 |
|
"Kişi qadını diqqəti, varlığı, qayğısı ilə xoşbəxt etməlidir. Qadına diqqət sevgi göstərsən, pul önəmli deyi. Kişi pul qazanar. Ən vacib olan bir can sağlığı, bir də puldur".
Bu sözləri Xalq artisti Məleykə Əsədova "Zaurla Günaydın" proqramında deyib. Aktrisa sənət adamlarının ünvanına sosial şəbəkədə yazılan şərhlərə cavab verib. Sənətçi işləməyən kişiləri tənqid edib:
"Hər kəs milyon qazana bilməz. Hamı nazir, müdir, aktrisa ola bilməz. Hərənin bir şansı var. Birdən yazırlar, filankəsin nələri var. Filankəs yuxusuz gecələr keçirib, əziyyətlə qazanıb, canını qoyub. Siz oturmusuz evdə, deyirsiz iş yoxdur. Adam var kişi oturur, arvad işləyir. İş var, niyə yoxdur... Gecə-gündüz iki işdə çalış, qazan. Evə pulu kişi gətirməlidir, qadın yox". /axsam.az/
Dəyərli izləyicilərimiz sizlərə yeni mahni 2020 təqdim edirik buyrun xoş dinləmələr.
İfaçı: Cəlal Ay
Mahnı: Nəğməm 2020 (Official Klip)
Söz: Cəlal Ay
Mus: Cəlal Ay
Gitara: Cəlal Ay
İdeya: Cavid Əfəndi
Ssenari: Cavid Əfəndi
Aranjıman: Loğman Yusub
Rejissor: Loğman Yusub
Solo Gitara: Məmmədov Arif
Rollarda: Sara Ağayeva
Sevda Məmmədova
Sahib İbrahimov
Vüsalə Qarahun
Fərid Bədəlov
Ifaçının İnstagramı: celalay_
Yayım: Tofiq Mirzeyev
Milli Məclisinin V və VI çağırış deputatı Naqif Həmzəyev "Qarabağ üçün oxu" layihəsində iştirak edib.
Millət vəkili layihədə oxunan "Nə bəxtiyardıq" mahnısının ifası zamanı tar çalıb.
Qeyd edək ki, "Qarabağ üçün oxu" - məşhur qlobal layihənin ("Playing for Change", "Doğa için çal" ) Azərbaycan versiyasıdır. qaynarinfo
.jpeg)
Xəbər verdiyimiz kimi, dünən Xalq artisti, Prezident təqaüdçüsü Teymur Mustafayev dəfn olunub.Xalq artisti dəfn olunan zaman kütləvi toplaşma qeydə alınıb.
"Ölkə.Az" xəbər verir ki, Daxili İşlər Nazirliyinin Mətbuat Xidmətinin Lənkəran regional qrupunun baş inspektoru Məhəmməd Rzayev Oxu.Az-a bildirib ki, dəfn vaxtı orada təqribən 30 nəfər olub ki onların əksəriyyəti mərhumun yaxın qohumları və doğmalarıdır:
“Həmin şəxslərdən yeddi nəfərinin karantin qaydalarını pozduğu müəyyən edilib və barələrində İnzibati Xətalar Məcəlləsinin müvafiq maddəsi ilə protokol tərtib edilərək cərimə olunublar”.
Yazıçı Ömər Xəyyam muğam ifa edib.
“Ölkə.Az” xəbər verir ki, yazıçının ifası zamanı çəkilən videosu “Facebook” sosial şəbəkəsində yayımlanıb. Video qısa müddət ərzində izləyicilər tərəfindən çox bəyənilib.
Sözügedın videonu təqdim edirik:
''Mən son bir həftə içində çox yorulmuşam''.
Bu sözləri ''Ölkə.Az''ın əməkdaşı ilə söhbəti zamanı Əməkdar artist Çingiz Əhmədov Akademik Musiqili Teatrın rəhbəri Əliqismət Lalayevlə aralarında baş verən qalmaqala fikir bildirərkən deyib:
''Artıq söz-söhbətlərə son qoyulur. Müdriyyət tərəf də, mən tərəf də tükənmişik. Mən sadəcə haqqımı tələb edirəm. Burada başqa söhbət yoxdu''.
