 |
|
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan, snayper tüfənglərindən və 60 millimetrlik minaatanlardan da istifadə etməklə, sutka ərzində atəşkəs rejimini 65 dəfə pozub.
Bu barədə Müdafiə Nazirliyi məlumat yayıb.
Bildirilib ki, Ermənistan Respublikası Berd rayonunun Mosesqex, Çinari və Ayqedzor kəndlərində yerləşən mövqelərdən Tovuz rayonunun Ağdam, Ağbulaq, Muncuqlu kəndlərində, Çəmbərək rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.
İşğal altında olan Ağdam rayonunun Novruzlu, Yusifcanlı, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qərvənd, Qaraxanbəyli, Aşağı Seyidəhmədli, Qorqan, Horadiz, Cəbrayıl rayonunun Nüzgar və Mehdili kəndləri yaxınlığında, həmçinin, Goranboy, Tərtər, Ağdam, Xocavənd və Füzuli rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.
Zərdab Rayon İcra Hakimiyyətindən Unikal.org-un sorğusuna cavab olaraq bildirilib ki, Korrupsiyaya qarşı Mübarizə Baş İdarəsinin əməkdaşlarının keçirdikləri əməliyyat tədbirləri nəticəsində rüşvət aldıqlarına görə, bu şəxslər saxlanılıblar:
İcra Hakimiyyətinin Memarlıq və tikinti şöbəsinin müdiri Əhmədov Sahid Abuseyid oğlu, İcra Hakimiyyəti Başçısının Yarməmmədbağı kənd inzibati ərazi dairəsi üzrə keçmiş nümayəndəsi Rahim Xəlilov, həmin kəndin hazırkı Bələdiyyə sədri Sahib Xəlilov
Qeyd edək ki, Zərdab rayon İcra Hakimiyyətinin başçısı Mərdan Camalovdur.
Zərdab Rayon İcra Hakimiyyətinin Memarlıq və tikinti şöbəsinin müdiri Əhmədov Sahid Abuseyid oğlu saxlanılıb.
Unikal.org avropa.info-ya istinadən xəbər verir ki, Sahid Əhmədov Bakıdan gedən hüquq mühafizə orqanları əməkdaşları tərəfindən həbs olunub.
S. Əhmədovla yanaşı, bir icra nümayəndəsi və bir bələdiyyə sədrinin də saxlanıldığı qeyd olunur.
“Xəbər saytlarında “22-ci bölmənin qarşısında polis zorakılığı” başlığı ilə yayılan videogörüntülər tərəfimizdən tam və hərtərəfli araşdırılıb”.
“Qafqazinfo” xəbər verir ki, bu barədə Bakı şəhər Baş Polis İdarəsinin Mətbuat Xidməti məlumat yayıb.
Məlumata görə, araşdırmalar zamanı hər hansı zorakılıq, yaxud digər qanundankənar fakt təsdiqini tapmayıb:
“İyulun 27-də paytaxtın Nəsimi rayonu Füzuli və Rəşid Behbudov küçələrinin kəsişməsində nəzarət-profilaktik tədbirləri həyata keçirən polis əməkdaşları hərəkət edən üç nəfərin sənədlərini təqdim etməsini tələb edib. Onlardan bir nəfərin icazəsi olmasına baxmayaraq, digər iki nəfər polisin qanunu tələblərinə məhəl qoymayaraq, tabesizlik göstərməklə, asayiş keçikçilərinin ünvanları nalayiq ifadələr işlədiblər.
Keçirilən tədbirlərə şəxsiyyətləri müəyyən olunan 1996-cı təvəllüdlü A.Dadaşov, 1984-cü il təvəllüdlü S.Məstanova saxlanılaraq müvafiq polis bölməsinə dəvət olunaraq, qanunvericiliyə uyğun olaraq, İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulmas) və 535-ci (Polis işçisinin və ya hərbi qulluqçunun qanuni tələbinə qəsdən tabe olmama) maddələri ilə barələrində protokollar tərtib olunaraq, baxılması üçün rayon məhkəməsinə göndərilib”.
Elmi-Tədqiqat Ağciyər Xəstəlikləri İnstitutu 65 yaşdan yuxarı həkimlərin məcburi şəkildə işə çağırılması haqqında məlumatlara münasibət bildirib.
