Dünya birjalarına təsir edən amil yenə də ABŞ faktorudur.

Axar.az xəbər verir ki, bu sözləri dünya bazarında neftin qiymətlərinin bahalaşmasının səbəblərinə aydınlıq gətirən Neft Araşdırmalar Mərkəzinin rəhbəri İlham Şaban deyib.

“Dünən ABŞ Enerji Administrasiyası ölkənin həftəlik neft ehtiyatlarına dair ənənəvi hesabatını açıqladı. Analitiklərin proqnozlarına görə, ehtiyatlar 0,7 milyon barrel azalmalı idi. Ancaq reallıqda bu göstərici 2.6 milyon barrel oldu. Təbii ki, belə bir azalma tempi dünya birjalarına təsirsiz ötüşməyə bilməzdi. Hazırda birjalar bunun şok effektini yaşayırlar”, - ekspert bildirib.

İ.Şaban bununla yanaşı qiymətlərdə stabilləşmənin ola biləcəyini də istisna etməyib: “Əgər İranla bağlı hansısa statistika və ya digər faktorlar bazara təsir etməsə, neftin qiymətləri enəcək”.

Qeyd edək ki, hazırda “Brent” markalı neftin bir bareli 77,41, yüngül neft isə 69,63 dollara təklif edilir.

Bakı nefti isə 78 dollar civarındadır.

Twitter