polis İdarəsinə və Rayon İcra Hakimiyyətinin nəznində yaradılmış Yetkinlik Yaşına Çatmayanların İşləri və Hüquqlarının Müdafiəsi Komissiyasına məlumat verilib.
Sabunçu Rayon Polis İdarəsindən məktəbə verilən cavabda bildirilib ki, şagirdin ailə üzvləri ilə əlaqə saxlanılıb, profilaktik söhbət aparılıb, təhsildən yayınmanın aradan qaldırılması barədə xəbərdarlıq edilib. Lakin bütün bunlara baxmayaraq şagirdin təhsildən yayınması halı davam edib.
Sonda Sosial Xidmətlər Agentliyindən bildirildi ki, artıq 13 yaşlı qız azyaşlı bacısı ilə birlikdə sosial xidmət müəssisəsinə yerləşdirilib. Orada uşaqlara sosial-psixoloji və digər xidmətlər göstəriləcək.