İnstitutunun direktoru Həqiqət Qədirova Oxu.Az-a açıqlamasında bildirib ki, heç bir həkim pandemiya ilə mübarizəyə məcbur edilməyib:
“Bir müddət əvvəl Nazirlər Kabineti 65 yaşdan yuxarı insanların evdən çıxmaması ilə bağlı qərar verdi və biz də həkimlərdən kim istəmədisə, işə çağırmadıq. Mənim və həkimlərimizin yaşı 65-dən yuxarı olsa da, işləmişik. Çünki biz bilirdik ki, işimiz vacibdir. Biz olmasaq, burada iş getməz. Amma heç kim məcbur işlədilməyib”.
H.Qədirova bir müddət əvvəl institutun 70 yaşlı həkim-bronxoloqu Faiq Ağayevin koronovirusdan ölməsinə görə müəssisənin ittiham edilməsindən də danışıb.
O bildirib ki, Faiq həkim xəstələrlə işləməyib:
“Bilirsiniz ki, biz vərəm xəstəliyi ilə mübarizə apardığımız üçün institut COVID-19-la mübarizəyə digər müəssisələrdən daha yaxşı hazırlıqlı oldu. Bizim geyimlərimiz, maskalarımız var idi və digər xəstəxanalar kimi çətinlik çəkmədik.
May ayının sonuna kimi burada yoluxanlar olmadı. Səbəb isə hazırlıqlı olmağımız idi. F.Ağayevin yoluxması burada baş verməyib. Qəribə ifadə olsa da, amma qohumları da etiraf edirdi ki, həkim bu xəstələrlə işləmədiyinə görə COVID-19-a yoluxacağına inanmayıb”.
Qeyd edək ki, bir müddət əvvəl Elmi-Tədqiqat Ağciyər Xəstəlikləri İnstitutunun 70 yaşlı həkim-bronxoloqu, bu tibbi müəssisənin sabiq direktoru Faiq Ağayev koronavirusa görə müalicə aldığı Azərbaycan Tibb Universitetinin Tədris-Cərrahiyyə Klinikasında vəfat edib. Onun qohumları iddia edib ki, o və digər 65 yaşdan yuxarı şəxslər COVID-19-la mübarizə üçün işə məcbur çıxarılıb.
Koronavirusa yoluxmuş jurnalist Əmrah Fəqanoğlu vəfat edib.
“Qafqazinfo” xəbər verir ki, bu barədə jurnalistin həmkarları sosial şəbəkədə məlumat yayıb.
Bildirilib ki, virus səbəbi ilə son günlər vəziyyəti ağırlaşan jurnalistin həyatını xilas etmək mümkün olmayıb.
Qeyd edək ki, əvvəl Dövlət Sosial Müdafiə Fondunun mətbuat xidmətinin rəhbəri olan Əmrah Fəqanoğlu son olaraq İctimai televiziyanın Xəbərlər departamentində işləyirdi.
Bakıda 4 yaşlı uşaq bədbəxt hadisə nəticəsində ölüb.
Report məlumatına görə, hadisə iyulun 27-i saat 13.00 radələrində Xəzər rayonu, Binə qəsəbəsi, Atçılıq yaşayış massivində qeydə alınıb.
Belə ki, paytaxt sakini, 2016-cı il təvəllüdlü Elmir Gülməmmədov yaşadığı evdə qaynanan süd qazanında düşüb. Daha sonra uşaq yanıq xəsarətləri ilə xəstəxanaya çatdırılıb, lakin onun həyatını xilas etmək mümkün olmayıb.
Ermənistan silahlı qüvvələrinin bölmələri cəbhənin müxtəlif istiqamətlərində snayper tüfənglərindən də istifadə etməklə sutka ərzində atəşkəs rejimini 38 dəfə pozub.
Bu barədə Müdafiə Nazirliyindən məlumat verilib.
Bildirilib ki, Ermənistan Respublikası Berd rayonunun Ayqepar və Çinari kəndlərində yerləşən mövqelərdən Tovuz rayonunun Əlibəyli, Ağdam və Koxanəbi kəndlərində, Çəmbərək rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən Azərbaycan Ordusunun mövqeləri atəşə tutulub.
İşğal altında olan Ağdam rayonunun Mərzili, Füzuli rayonunun Aşağı Veysəlli, Qərvənd, Qaraxanbəyli, Aşağı Seyidəhmədli, Qorqan, Horadiz kəndləri yaxınlığında, həmçinin Tərtər və Ağdam rayonları ərazisindəki adsız yüksəkliklərdə yerləşən mövqelərdən də Azərbaycan Ordusunun mövqeləri atəşə tutulub.
Bakıda karantin rejimi qaydalarını pozan şəxs həbs edilib.