Aktyor əməkdaşımızın ''Biletlərin üç aparıcı aktyora görə satılmasını dilə gətirməyiniz, digər həmkarlarınızda qıcıq yaradır?'' sualına da münasibət bildirib:
''Biz bu sözü müdir Əliqismət Lalayevin ağzından eşitmişik. Həqiqət olduğu üçün də, bunu danmaq olmaz. Mən də haqqımı tələb edərək demişəm ki, ''Əgər belədirsə onda nəyə görə mənim haqqımı yemisən?'' Elə yaxın keçmişdə də Hacıbaba Bağırovun, Nəsibə Zeynalovanın, Bəşir Səfəroğlunun adına biletlər alıblar. Mən uşaq vaxtından, gözümü açdığım gündən görmüşəm ki, adını saydığım aktyorların adına biletlər alırlar”.
Xalq artisti, Prezident təqaüdçüsü Teymur Ağaxan oğlu Mustafayevin ölüm səbəbi məlum olub.
TƏBİB-dən "Report"a bildirilib ki, 04.06.2020-ci il tarixində "Yeni Klinika" tibb müəssisəsinə 1939-cu il təvəllüdlü Mustafayev Teymur Ağaxan oğlu təcili tibbi yardım maşını ilə evdən ikitərəfli COVID-19 pnevmoniyası, kəskin tənəffüs çatışmazlığı, ağciyər-ürək çatışmazlığı, şəkərli diabet II tip ağır klinik gedişli, hər iki aşağı ətrafın işemiyası diaqnozu ilə ağır vəziyyətdə gətirilib və reanimasiya şöbəsinə daxil olub.
Daxil olan kimi xəstəyə müvafiq müayinələr olunub. Tənəffüs çatışmazlığı və xəstədə hemodinamiki göstəricilərdə pozğunluqlar dərinləşdiyindən təcili intubasiya olunaraq süni ventilyasiya aparatına qoşulub. Həkim infeksionistin təyinatı ilə xəstəyə COVID-19-a qarşı antibakterial, antiviral müalicəyə başlanılıb.
Həkimlərin səyinə baxmayaraq, 11.06.2020-ci il tarixdə 15:30-da bioloji ölüm qeyd olunub.
ATV telekanalının Xəbərlər Departamentinin redaktoru Nicat Sadıqlı işdən ayrılıb.
Bu barədə jurnalist özü “Facebook” səhifəsində məlumat verib.
“Əziz dostlar. Bu gün 8 il çalışdığım ATV telekanalından öz istəyimlə ayrıldım. Necə deyərlər, tarix baxımından az olsa da, insan ömrü baxımından az müddət deyil. Bu müddət ərzində “ATV Xəbər” proqramında mənə həvalə olunan redaktor, baş redaktorun müavini, şef redaktor vəzifələrinin öhdəsindən gəlməyə çalışdım. Mənə etimad göstərən hər kəsə təşəkkürümü bildirirəm”,- deyə o, qeyd edib.
N. Sadıqlı bu addımı səhhətində yaranan problemlərə görə atdığını vurğulayıb.
“Bir az səhhətimə fikir verməliyəm, hər şey düzələndən sonra yola davam edərik”.
Xəzər Televiziyasının rəhbəri Murad Dadaşov “İncilər” şou verilişini bağlayıb.
Sözügedən televiziyada yayımlanan “İncilər” verilişinin yayımı dayandırılıb. Artıq Murad Dadaşovun qərarı işçilərə elan olunub.
Qeyd edək ki, sözügedən verilişin layihə rəhbəri Əli Həsənovun qaynı Azər Vəliyev olub.(unikal.org)
İctimai Televiziya və Radio Yayımları Şirkəti ölkəmizdə yayım lisenziyasına sahib olduğu məşhur “The Voice” vokal müsabiqəsi yenidən ekranlara qayıdır.
Möhtəşəm şounun böyüklər üçün olan versiyası “Səs Azərbaycan”nın qeydiyyatı başlayır.
Dünyanın ən çox müzakirə olunan vokal şousunda iştirak etmək istəyən və istedadına güvənən, yaşı 16-65 aralığında olan hər kəs öz ifasını video formatında çəkib (051) 255 44 44 nömrəsinə “Whatsapp” vasitəsilə göndərə və ya www.itv.az saytında müvafiq bölməyə yükləyərək qatıla bilər.