APA-nın məlumatına görə, Vəkillər Kollegiyasının üzvü, “Mərkəz” Vəkil Bürosunun vəkili Nadirov Elçin Zahir oğlu karantin qaydalarını pozduğu üçün saxlanılıb.
Onun barəsində İnzibati Xətalar Məcəlləsinin 211-ci (epidemiya əleyhinə rejimin, sanitariya-gigiyena və karantin rejimlərinin pozulması) maddəsi ilə protokol tərtib edilərək, baxılması üçün Xətai Rayon Məhkəməsinə göndərilib.
Xətai Rayon Məhkəməsində hakim Lalə Rəhimlinin sədrliyi ilə keçirilən prosesdə Elçin Nadirov bir ay müddətinə inzibati qaydada həbs edilib.
Qərardan narazı qalan vəkil apellyasiya şikayəti verib. Bakı Apellyasiya Məhkəməsində onun şikayəti təmin edilməyib, birinci instansiya məhkəməsinin qərarı dəyişdirilmədən saxlanılıb.
İyulun 12-də günorta saatlarından başlayaraq Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu sahəsində atəşkəs rejimini kobud şəkildə pozaraq artilleriya qurğularından istifadə etməklə mövqelərimizi atəşə tutublar.
“Sfera.az” Ermənistanın müxalifət mediasına və sosial şəbəkələrə istinadla xəbər verir ki, Ermənistan müdafiə nazirliyi gizlətməyə çalışsa da bu döyüşlərdə çox sayda erməni əsgər və zabitləri ölüb.
Sfera.az bəzi erməni hərbçilərinin adlarının siyahısını təqdim edir:
1. mayor Qaruş Ambartsumyan
2. Kapitan Sos Elbakyan
3. Artur Avakyan (kiçik zabit)
4. Norik Biriyan (zabit)
(digər sıravi əsgərlər və ya çavuşlar)
5. Maxlamyan
6. Aramayis Hakobyan
7 Arman Sianosyan
8. Tatul Koçaryan
9. Smbat Qabrielyan
10. Pavel Abrahamyan
11. Karamyan
12 Kalaşyan
13. Kazaryan
14 Qrişa Matevosyan
15. Arsen
16 Artur Muradyan
17 Suren Vardanyan
18. Marqaryan
19. K. Sadskalyan
20. Hovsep Martirosyan
21. Alik Manukyan
Yaralı hərbçilər
1. Mxitar Vardazaryan (kiçik zabit)
2. A. Babayan (zabit)
3. Hayrapetyan
4. Sasun Dallakyan
5 Xaratyan
6 Sarkisyan
7. Udumyan
8. Hayrapetyan
Qazax rayonunda dörd nəfərin bıçaqlanması ilə nəticələnən hadisə barədə bəzi detallar məlum olub.
Hüquq-mühafizə orqanlarından oxu.az-a verilən məlumata görə, hadisə müştərinin sifariş verdiyi pivənin gecikməsi səbəbindən baş verib.
Kafedə müşətir olan Elvin Abbasov və digər iki dostu pivə sifariş ediblər.
Onlara qulluq edən ofisiant Türkan Şamayeva sifarişi gec gətirib və E.Abbasovla aralarında mübahisə baş verib. Nəticədə o, T.Şamayevanı bıçaqlayıb.
Hadisəni eşidən Türkanın sevgilisi İsrafil Camalov E.Abbasovu və iki nəfəri bıçaqlayıb.
Yaralıların vəziyyəti orta-ağır qiymətləndirilir.
İsrafil Camalov saxlanılıb, faktla bağlı araşdırma davam etdirilir.
Qeyd edək ki, ötən gün Qazaxda dörd nəfərin xəsarət alması ilə nəticələnən iki bıçaqlanma hadisəsi olub.
Belə ki, aralarında yaranan mübahisə davaya çevrilən 1971-ci il təvəllüdlü Qazax rayon sakini Əsliyev Mərdan Mehrəli oğlu qabırğasından, 1987-ci il təvəllüdlü Abbasov Elvin Zeynal oğlu sağrı nahiyəsindən, 1964-cü il təvəllüdlü Aslanov Şahid İsmayıl oğlu sol bud nahiyəsindən bıçaqlanıb. Hər üç yaralı xəstəxanaya yerləşdirilib.
Bundan başqa, 1994-cü il təvəllüdlü Şamayeva Türkan Mehdi qızı sol bud nahiyəsindən bıçaq xəsarəti ilə xəstəxanaya yerləşdirilib.